Wy frederick vnd Mathias, de vintzelbergen, Bekennen — dath wy nach Rade vnser frunde verkoft hebben vnd vorkopen In craft dusses briues dem duchtigen vnd erbarn Cri st off el van Sanne, synen Rechten eruen vnd deme bebber dusses briues mith fynen guden wil- len einen baluen wispel Roggen In vnd auer den Schultenhoff to G arc how mit aller tobehoringe, den ick Criftoffel van sanne nu tor tidt suluest bewane, dussen haluen Wispel Roggen willen wy Frederick vnd Matbias, de vintzelbergen, dem Erbarn Christoffel van sannen vnd sinen mitbenomden ein recht gewer wesen vor alle ansprake vnd hinder. Dusse vorgeschreuen Jar- like Rente schal de vorgnante Criftoffel van Sanne, sine Eruen edder hebber dusses briues mith linen guden willen alle Jar up Martini gebruken vnd geniten ane Jennigerleye argelisth vnd hulperede. Hirvor heft vns de vorgnante Criftoffel van sanne wol to dancke vnd thor noge betaleth In einer sumruen drutteyn mark Stendelscher weringe, de gentzlicken In vnse vnd vnser eruen mith vnd Framen gekamen syn. Ock wille wy vorgnante Frederick vnd Mathias, de vintzelbergen, nenen andern de Rente vorsetten edder aflosen, id geschege denne, dath wy se vor vns vnd vnsen eruen wolden wedderkopen, so scholle wy dat dem vorgnanten Criftoffel van Sannen, sinen eruen edder deme hebber dusses briues mith sinen guden willen tofeggen vnd vorkundigen up Michaelis vnd denne darna In den vier hilligen dagen In den winachten, Sodane drutteyn marck stendelscher Weringe ful vnd al In de stadt Stendal gheuen vnd betalen In einen summen mith den gebarn vnd hinderstelligen Ren ten. Alle stucke, puncte vnd artickel dusses briues lauen wy Ergnanten Frederick vnd Mathias, de vintzelbergen, In guden truwen stede, vaste vnd vnuorbraken wol to holdende ane listh, hulperede vnd geferde. Ok laue wy Fre derick vnd Mathias, de vintzelbergen, dem vorbenomden Criftoffel van Sanne vnd linen mitbenomeden van vnsen gnedigen hern des kopes einen wille brieff to besehaffen. Des to merer bokantnisse vnd grotter wissenheith hebbe wy Frederick vnd Matthias, de vintzel bergen, vnse Ingesegel witlicken gehangen an dussen apen brieff, de gegheuen vnd geschreuen Is na Cristi vnses hern geborth dusenth viffhundert vnd In deme acht vnd twintigsten Jar des middewekes na funte Gregorius dage, des hiligen Bisschops.

Wad) bem Original (2Hitt$eiutng beS $errn ®t1). SRatl) son SBerbetf).