Kegen vnd widder solche vonneffene, muthwillige vnd gantz vnformliche Clage vnd zcu- spruche, alss Dittrich von Qwitczow der elder zcu vnd widder vnss Ernsten, von gotiss gnaden Administratoren der kirchen Magdeburgk vnd halberstadt, hertzogen zcu Sachsen, lantgraffen In doringen vnd Marggraffen zcu Meysszen, vnd vnsserer kirchen zcu Magde burg Capittel schrifftlich gesaczt vnd vor euch hochgebornen fursten, hern Ernst,- herczog zcu Sachssen, dess heyligen Komischen Reychs Ertzmarschalck, korfurften, lantgraff In doringen vnd Marggraff zcu Meysszen, vnd hern Johannssen, Marggraff zcu Brandenburgk, zcu Stetin, pommern etc. herczog, burggraffe zcu Norenberg vnd furst zcu Rugen, vnssern herrn vater vnd ohemen vnd In diffzer Sache bewilligete vnd gekorne Scheydessrichtere Ingeleytt, obirgeantwort vnd vorbracht hat, brengen, setczen vnd thun wir itztgnanter Ernst, von gotiss gnaden Administrator etc., von vnsser vnd doselbist zcu Magdeburg vnssers Capittels wegen diffzen vnssern schutcz, were vnd atitwortt In der allerbesten form, alsso dass von rechte gescheen sal vnd zcu thune vorlasszen ist, alss himachfolget: vnd vor alien dingen sso protestiren vnd bedingen wyr, dass wir mit den nochfolgenden gesetezen nicht wollen beladen, noch vorstrickt seyn, etezwas melier zcu bewysseu ader zcu gezcewgen, wann zeu-vnsserm vorhoffen rechte Im rechten noth ist, ap wir auch wass mehir vnd obriges setczen wurden, Sundern dass wyr an dem wollen gniige haben, dass zcu Irlangung vnd zcu Irfolgung vnssers vorhofften Rechten gnug ist, bedingen vnss dortzu alle gunst, sreyheit, gnade, vorteil vnd satezunge dels Rechten, dy eynen antworter zcu vorauss In sachen, dy kirche betreffende vnd vnss auss geistlicher vnd wertlicher wirde Im rechten geboren mogen vnd mit Bedingung haben mag Befferung, anderuDg, Irholung vnd lutherung vnd wass dess geseyn mag, auch zcog, zeeit, frist vnd dilacion etc., ap vnss geczewgnifle ader ander kuntschafft vnd orkunde zcu vorfuren adir zcu thune zcu Irkanth wurde, Nehemen auch au alless in vnssers widderpart schrifften aufFbracht alleyne an den enden, wu ess vnsser gerechtikeyt gedyneu inoge, dovon vnd eym iczlichen wyr offentlich geczewgen vnd protestiren.

Alssdann Dittrich vonQwitczow der elder vnss obgnanten Ernst, von gotes gnaden Administratoren etc., vnd vnsser Capittel zcu Magdeburg beschuldiget vnd gibt vnss schult cla- gende, wy om In vorgangenen zceyten der Erwiirdigiste In gott vater, herrn fridricb, Ercz- bischoff zcu Magdeburg selbiger, vnsser andere vorfar, mit volbort, willen vnd wifien die zeeit seyns Capittels der Thumkirchen zcu Magdeburg dass Ampt zcu Sandow, Sloss vnd Stadt mit seyner zeubehorung, das dorff Clitczk mit seyner zeugehorung vnd dy voytey dels landess Je richo w wff eyn widderkawff vorkawfft, eyngegeben vnd obirantwort habe laffen noch Inholt vnd lawtiss dess widderkawffsbriffes, dess Copia vnd abel'chrifft er in seynen schrifFten gesaczt hatt vnd wywol er Solche Ampt, Sloss vnd Stadt zcu Sandow vnd dass dorff Clytczk mit oren zeubeho- rungen vnd dyselbige voytey zcu Jerichow in Nuczlicher vnd geruglicher gebrewchunge gehabt vnd beseffen habe Jar vnd tag vnd obir Jar vnd tag habe om doch der Erwirdigiste herre J o - hann, Ertczbischoff zcu Magdeburg, vnsser nehster Irster forfar selliger, In der weniger zeal Im funff vnd sybenezigisten Jare vmb Sancti Johanns baptisten tag vnd seyn Capittel zcu Magde burg mit selbist gewalt ane rechtiss forderunge mit eygem freuil ane rechtliche schult solchs Amptiss, Sloss vnd Stadt Sandow, dess dorffs Clitczk vnd voytey dess Iandiss Jerichow mit

105

•

aller seyner zcubehorung entwert vnd geweldiclich entsazt om zu Mergklichen scbaden vff czwen- czig tawsent gulden geachtet, dyselbigen gutere wyr ehegedachter Ernst, Administrator etc., vnd vnsser Cappittel zcu Magdeburg on noch sollen vorhalden etc. vnd vorhoffet, wyr mogen on vmb keynen schaden beclagen, er fey vnss auch dor uff zu antworten nicht pflichtig, er fey dann in seyne gerugliche vnd Nutczliche gewebire dess Amptiss, Sloss vnd Stadt Sandow, dess dorffs Clitczk vnd der voytey Im lande zcu J eric how widdereyngesaczt vnd seyn gewirderter scha den Irstatet etc., wy dyselbige schult biss zcum ende forder bessaget.

Solcher Clage heyschen vnd fordern wyr egenanter Ernst, Administrator etc., vor aller vnsser antwort, von dem gnanten Dittrich von Qwitczow eyne rechte volkomen gewere ge- lobt, getan vnd bestalt, alss recht lawfft vnd gewonheit ist, In vortrewen zcu rechte, szo vnss dy gewehire alsso nicht gelobet worde mit hande vnd munde, dorczu vorwisszet mit gnughafftigen bor- gen ader pfenden, wyr sollen dann der angestalten schult von om ledig vnd loss geteilt vnd alsso dorzcu zcu antworten nicht vorpflicht seyn vnd stellen dass zcu rechte.

Noch getaner vnd bestalter gewehir wy recht ist, dann setczen wyr vor vnss vnd auss voller macht vnssers Capittels zcu Magdeburg vnssere antwort In vorhoffen zcum rechte, Nach- dem Dittrich von Qwitczow seyne Clage uff dy widdereynsatczunge vnd restitution seyner angeczogener entsatczten guter uff solch ende vnd meynunge, dass er vnss zu vnssern schulden widder on Ingeleyt, ehir er widder eyngesaczt vnd restituirt worde, nicht zcu antworten bedorffe vnd alsso dy vormeynte entwerunge vnd ipoliacion in seynen schrifften per viam excepcionis di- latione anstellet, In niasszen solchs in seyner anclage vormarckt wirt vnd sich alsso erfindet. Szo dann wyr on nicht, sundern der obgnante herre Johannes, Ertczbischoff zcu Magdburg, vnser nehster vorfar selliger, dessselbigen Amptiss, Sloss vnd Stadt Sandow, dess Dorffs Clitczk vnd voytey dess landiss Jerichow mit aller seyner zcubehorung entsaczt vnd entwert solle haben, als er in seyner anclage bemeldet, moge er sich auss solcher seyner schuldt uff weysse vnd meynunge, wy hiroben nehist berurt, angestalt der antworth uff vnssere obirgereychten schulde, dy wyr burg- licb vorgenommen haben zcu thun nicht geschutczen, noch ofsentlicher vorordenunge der bewerten rechte, Nam in ciuilibus non admittitur spoliacionis exceptio etc. vnd stellen solchs uff ewirer libe rechtes Irkenteniss.

Vff den sal, sso vnss solchs widder seyne schult vnd meynunge vnhulfflich Irkant worde, dess wyr vnss doch durch keynen wegk, sindemal dass clerlich, wy obberurt, Im rechten vorsorget ist, vormuten, dann vnd nicht ehir ssagen wyr, dass es am Jungisten uff dem tage zcu Czerbist gehalden durch ewire libe czwuschen vnsserm widderteyll vnd vnss vnsser gebrechen halben uff schuldt vnd antwort kegeneynander schrifftlich obirczureyhen berett, bewilligef vnd voranlast ist, dass wyr mit solchen recess vnd anlass Irweyssen mogen vnd vnss mit bedingeter frist dorczu er- biten, dodurch stehit vnsser vortrewen zu rechten, er fey vnss noch bemeldunge solcher beredunge vff vnssere schulde zcu antworten vorpflichtet vnd setczen dass auch zcu rechte.

Szo wyr abir om uff solche vormeynte widdereynsatczunge vnd restitucion In seyner vn- formlichen anclage aussgedrugkt weyter zcu antworten vorhafft weren, dass wir vnss doch nicht vorsehen, nachdem seyne schult vff den wegk, In massen hiroben gedacht, angestalt solchs nicht fordert, dann ist forder vnssere antwort In vortrewen, Nachdem vnsser widderpart sseyne schult vf eyne entwerunge vnd entsetczuuge seyner angezogener gewehir vnd besitczunge grundet, sso solle er zcu voran, wy zcu rechte gnugssam, Irweyssen, dass wir on solcher seyner gewehir vnd be sitczunge entwert ader zcu entweren befolen adir solche entwerunge vnd entsetczunge bewilliget Kicbd'l Cod. dipl. Brand., ©uwltmentfcanb. 14

106

•

vnd vorjoworth, abir dass wyr solcher entwerunge vnd spoliacion eyn widen gehabt vnd solche gutere alsso mit wilfzen derselbigen angestalter entwerunge von dem, der solche entsatczunge vor- brocht hatt, empfangen haben, vnd szo er solchs nicht Irkunden wurde, alss wyr keynen zweyfel haben, er dass nunmehir meher gethuen moge, Sindemal wyr dyselbigen gutere nicht ause Ertcz- bischoffs Johanssen selligen handen, sundern auss vorsorgunge gotiss des Almechtigen vnd dels stulss zcu Roma empfangen haben, dann sollen wyr on widder eynzcusetczen nicht schuldig seyn noch verordenunge der bewerten rechte, Spoliato enim competit etc. vnd stellen solchs auch zcu rechte. Ap wyr vff solche angeczogene entwerunge vnd spoliacion vnd alsso vff vnssers widder- teyls Anclage forder zcu antworten verpflicht weren vnd vnss auss oberurten orsachen der widder- eynsatczunge vnd restitucion nicht machten awffgehalden, dass wyr vnss keynerley weysee zcum rechteri vermuten, alssdann vnd nicht ehir vnd auch zcu vormercken, dass der vilgedachte herre Johannes, Ertczbischoff zcu Magdeburg, vnsser nehster sorfar, sollicher solche obestympten gutere nach allem rechte vnd billikeyt vnd nicht auss eygener gewalt vnd frevil, alss sich dann vnsser widderpart nicht schemet vorczubrengen zcu om brocht vnd widder eyngenommen hatt, ssa- gen wyr, ass fey gescheene, dass der Erwirdigifter herre ffridrich, Ertczbischoff zcu Magde burg, vnsser andere sorfar selliger, dass Ampt zcu Sandow, Sloss vnd Stadt, dass dorff Clitzk mit orer zcubehorunge vnd dy voytey dess landiss Jerichow dem gnanten Dittrichen von Qwitczow, itczunt vnsserm widderpart vnd etlichen andern vff eynen widderkawff vorkowfft, eyngegeben vnd obirgeantworth hatt, noch bessagung eyns briffes durch denselbigen Ertczbischoffen ffridrichen dorobir begriffen vnd volczogen, In welchen, wy er vnd seyne nachkommende lich gegen dem gedachten Dittrich von Qwitczow halden solden, eygentlich beschreben stehit. Es hat auch Dittrich von Qwitczow mitsampt den andern vor sich vnd seyne erben widdervmb vnder andern stugken stete vnd feste vnd vnvorbrochen zcu halden gerett vnd gelobet, dass er wolle dem egedachten Ertczbischoffen ffridrichen vnd seynen nachkommen vnd dem gotiss- hewsse zcu Magdeburg getrewlich dienen, behulffen, gehorssam vnd gewartende seyn, gegeu al- lermenniglichen, nymandess anssgenommen, wann vnd wy dicke er dass ermanit wirt, auch noch seym vormogen dels Stifftes zcu Magdeburg besten getrewlichen werbn vnd thun vnd den scha- den, wann vnd wu er denn worde erfaren, weren vnd bewaren vnd demselbigen Ertczbischoffen ffridrichen, seym nachkommen vnd der kirchen zcu Magdeburg, trewe, ehere vnd glewbe beweyssen vnd zcu halden, In maflen solchs eyn brieff dorobir gegeben, mit seym Infigel vorli- gelt, clerlich bemeldet, dess warhafftige abeschrift hirnedene Ingesatzt sich alsso anhebet: Wyr Dittrich von Qwitczow, Gothardt vnd vicke von plesse etc. Ess hath ouch bey Ertz- bischoff Johanssen, vnssers nehsten forfarn, lebetagen vnsser widderpart dass dorff lubars mit leinen zcubehorungen, von vnsserm Stifft vnd kirchen zcu Magdeburg zcu lehen rurende, zcu lich brocht, dass on denn durch denselbigen Ertczbischoff Johanssen zcu manlehne gereicht vnd gelegen, derhalben Dittrich von Qwitczow Erczbischoffen Johanssen vnd dem Stifft zcu Magdeburg durch seyne huldung, eyde vnd gelobde vorwant vnd ^ vorhafft ist worden. Solche huldunge, eyde vnd globde hatt Dittrich von Qwitczow vorachtet, vorachtet In alsso vnd mit dem, dass er In dess Stifftis zcu Magdeburg vnd anderevmbligende ffurstenthiimen, landen, Strassen vnd vndertanen, auss vnd In Sandow mit rowbe, morde vnd brande angegriffen vnd beschediget, dy beschediger zcu Sandow enthalden, futter, Speysse vnd getrencke gegeben, dy gefangen gegen Sandow gefurt, etliche In stocken getottet, etliche gepeyniget vnd geschatczt, dass dann alliss durch on alsso auss vnd zcu Sandaw zcugestat vnd vorgunst ist worden. Do

107

solche manchfeldige misshandlunge vnd pleckerey gantz offinbar worden vnd an den tag kommen ist, haben ewir libe heire Ernst vnd herre Johanss vnd die bochgebornen fursten herre Mag nus, herczog zcu Meckelnburg, herre woldemar vnd herre Magnus, fursten zcu Anholt, vnd auch eygen dess Stifftis zcu Magdeburg vndertanen dann vilbestympten Ertczbischosfen Johanssen vilmalss mit schrifften vnd werbenden botschafften, dass solchs durch on gestrafft vnd abegestalt vorordent worde, angelanget. AIss dass demselbigen Ertczbischosfen Johannssen von dem Jhenigen, dy om vnd seyner kirchen durch gelobde vnd holdung vorstrickt weren, om swer- lich zcuhoren vnd zcu vornehemen gewest ist, hat er gegen San do w vnd gemeyneclich der Man- scbafft dess landil's zcu Jherichaw geschreben vnd auch durch seyne Amptlewte ernstlich gebiten Listen, dy gemelten fursten, noch dy oren auss vnd Im Stifft vnd sunderlich Sandow nicht zcu beschedigen, ore beschedigcr vnd Strassenrowber nicht zcu hewssen noch zcu hegene, vnd alss sol- ches vorachtet vnd pleckerey vnd rowberey auss vnd In San daw vnd auch auss vnd In dy pri- genitze sunderlich nicht vormeden ist, hatt ewire libe herre Johannss, Marggraff zcu Bran denburg etc., Baltasarn von Slyben, ewrn Amptman zcu Trebin vnd Rath, mit eim Cre- denczbrieffe an den gnanten Ertczbischosfen Johanssen gefertiget, vnd alss der In seynen Rey- ssen mit krangheit befallen ist, hat er an seyne Stadt Er Marcussen kalouwen geschigkt, der wff solchen Credentczbrieff geworben hatt, wy vil pleckerey vnd Rowberey von den seynen ge- fchegen vnd sunderlich auss der prigenitze, dessgleichen auch auss dem Stifft vnd sunderlich Im lande Jerichaw vnd auss vnd In Sandaw, dass wolde dy lenge nicht zcu dulden, sundern zcu straffen noth seyn, dass er dy seynen lm lande Jerichaw vnd zcu Sandaw straffen wolde, sso wolde ewire libe herre Johanss dy ewren In der pregenitcze auch straffen, dem alsso zu thun hat Ertczbischoff Johann zcussage gethan; dornach noch vorlowffung etlicher zceit hatt ewire libe herre Johanss, Marggraff zcu Brandenburg etc., demselbigen Ertzbischoffen Jo hanssen geschreben vnd vorkundiget, dass ewire libe awff vnd Im zcoge were, dy ewern zcu straffen vnd sso ewire libe In dy nehede dem lande zcu Jerichaw kommen were, hette ewre libe vorstanden, dass dy meyste pleckerey vnd rowberey auss vnd In Sandaw geschege vnd habet ge- betten, dass er lelber straffen wolde ader ewire libe wolde straffen etc., dass wyr alless mit der sel- bigen ewirer libe brieffe ap vnd wann Irweyssen mogen vnd vnss mit bedingeter frist dorczu er- boten. Do nu solche pleckerey vnd Rowbereye auss vnd zcu Sandaw geschen, gantcz offinbar vnd lantkuudig gewest ist vnd Ertczbischoff Johann ewire libe zcorn vnd vnwillen vorstanden hat vnd dass ewire libe vormeynte, widder Sandaw zcugedencken vnd In dem Stifft zcu Mag deburg vnd obir dy seyne zcuzcyhen, hat on beduncket, dass om lobelicher vnd fucklicher were, 'solche ewire straffe nicht zcu duldene, noch zcugestatene, sundern dy seynen selbist zcu straffen, dass ewire libe dann zcu antwort gegeben vnd zcugeschreben ist worden. Ehir doch dyselbige straffunge geschen ist, hat Ertczbischoff J o h a n n ss durch merer sicherheit willen vnd ap vnd sso dess noth were vnd zost nicht, dem gemelten Dittrich von Qwitczow, vnsserm widderpart, seynen vorssigelten vorwarungssbrieff, Im rechten littere diffidacionis gnant, mit czweyen seynen mannen gegen Sandaw zcugeschigkt, dess ware abelchrifft hirnedene auch Ingeczogen ist, solchs von worthe zcu worthe Inhaldess: Wyr Johannes, von gotes gnaden Ertczbischoff zu Magde burg etc., thun euch Dittrich von Qwitzow vnd vicken von plesse wysszen etc., dornach von stundt ist Ertczbischoff Johann mit den seynen vor Sandow geczogen vnd hat Sloss vnd Stadt zcu seynen hen den genommen vnd dorwffe vicke von plessze mit etlichen Rewthern vnd dy ewire libe herre Ernest vnd herre Johanss vnd der fursten obgnant lande vnd Straffen vnd

14*

108

dy ewirn beschediget hatten, gegriffen, dy gefencklich in behelteniss setczen vnd der eyn teyls noch orer mifletadt vororteln lassen. Den alien noch stehit vnsser vngeczweyfelt vertrewen zcu rechte, sindemal Dittrich von Qwitczow, vnssern widderpart obgnant, von vnsserm andern forfarn, Ertczbischoffen ffriderichen selligen vnd seynem Capittel zcu Magdeburg, Sloss vnd Stadt Sandaw mit oren zcubehorungen, vnd dorzcu auch dy voytey vnssers landiss zcu Jeri- chaw Ingeantwort ist, nach lawthe der brieffe vnd Sigel, beyderseyt gegen eynander derhalben vnd dorobir gegeben, derhalben vnd nicht alleyne von der wegen, sundern auch globde, eyde vnd huldunge halben, dy er Ertczbischoff Johannssen, vnsserm nehsten vorfar, alss eyn lehenmann seynen rechten lehenherrn getan hatt, er schuldig vnd pfiichtig gewest ist, demselbigen Ertczbischof- fen Johanssen mit Sloffe vnd Stadt Sandow vnd oren zcubehorungen vnd der voytey dess landiss zcu Jerichow getrewelichin zcu dynen, behulffen, gehorssam vnd gewartende zcu seyne, auch noch seynem vormogen om vnd seym Stifft bestes getrewelich zcu werben vnd zcu thun vnd dess Stifftes schaden, wann vnd wu er denn erfure, zcu warnen vnd zcu bewaren vnd om vnd dem Stifft trewe, ehere vnd glowben zcu beweyssen vnd zcu haldene, derhalben derselbige Ditt rich van Qwitczow durch dass landt zcu Je rich aw von iczlicher huffe landiss gefordert vnd auch gemeyneclich genommen hat eyn scheffel haffern, der om auch gemeyneclich gegeben ist omb der orsache willen, sunderlich, dass er dassselbige landt zcu Jerichow vnd dess Stifftis zcu Mag deburg vnderseffen getrewelich schutczen vnd vortedingen vnd vor rowberey, pleckerey vnd schaden bewaren solde, alss er gelobet hat vnd zcu thun schuldig gewest ist, vnd sso er nu alsso, wy hiroben irczalt, dorwidder manchseldiclich gehandelt vnd getan vnd auch dieselbigen beschedi- ger awff vnd zcu Sandaw gehewsst, geherbergit vnd gespeysst vnd alsso solche rowbereye vnd pleckerey vorgunst vnd zcugestadt hatt, dass alless dy zceit gantz offinbar vnd doselbist lanthkun- digk gewest ist, dass wir ap wann vnd wy zcu rechte gnugfsam mit bedingeter frist Irkunden mc- mogen vnd vnss zcu thun erbiten, mochte on derselbige Ertzbischoffe Johanss, vnsser nehfter lbrfar selliger billig straffen vnd solch Sloss vnd Stadt Sandow vnd dy voytey des landiss zcu Jerichow zcu seynen handen widdernehemen, noch eygentlicher ordenunge der bewerten rechte. — — Vnd szo dann Ertczbischoff Johann dem rechten folge getan vnd alsso Dittrich von Qwitczow vmb solch sein mysshandeln gestraffet vnd dyselbigen Sloss vnd Stadt Sandow vnd dass Dorff Clitcz mit orer zcubehorung vnd die voytey dess landess zcu Jerichaw zcu seynen handen widdergenomen hatt, ist vnsser widderpart derselbigen nicht mit freuil noch auss eygener gewalt, sunder nach ordenunge der rechte hiroben vorfurt entwert worden, derhalben sindt wyr on widder eynczusetzen vnd zcu restituiren nicht vorpflicht noch bemeldunge der bewerten rechte, Juris enim execucio etc. — vnd stellen solchs alless wff ewire libe rechtes Irkenteniss.

Szo abir Im rechten Irkant worde, dass wyr vnsser widderpart widder eynsetczen vnd re stituiren mossten, dass wyr vnss doch keynerley weyi'se zcum rechten vormuten, dann vnd nicht ehir stehit vnsser vorhoffen zcum rechten, Sindemal Dittrich von Qwitczow Inwenigk eynem Jare noch der entweruuge seyne anclage awff dy widdereynsatczunge vnd restitucion nicht ange- stalt hat, sso solle er lich nu zcur czeyt an dem schaden durch on wff zcwenczig tawsendt gulden geachtet, vor Jart vorsewmet vnd vori'wegen haben vnd sollen also om nicht schuldig seyn, den zu Irstaten noch vorordenunge der bewerten rechte, Nam si spoliatus Infra annum non pecierit fe re- stitui etc. — vnd setczen dess auch wff Irkenteniss dess rechten.

Fforder ist vnsser vortrewen zum rechten, Szo wyr om auch eynichen Schaden zcu gel- den schuldig weren, dass wyr vnss noch bessagung der rechte hiroben nehil't vorfurt nicht bessor

109

gen, dann solde solcher schade wff zcwentzig tawsindt rhein. gulden geachtet, durch ewire libe ge- mefliget vnd solche messunge vermittelst seynem eyde mit auffgeragkten fingern, wy recht lowfft vDd gewonheyt ist, getan, becrefftiget werdn noch vorordenunge der bewerten rechte, Nam probata violentia etc. etc. Worde vnsser widderpart wff dissze vnsser schriffte vnd gel'eteze seyne nochrede awffbrengen, dorwidder behalden wyr vnss vnsser kegenrede vnd dornebben gnugssame zceit, zog, frist vnd dilacion, In mafsen vnss dass durch den anlass vnd recess am Jungsten zcu Czerbist begriffen vnd vorsigilt, auch vorbehalden ist, dass wyr auch alsso hyr bedingen vnd proteftiren. Czu orkunde mit vnsserm hirneden wffgedrugkten Inssigel vorsigelt. 2u8 be« Scten be« Shifts im JfiJnigt. ^roB.«8nbib 311 SWagbeburg.