We marcgreue Woldemer gheuen och sculd hern Hinrike van Mekelenborch, dat he vs gheoluet heft vor den Ruyen vor tweydufent marc lodighes suluers, des vs noch dusent nicht gheworden sint; des bidde we, dat he vs holde, alse he ghelouet heft vnd vs den scaden weder leghe, den we des hebben, dat vs dat ghelt nicht worden is tv den daghen, alse we et scolden hat hebben.

Hir antwerdet de van Mekelenborch aldus tv, dat de marcgreue anspreke den van Ruyen, de des en sakwolde is, wat de van Mekelenborch na den tiden tv rechte dvn seal, dat wel he gherne dun, also sulues antworden al de louere.

Hir vp spreke we her Droyseke vnd her Hennyngh van Blankenborch, her Busse vnd her Jurges bi vsen truwen vnd eden, dat dit recht si vnde nen rechtere weten noch bevra- ghen konnen: manet de marcgreue den van Ruyen, alse recht is, vnd beret he en nicht, so scolen de borghen tv rechte bereden na dem male, dat se bekennen, dat se ghelouet hebben. Scul- deghen fe och de marcgreue vmme scaden, den he des hebbe, dat he tv sinem daghe nicht beret

16

wart, den scaden moghen se minren mit eren eden vppen hilghen; heft och de marcgreue den van Ruyen ghemanet, des he wlkomen mach, alset recht is, vnde hebbe de van Ruyen nicht beret, so scolen de borghen bereden binnen verteynachten darna, alse se ghemanet werden. Hirvp henghe we vorbenomeden vere an deflen bref vse insigle.

Wi Woldemar, markgreue to Brandeborg, gheuen schnlt greue Nicolaus von Zwerin, dat he us ghelouet heft in truwen vor den van Rugen tue dusent mark lodighes suluers, des vs dusent mark noch nicht worden sint; des bidde wi, dat he vs holde, als he vs ghelouet heft vnnd vs den schaden wedderlegge, den wi des hebben, dat vs dat ghelt nicht worden is to den daghen, also wie dat scholden e had hebben.

Hirto antwardet greue Nicolaus von Zwerin aldus, dat he gherne dun wil, wat he to rechte schal, wan he dem von Rugen darvmme tospreket heft vnde dar en ende heft. Hirvp spreke wi her Droyseke vnde her Henning van Blankenburgh, her Buffo van der Dolla vnde her Georgius Hasencop endrachtliken, dat recht is: manet de margreue den van Rugen, als it recht is vnde beret he nicht, so scholen de borghen bereden to rechte nadem male, dat fe bekennet, dat fe ghelouet hebben. Schuldeghet fe de markgreue vmme schaden, den he des hebbe, dat he to sineme daghe nicht beret wart, den schaden moghen sie minren mit orem ede vppen hilghen; heft ok de markgreue den van Ruyen ghemanet, dat he des vullenkomen mach, als dat recht is, vnde en hebbe de van Ruyen nicht beret, so schullen de borghen bereden binnen verteynachten darna, also fe ghemanet werden. Hirvp henge wi alle vire vnse inghesc- ghele an diffem bref.

9h($ bem ©rig. be« Orojjfcerjogt. Strt$itte6 in @<$teerm, bom Qbel). 9?aty con ctrij^er mitgetljetlt.