?e$ngutern, am 1. Wai 1440.

Wir Friedrich der Junge etc. Bekennen —, das vnser lieber getruwer Ludecke Lindstede, wonaftig zu Berlin, vor vns komen istvndvns sein anligende not erzelt vnd mit flisz gebeten hat, jm zu gonnen vnd zu erlauben, das er vnserm lieben getruwen Han fe von der Most, Borger zu Possewalk, diese hirnachgeschrieben guter, Jerlichen zinse vnd rente vff einen widerkauf vor VIHC. margk vinckenaugen stettinischer pfenninge verkouffen moge, mit namen: zehen hufen smarsower felde mit dem weren vnd houen bynnen dorfs, dor die huuen zu legen, mit diesen Cossetengutern hirnachgeschriben: zwu hufen, die legen zu dem hose, dor vor zyten Peter Valcke vff geseflen ist, die geben XIII margk vinckenaugen zcu pachte one einen schilling

36*

284

vnd acht scheffel habern; Vortmer zwu hufen, die legen zcu dem hoff, dor nu Clawsz Tabert vff wanet, vnd geben' XI marck zu pacht one II schilling vnd II scheffel habern; Item Monch, der hat ein huse, dy leyt zu keiner were, die gibet VI margk vnd VI schilling zu pachte vnd IIII scheffel habern: Item II hufen, die ligen zu dem hose, dor nu Tabbert vff wonet, vnd geben XIII margk pacht one IIII schilling vnd VIII scheffel habern; Item uff demselben hoff, dor wonet einer vff, der heisset Kowelize, der hat auch II hufen, die geben XIII margk pacht one IIII schilling vnd VIII scheffel habern. Disz sein die Cossetenguter, die vorgerurt find. Der hof, da Klinghow vff wonet, der gibt II marck zu pacht, V viert habern vnd XI hunere; Das Cofl'etengut, dor Blecker vff wonet, das gibt X schilling bede, V virt habern vnd XI huner; Item dor Hans Woye vff wonet, das gibt II margk vnd II schilling, V virt habern vnd XI hunre; Item die II wurde, die dar legen bey dem hoff, dor Korner vff gewonet hat, die geben XXII huner; Dor legen vort nahen dorbey III worde, die geben auch XXII huner; Item die wort, dor nu grope uff wonet, die gibt V huner; Item die wort, dor nu aide Tabbert uff wonet, die gibt XI huner, vnd die wort, dor nu Peter Colre uff wonet, die gibt XXIIII schilling vnd XI huner. Sulche sine flissige bete wir angesehen, erkannt vnd em die obgeschrieben guter alle dem obgenannten Hanse von der Most vor acht hundert marck vinckenawgen stettinisch psenninge zu einem widerkauf uerkauffen, gegonnet vnd erlaubet haben etc. — Vnd were es sach, das die obgnanten von Lindstede von todes wegen abgeen vnd das geschlechte alle versterben wurden, ehr fie die guter wider loseten: So soil die losung an vns, vnsern Erben vnd nachkomen marggrauen zu Brandemburg geuallen. Zu orkund mit vnserm anhangenden Insigel versehen vnd geben zu Berlin, am Sontag vocem Jocunditatis, Anno domini M°. CCCC0. quadragesimo.

Ctyrnn. ?t&n«cefcial6uc$ XVI, sol. 28. 29. ■ '..'■-. '-•"')