3)?cnioricn, am 26. -OHdrj 1419.

Wittlik sy alien, de deffeu bryff syen edder horen lesen, dat wy Ni cola us hane, praveft, Christina Milterdes, ebbetynne, vnde de gantze samenynghe des closters Nyendorpe, in vnse innige ghebed ghenamen hebben den strenghen Ritter, her Gheuerde van Alvensleue, Werner, synen sone, vnde Bertam Werners elyke husvrowe selygher dechtnisse; Vortmer den ghestrenghen Gheuerd van Alueusleue, des erbenumeden Werners sone, IIfen sclyger dechtnisse, de syne eelyke husvrowe wesen is, Ghezeken syne eelyke husvrow, syne eruen vnde all de de vth synen stammen vorstoruen sint. Vnde wy lauen vor vns vnde vor de, de na vns to ewyghen tokomenden tyden to komende sint, dat wy desses genannten Gheuerdes, der erbeno- nieden, vnd alle der, dy van syner stamme vorstoruen syen vnd noch vorsteruen schullen, to trosto vnde to salicheyt crer syelen, scholen vnde willen an dem dinste godis to ewighen tokomeden ty den, alle iar to twen tyden, des middewekens na dem sundaghe, als men an dem hillighem am- bachte der miffen singhet Cantate, vnd des middewekens na alle godis hillighen daghe mit deme praueste, mit dren Capellanen vnd mit dem scriuere dechtnisse beghan mit vielyen, lielemissen vnd mit gotliker beuelinghe. Hirvor heft vns defle ergenante Gheuerd van Aluensleuen, vnd den, de na vns tokomende sin, ghegheuen na synen dode vnd nicht eer to ewyghen tyden behol- dende vnd to befittende twe schepel vnd achte wispel roggen in dem dorpe to Alingstede, de Ge- uerd ergnant von hern Nicolaus vnd Ciliacus, brudere, de Vden gheheyten, ghekofft hefft in Henningh Sachghowen haue XXXII Schepel rogghen, in Werneke" Pypers haue XXX schepel rogghen, in Ludeke Jacopps haue XXVI schepel rogghen, in Peter Drewes haue XX schepel rog ghen, in Mattheus have XVI schepel roggen, in Czabel Wrighen haue XII schepel rogghen, in Pawel Pypers haue X schepel rogghen vnd in dem dorpe to Ketzik in des schulten haue X sche pel rogghen, in Lakedes haue XV schepel rogghen, in Heyne Kosters haue III schepel rogghen. Van desser vorscreuen benomeden renthe schole wy Christina Milterdes, ebbetynne vnde de gantze Samenynghe desses vorscreuen closters, de nu sint vnde na vns tokomende sint, dem pra ueste, to den tyden, wan me de dechtnisse, als vorscreuen is deyt, gheuen to eyner isliker tyd vyer sohillinghe, eynem isliken capellan eynen schillingh vnd dem scriuer achte pennynghe, alle sten- delscher weringhe, dat ander dat van deffen twen schepelen vnde acht wispelen auer blifft, scholen wy Ebbetynne vnde de gantze samenynghe desses vorscreuen closters deylen eyner isliker junc- vrowen like uele to deyle vnde dat so to ewighen tyden holden. Vnde wer id, da wy desser vor screuen dechtnisse to den tyden, als vorscreuen is, nicht enhilden edder deden vnde de dechtnisse gantz nedderuellich worde, so schole wy vnde willen desser vorscreuen renthe ok vorwallen syn, vnde an desses vorscreuen Gheuerdes eruen, anAlbrechte, Hanse vnd Ludelue, to Kalue wanaftich, an Ludelue, to Kaluorde wanaftich, an Bussen vnd Hinrike, to Arksleue wanaf- tich, alle gheheyten van Alvensleue vnde an alle desser vorscreuen erue gheuallen syn. Alle desse stukke vnd artikel vnde eynen islik besunderen laue wy Nicolaus Hane, prauest, cri- stina Milterdes, ebbetynne, vnde de gantze samenynghe des vorscreven closters Nyendorpe vor vns, de nu synt vnde na vns tokomende sint, dem ghestrenghen Gheuerde van Aluens- leue vorscreuen vnd synen erben Albrechte, Hanse vnde Ludelue, heyten van Aluens- leue, to Kalue wanaftich, Ludelue van Aluensleue, to Kaluorde wanaftich, Bussen vnde

361

Hinrike van Aluensleue, toArksleue wanaftich, vnde aller deffer vorscreuen eruen, vnde to guder hand den ersamen Borghermeysteren vnde Rademannen der stad Gardeleghen stede, vaste vnvorbrekliken vnde ane alle list to holdende. Des to tughe vnde melirer bekantniffe hebbe wy der prauestyen vnde des Conuentes ingheseghelen laten hanghen an deffen apen briff. Ghegheuen vnde screuen na Godes bord dusent iar, virhundert iar, darna in dem neynteynden iare, des Son- dagbes to miduaften, als men finghet an dem hilghen ambachte der miffen Letare Jherusalem. «u« ®ercfen'S Dipl. vet. M. II, 464.