Wie Woldemar, marcgreue tu Brandenburg, geuen ok schult her Heinrik van Meklinborch, dat hie binnen tit, dat hie vnfen rad gesuoren hadde, vnsen schaden wars vnde vp vns louede, also, alse hie vnse man was vnde vnfen rat nicht vpgeseget hadde vnde dar binnen vnse arch wars, des hebben wi groten scaden.

Hir antwardet die van Meklinborch tu aldus, dat hie der marcgreuen scaden also nicht geworuen hebbe, alse lie claget, vnde vp se nicht ghelouet hebbe.

Hir vp spreke wi her Droyseko vnde her Henning von Blankinborch vnde her Busso von der Dolle vnde her Georgius Hasencop, dat dit recht is vnde nicht rechtere enne weten noch bevragen kunnen: wo die van Meklinborch des marcgreuen scaden geworuen heft binnen der tit, alse an sinem rade was vnde den nicht vpseget hadde, vnde die marcgreue sik nenes arges tu eme versach vnde em ghelouet, dat hie dem marcgreuen den scaden, swat hie des heft, wedderleggen seal vp recht mit bute; vorsaket hie des, dat hie ith vp eme ghelouet hebbe vnde eme nenen scaden gedan hebbe vnde sines arges nicht gheworuen hebbe, des mach hie vn- schuldich werden mit sinem ede vp den hilligen. Vnde hiran hebbe wi hangen vnse insegle tu tuige.'