+ In nomine domini undecimo anno principatus domni nostri guaimari filio domni guaimari gloriosi principis, mense ... duodecima indictione. Memoratorium factum a me domnus musandus venerabilis abbas monasterio sancte sofie qui situm est intus ec cives salerno, Eo quod ante subscripti testes per convenientia una cum petrus advocator ipsius ecclesie tradidit ego ursi filio quondam ursi de nuceria de una pecia de terra ... ... ipsa curte maiore ipsius monasterii in ipso locum nucerie ... ... dicitur et est illut, unde ego qui supra abbas ... ... monasterii nostri a quondam guaiferii ... monasterii nostri construxit per as fines: ipsa supradicta pecia intus ipsa curte maiore a sebtemtrionis fine suprascripti nostri monasterii, quod retinet iohannes germano suo ac filio supradicti ... ab ipso nostro monasterio, et inde sunt passi nonaginta duo; et ab orientis fine via pubplica, et inde abet per latitudo ipsa sortione sua passi triginta nobem; et a pars meridie similiter fine ipsius nostri monasterii, sicut inde sepe ... ... passi centum triginta sex, et a pars occidentis similiter fine ipsius nostri monasterii quod retinet leo ab ipso nostro monasterio, et est per latitudo ipsa sortione sua passi quadraginta et palmum unum et medium palmum. de ec vero supradicta pecia, quantum supradictum est, pertinet ipsius nostri monasterii ab intro supradicte finis et mensurie, sicut dictum est, illut ego qui supra abbas ipsius supradicti ursi tradidit, In oc ordinem, ut amodo et semper tota et inclita ipsa tradictio ad sua et de suis eredibus sit potestatis illut tenendum, et dominandi, et ibidem intus ipsa curte illut residendi et abitandi, et fovee et sue utilitatis iusta rationem ibidem faciendi, et tota supradicta tradictio, que est terra ipsa cum arbustis vitatis, per omnis annum abto tempore de super et de subtus illut lavorarent et operarent et cultarent vonum, Et ubi meruerit arbores et vites ibidem illis plantarent, et propaginarent, et studiarent, et surgerent illut, sicut meruerit vomum esse arbustum in ipso locum, ut per omnis annum perfectum pareat lavoratum et operatum et cultatum de super et de subtus tota ipsa tradictio, quatenus annualiter proficiat et non dispereat et salbum illut nobis faciant, sicut meruerit et iustum fuerit, et ubi meruerit cludere de ipsa curte illut cludant et semper illut clusum abeant. Et per omnis annum per vindemie per abto tempore faciant ipse urso et suis eredibus me qui supra abbas et successores meos scire, ut ibidem dirigamus missum nostrum, et ille et suis eredibus adiubarent ad conciandum organea da vinum, quod pars ipsius nostri monasterii abet ibidem ad cellario nostro in ipsa curte maiore, et conciarent et studiarent vonum, sicut meruerit organeum ipsum, ubi ipsa nostra medietate de ipso vinum, quod ab illum ad ipsum missum nostrum venerit, illut midtere debuerint et illut ordinarent ipso horganeum in ipso cellario, sicut meruerit. Et ille et suis eredibus per omnis annum bindemiarent tota ipsa tradictio, Et pomam si abuerit, illa illis colligant, et de omnis vinum et pomam exinde annualiter inclita medietate per omnis annum inde illis deant ad ipsum missum nostrum, et reliqua ipsa alia medietate inde illis sibi abeant, et ipsa medietate de ipso vinum predicti nostri monasterii, quod ad ipsum missum nostrum venerit, per omnis annum cum suo expendio illut portarent ad ipsum cellarium ipsius nostri monasterii, et midtant illut in ipso horganeum quod illut conciaberint, ad faciendum exinde pars predicti nostri monasterii quod voluerimus. Et de quod amodo annualiter et semper in predicta tradictione illis seminaberint, deant inde illis terraticum ad ipso missum nostrum ibique in ipsa rebus secumdum consuetudinem de ipso locum. Et usquedum annualiter ipso missum nostrum pro ipsa vindemia ibidem steterit, illut nutrirent, sicut iustum fuerit secumdum suam possivilitatem, Et per omnis annum palmentatica ad ipso missum nostrum illis deant secumdum consuetudinem de ipso locum. unde in eo hordine per convenientia guadia mihi qui supra abbas ipse urso dedit, et mediatorem mihi posuit iaquintus filius naningni, qui est genero et affiliatus petri abitatorem de ipso locum turricle; Et per ipsa eadem guadia obligavit se et suis eredibus. preter, quale tempore ipsa tradictio in predicto ordine illis tenere et lavorare non voluerint, et sic inde ad pars predicti nostri monasterii illis adimplere, sicut supradictum est, tunc ille et suis eredibus tota et inclita ipsa tradictio in iamdicto ordine lavorata et operata et cultata, et ubi meruerit, clusa remidtant ad potestate predicti nostri monasterii, ad faciendum exinde quod voluerimus, Et liceat illis inde exire cum omnis sua causa movilia et cum redita quod ibidem abuerint. quod si aliquit, de quod superius legitur, quesierint remobere aud contrare, tunc per ipsa guadia componere obligavit se et suis eredibus michi qui supra abbati et ad successoribus meis viginti auri solidos constantinos. Et unc brebem scripsi ego petrus clericus et notarius qui interfui. + ego iohannes notarius me subscripsi

Source Fulltext: Codex Diplomaticus Cavensis, vol. 3, 94-96, Estratto da ALIM