<i>Summarium</i>: + Duodecimo anno principatus Guaimarii, mense Maio tertiadecima indictione etc: Donatio terrarum cum castanetis, quercetis et sylvis in locis Priato, Draconea, monte Falertio et Albola, ac duorum molendinorum in Vetero Cavae, finibus designatis, facta monasterio sancti Nicolai de Gallocanta per Aloaram comitissam filiam Madelfrit comitis, uxorem Landoarii comitis, et per Guaiferium comitem filium eius una cum quatuor chartulis, alias <i>scriptionibus</i> vel <i>memoratoriis</i>. <i>Ita textus</i> ... et cum fuit relecta tota supradicta monimina, congruum est nobis supradicta mater et filio inclita ipsa rebus, de quantum fuit pertinentes supradicto landoari comiti per supradicta monimina vel per alia ratione, pro nostre salutis anime offerire in ecclesia vocabulum sancti nicolai, qui edificata est a super mare locum, ubi dicitur ad gallucanta, in quo (<i>deest nomen</i>) abbas preest, que est ecclesia ipsa pertinentem adelberti comiti qui est congnato et thio nostro filio ipsius landoari comitis; et dum ego supradictus guaiferio a magna egritudo sum depreensum et infra etate me cognosco et in lege nostre langobardorum continet, ut, si cuicumque ante decem et octo annos eveniat egritudo et se viderit ad mortis periculum tendere, potestatem aberet de rebus suis pro anime sue in sanctis locis causa pietatis vel in sinodochio iudicare quod voluerit, et quod iudicaverid rebus suam, stavilem permanere; pro ideo nos supradicti mater et filio, tamen ego nominata mulier per consensum et bolumtate istius filii mei, in cuius mundium me subiacere palam facio, et ... unianimiter parique consensum per anc cartulam ante subscribti idoneis hominibus ego iamdictus guaiferio pro anima mea et ego iamdicta aloara pro anima mea et pro anima iamdicti landoarii qui fuit vir meus, optulimus deo et in prefatam ecclesiam sancti nicolai inclita ipsa rebus nostra de iamdictis locis priatu de monte falerzu, de locum albole et de locum veteri etc: <i>Finis textus</i>: et taliter scribere rogavimus te dauferius notarium. actum salerno, + ego rodelghisi

Source Fulltext: Codex Diplomaticus Cavensis, vol. 3, 107-108, Estratto da ALIM