+ In nomine domini secundo anno principatus domni nostri mansoni imperiali patricio et domni iohanni eius filio gloriosi principibus, mense aprelis undecima indictione. memoratorium factu a me mari filio hamuniti de nuceria, eo quod ante subscripti testes per bona combenientia tradidit mihi maio filius quondam maioni una cum hademari notario adbocatorem suum inclita sortionem suam de terra bacua de medietate campum, qui dicitur hare ibique in ipso locum nucerie per hec finis: de pede fine via que badit ad ponte, et de capite similiter fine via que pergit ad stavi. per ipse finis inclita medietate de ipso campu sua sortione mihi tradidit; unde pro taliter guadia mihi dedit una cum ipsum suum adbocatorem et mediatorem mihi posuit mari filio maioni tali hordine, ut amodo et usque sex anni completi licead me et meis heredibus et homines quem nos ibi miserimus, medietate ipso campu ad nostra potestate tenere, et fobeas et omnis nostre utilitatis ibidem facere, et per tempore illut aremus et seminemus et recolligamus, et quantum victum inde tollere vel abere potuerimus usque ipso constitutum, totum nostre sit potestatis faciendum inde omnia quod boluerimus; tantum de quod per tempore ibi seminatum fuerit, demus inde ei terraticum secundum consuetudinem de ipso locum; et per bona combenientia per ipsa guadia obligavit se suosque heredes amodo et usque ipso constitutum defensare mihi et ad meis heredibus inclita ipsa medietate de ipso campu sua sortione cum vice de via sua a pars genetrice et consortibus meis et hab omnibus hominibus omnique partibus et non illut vel exinde ante ipso constitutum nobis tollere aut contrare. ad completo ipso constitutum licead me eis heredibus inde exire cum edificio quem illis diebus ibidem abuerimus et cum omnis nostra causa, et ire cum illo ubi boluerimus sine contrarietate ipsius maioni et de eius heredes aut cuiqua hominibus et partibus. quod si taliter etc. <i>Statuta multa decem aureorum solidorum constantinianorum</i>. et unc brebem scripsi ego radoaldus notarius qui interfui. + ego qui supra maio + ego arechisi notarius me subscripsi

Source Fulltext: Codex Diplomaticus Cavensis, vol. 2, 184-185, Estratto da ALIM