+ In nomine domini secundo anno principatus domni nostri mansoni et domni iohanni eius filio gloriosi principibus, mense magius undecima indictione. Memoratorium factu a me adelferi qui musando vocor filius petri, eo quod ante supscripti testes per vona combenientia tradidit ad tenendum grimoaldi filio radelghisi presbiteri et mirandi filio teuderici molinum meum cum casa et ferraturia et omni hordine suo, quod habeo in flubio rineclu, locum ubi palomba dicitur finibus salernitane. unde pro taliter sue volumtatis guadia mihi dederunt et se ipsis mediatores mihi posuerunt; et per ipsa guadia obligaberunt se suosque heredes, ut amodo et usque octo anni completi inclitum ipsum molinum, qualiter conciatum et edificatum est, cum trasita et exita sua et cum omni ordine suo sue potestatis tenere et dominare, et fobee et omnis sue utilitatis ibidem facere, qualiter voluerit iusta ratione, et omnis moletura quam inde tulerit, annualiter usque ipso constitutum per medietatem illut inter nos dividerent; ego vel meos heredes tollamus illut medietatem, et illis medietatem; et a quo cum ipse mole, que modo ibidem sunt, macenare non potuerit perfecte, tunc illis et suis heredibus mittere una mola bona et nos alia, et ille ibidem reponere; et si ferraturia exinde se ruperit, illis eam conciare bona, et ipso molino sic conciare, ut perfecte macinare possam. ad completi ipsi octo anni liceat illis et suis heredibus exinde exire cum sua causa, et inclitum ipsum molinum, qualiter conciatum et edificatum est, rebertas ad potestate nostra vel de nostris heredibus. Quod si aliquit, <i>etc: Multa biginti aureorum solidorum constantinianorum</i>. et hunc brebem scripsi ego iaquintus notarius qui interfui. + ego romoaldu + ego maraldus

Source Fulltext: Codex Diplomaticus Cavensis, vol. 2, 187-188, Estratto da ALIM