+ In nomine domini sexto anno principatus domni nostri iohanni et primo anno principatus domni guaimarii eius filio gloriosi principibus, mense octuber tertia indictione. en ego amatus domini gratia archiepiscopus sancte sedis salernitane clarefacio, quoniam a nobo fundamine constructa et ad culmen perducta est hecclesia vocabulum sancte dei genitricis marie intus hanc salernitatam cibitatem inter muro et muricino per domna sichelgaita principissa uxor supradicti domni iohanni gloriosissimi principis in terra eidem domne sichelgaite principisse pertinentes, que fuit terra ipsa monasterii sancte marie et sancti benedicti situs intus hec cibes salerno. et benerunt ad nos supradictus domnus guaimarius princeps et iohannes comes germani filii supradicti domni iohanni et domne sichelgaite, et dixerunt in eadem hecclesia sancte marie, deo placente, clericos et abbatem ibi domnellus presbiter ordinatos haberet et ipse domnellus abbas cum ipsi alii clerici, deo auxiliante, laudem domini cotidie; et dixerunt nobis, si emiserimus illorum scriptionem securitatis de ipsa hecclesia sancte marie et eius pertinentiis . . . abbatem et de alii abbates et clericis et de ordinem hecclesiarum, sicut inferius declaramus, illis autem daret exinde nobis argentum libras decem; pro ydeo ego cepi exinde habere colloquium cum totonem advocatorem nostrum et cum cleros onoratos nostri archiepiscopii. inito consilio, comparuit omnibus nobis valde vonum esset nobis tollere ipsu argentum, perficiendum exinde ea que nobis et nostri archiepiscopii sunt necessaria, et emidteremus ad ipsi germani securitatis cartula de supradicta hecclesia et de omnibus, sicut supter adnexum est. Unde de hec omnia perficiendum per me ipsum supradicti domni iohanni gloriosi principi nuntiabi, ut si eius glorie placuerit, per illius solutionem talia faceremus; ille vero a deo conservatus princeps agnoscente, quod utrumque partibus vonum ebeniret, solutionem dedit sic eos perficiendum, et de suis presentiis inter medium nostrum essendum direxit missum suum nomine desiio comes, et nos per partes obserbantes ea que in legem langobardorum de combenientia affixum est, combocabimus inter nos ydoneis hominibus, ut quo utrumque fecerimus, omni tempore firmum stabilemque manerent. ex quo ita factum ego superius dictus amatus domini gratia archiepiscopus una mecum ipsum advocatorem nostrum recepimus a bos iamdicti domno guaimario principe et iohannem comite ipse decem libre argenti. et nos pro taliter per vona combenientia ante ipsum missum et petrus iudicem et ipsi ydoneis hominibus per hanc cartulam tradidimus et confirmabimus vobis predicti germani supradicta hecclesia sancte marie, que superius diximus, ipsa domna sichelgaita principissa genetrice vestra in ipsa terra sua bacua infra supradicto muro et muricino ad culmen et dedicationem perduxit, et omnes alias hecclesias que subiecte et pertinentes sunt vel fuerunt in eadem hecclesia sancte marie, ut omni tempore in vestra ed de vestris heredibus sint potestate tenendum et regendum, gubernandum presbiteros et clericos, quales et quantos volueritis ibidem ordinandum et permanendum, quomodo et qualiter volueritis; et si, quod absit, vos vel vestris heredibus in eadem hecclesia sancte marie abbatem et clericos semper non habueritis ordinatos, ut in suo vigore et ordinem permanerent, amodo potestatem habeant ipse domnellus presbiter et abbas diebus bite sue hecclesia ipsa tenere cum clericos quantos ibidem abere voluerit, et ordinem hecclesiasticum ibidem facere, qualiter boluerit, absque cuiuslibet contrarietate vel requisitione, et in ipse alie ecclesie, ut superius dictum est, subiecte et pertinentes sunt ct fuerunt de ipsa hecclesia sancte marie presbiteros ordinandum, qualiter voluerit; et si forsitans ipse dumnellus abbas, bibente, se voluerit facere et abere abbatem in ipsa hecclesia sancte marie, qui post illius obitum illam et supradicte alie hecclesie tenere et regere et gubernare debeas, potestatem habeat qualiter voluerit, eos facere et ordinare. et si ipse abbatem, qui per ipsum domnellus in ipsa hecclesia ordinatus fuerit, post obitum ipsius domnelli alium abbatem constituere boluerit, potestatem abeat ibidem abbatem facere et ordinare, quomodo et qualiter voluerit; sic tamen, ut omni tempore de abbate abbatibus, de successores in successoribus in eadem hecclesia adimpleantur et constituentur in suo arbitrio et potestate; et si de abbate in abbatibus, de successores in successoribus taliter factum et completum non fuerint, congregationem clericorum qui in eadem hecclesia fuerint, potestatem haberent semper abbates inter se erigere et facere et ordinare, qualiter voluerit de congregatione in congregationes, et omni modi ipse hecclesie subiecte et pertinentes eadem hecclesie sancte marie ordinentur, ut inordinate non remanead, et quale presbiteros et clericos per vos et vestros heredes in eadem hecclesia sancte marie vel per ipsi abbatibus aut successoribus, vel ipsis abbatibus ordinati fuerint, vel ad ipsi presbiteri qui in supradicte alie hecclesie, ut dictum est, fuerint ordinati, nullam angariam aut servitium pars nostri archiepiscopii illorum inponere querant, neque ad cruces lebandum vel codices, aut babtismum faciendum, aut illis excomunicare, aut qualibet molestationem eorum facere; set omni tempore in suo bigore et arbitrio persisterent absque omni pertinentia et dominatione nostra nostrisque successoribus et partibus nostri archiepiscopii. et hobligabi me et meis successoribus annualiter in diem sanctum iobis dandum ad clericos vel ad ipsi abbatibus iamdicte hecclesie sancte marie formata, et per die sabato sancto demus eorum chrisma et oleum sanctum absque omni servitio et datione, et potestatem habeant, quando meruerint, cereum benedicere et babtismum facere et omni hecclesiastico ordine, quomodo et qualiter voluerit, et aqua sanctificata per vicos bicinantes spargere, et cruces ponere, et mortuos ibidem sepelire, et infirmos bisitare et communicare, et de causa ipsius hecclesie et de ipsi abbatibus et clerici et que per vos et vestros heredes et per aliis in eadem hecclesia datum et offertum est et fuerit, de vestra vel sua causa stabile vel mobile nullam queramus tollere aut contrare, set omni tempore sint in potestate de ipsi abbatibus et clerici qui in ipsa hecclesia sancte marie fuerint, faciendum quod voluerint, ut neque ipse domnellus abbas neque ipsis aliis abbatibus vel successoribus aut clericos de ipsa hecclesia aliqua molestatione patiantur a nos vel a nostris successoribus aut partibus nostri archiepiscopii: similiter et ipsi alii presbiteri, qui ordinati fuerint in ipse alie hecclesie subiecte et pertinentes supradicte ecclesie sancte marie, nullam molestationem aliquando patiantur a nos vel a nostris successoribus. verumtamen, si heredes vestras per supradicto ordine in ipsa hecclesia sancte marie absque datione voluerit ordinare abbates, potestatem abeat semper abbatibus et clericos ibidem ordinare et abere per illo ordine, sicut superius legitur, ita ut nullum servitium querat inde tollere vel habere; et si heredes vestras aliquit servitium vel dationem exinde tulerit, aut si ipsa hecclesia in illo hordine, sicut superius legitur, non ordinaberit, tunc sic habeant potestatem ipsis abbatibus et successoribus et ipsa congregatione hecclesia ipsa ordinare et tenere, et regere, et gubernare, et facere, qualiter superius legitur. de qua per bona combenientia obligabi me qui supra amatus domini gratia archiepiscopus et meis successoribus, si taliter omnia suprascripta non adimpleverimus et aliquit, de ea que superius legitur, quesierimus remobere aut contrare, componere hobligabi me et meis successoribus vobis vestrisque heredibus vel ad ipsis abbatibus quadtuor milia solidos constantinos. et taliter scribere rogavimus te aghenardus notarius. + ego qui supra amatus domini gratia archiepiscopus + ego dauferius archidiaconus et abbas cappelle palatii + ego iohannes clericus et archipresbiter + ego qui supra desigius + ego qui supra toto scriba palatii + ego qui supra petrus iudex + ego maio

Source Fulltext: Codex Diplomaticus Cavensis, vol. 2, 272-274, Estratto da ALIM