+ In nomine Domini. Vicesimo quarto anno principatus domni nostri Gisulfi gloriosi principis, mense martio tertia indictione. Ante me Petrum iudicem Petrus et Adelbertus et Landoarius comites germani filii quondam Lamberti comitis et Landoarius comes filius quondam Adelberti comitis qui fuit consobrinus frater ipsorum germanorum et Gaitelgrima genitrix ipsius Landoarii, que uxor fuerat ipsius Adelberti comitis, coniuncti sunt cum Theophilo monacho et sacerdote filio quondam Georgii, et ipsi germani et predictus Landoarius et iamdicta Gaitelgrima per convenientiam, dum ydonei interessent homines, tradiderunt ipsi Theoph[i]lo integra res que eis habere pertinet foris hanc Salernitanam civitatem in loco ubi Gallucanta et Petralena dicitur, non multum longe a mare, intra quam ecclesiam ad honorem beatissimi confessoris Nikolai et atriis et cellis et casis ipsi ecclesie pertinentibus construncte sunt, et in ea vinea et pomis est que a parte septemtrionis coniuncta est ad via publica et a parte meridiei ad mare, et tota et integra res pertinens ipsius ecclesie de loco Salitto, et integrum molinum pertinens eiusdem ecclesie qui edificatum est in loco Beteri, et inclita res pertinens eidem ecclesie de loco Priato, que est terra cum arbusto et inclitam medietatem quam ipsi ecclesie habere pertinet de tota res que est in loco Albole in qua vineis et insitetis et castanetis et cannetis et salicetis et vacuo est, et intra quam ecclesiam ad honorem beati apostoli Andree condita est. et tota ipsa res dixerunt esse per fines: de supter parte finis mare, de alia parte finis medio vallone qualiter ab ipso mare ascendit per medium vallonem per quod fluit aqua que dicitur Palombara et qualiter ascendit et coniungit in plesco de Falerzo et ascendit usque mediam serram de ipso monte, de super parte finis media ipsa serra, de alia parte finis medio vallone per quod fluit aqua que dicitur Albole, qualiter ab ipso mare ascendit et coniungit in alium vallonem unde fluit aqua Ianni et per medium ipsum vallonem ascendit usque mediam ipsam serram, et omnes alias res stabiles et moviles ipsi ecclesie Sancti Nikolay pertinentes tam intra hanc civitatem quam et foris. et omnes ipsas res moviles nominatibe sunt hec: calicem argenteum desuper auratum et pateram argenteam desuper auratam, calicem et pateram de stagno, turibulum argenteum unum et alium ereum, sindonem sericam inbestutam et alias duas sindones sericas et aliam sindonem seriaticam ad intaliatum et duas sindones de sparamagna cum botanis de panno, sindonem unam ad acu, sindones africaczanas sericas quinque, sindonem de zendato auro textam, sindonem de zendato cum botana, parium guaraldi serici diocitrici de saburro, planetam de sparamagna, oralem unum ad intaliatum, admittum unum de lino, duos manules ad acum, duos orales cum dextris auro textis, oralem unum cum vultu ad acu, oralem unum ad ragiolum, admittum unum, duas planetas cordatas et alia planeta de zendato albo, sindonem unam cum cruce, faccitergium unum plumatum, duos manules seriaticos, trellices lineas duas, zonam unam que dicitur ad nudu, curtinam lineam unam cum crucibus laboratam, velemen alium lineum suptile, condaci unum, eutholiogia dua, evangelium unum, lacnistiri unum, evangelium et apostolum unum, prophetico unum, theodoritum unum, triodi unum, ergadio unum, psalterium unum, biblion panigiricon unum, cataniticon et anastasimon duo, tetra angelium unum, quaternos quinquaginta unum cum canonas et unum preceptum de casa ipsius ecclesie Sancti Nikolay de intra hanc civitatem, scrineum unum, arcellam unam, cruciclas argenteas tres, unam ex eis cum catenolis argenteis, cruciclas ereas tres, cruces argenteas quattuor, duas ex eis cum gemmis, cruces ligneas tres auro depictas, quattuor ceraptata deargentata, conam argenteam cum gemmis et auro laboratam et musio unam, conas undecim Constantinopoleas depictas auro, conas alias nobem, candelabra duo erea, candelabras vigreas Constantinopoleas viginti septem, quattuor candelas vitreas parbulas, quattuor ova de sturzo, tintinabulum ereum unum, tres pateras ligneas cum auro depictas, tres bettes ferreos, archiscannum, cathedram, mensam cum pedibus et aliam mensam, scanna quinque, predulas tres, barrilem, tinellam et aliam tinam, pistorium scabineum ligneum parium unum, molis manualibus, catinas decem, pistoreum ligneum parbulum. in ipsis rebus de Salitto buctes duas, unam de saumis decem et aliam de nobem saumis. intra hanc civitate buctes duas, unam de saumis decem et nobem et aliam de quattuordecim saumis. in suprascripta ecclesia Sancti Nikolai buctes sex, unam de saumis undecim et aliam de decem, et duas de decem et octo, et aliam de septem, et altera de tribus. in suprascriptis rebus de Priato buctem de saumis duodecim, bobem, asinum, oves septem, capras quattuordecim, quinque cartulas pastenationis de ipsis rebus de Salitto, cartulas pastenationis tres de ipsis rebus de suprascripto loco Albole, et omnibus aliis monuminibus ex eadem traditione continentibus. de iamdicta vero tota suprascripta traditione qualiter superius legitur ipsi germani Petrus et Adelbertus et Landoarius tradiderunt ipsi Theophilo medietatem, et ipsi mater et filius, Gaitelgrima scilicet et Landoarius, aliam medietatem, et ex eadem medietate ipse Landoarius tradidit ei tres partes et ipsa Gaitelgrima genitrix eius quartam partem. ea ratione ut amodo et dum ipse Theophilus vixerit integra suprascripta traditione cum vice de ipsa via et de aliis viis et anditis suis sue potestatis teneat et dominet et regat et gubernet et iusta ratione salbam faciat, et in ipsa ecclesia Sancti Nikolai diurnis et nocturnis horis cotidie Dei officium peragat et peragere faciat sicut decet presbiteris grecis, et eam alluminet et alluminare faciat nocte et die sicut meruerit; et omnes ipsas res stabiles, quas ipsi Theophilo sicut suprascriptum est tradiderunt, ipse Theophilus dum vixerit omni anno apto tempore laboret et ubi meruerit infra eas laborare et pastenare faciat sicut meruerit, et ad laborandum et pastenandum det dum vixerit, ut im melius proficiat et non depereat et ut semper bona videatur esse laborata et surta, et ipsam ecclesiam Sancti Nikolai et iamdictis cellis et casis et atriis quando meruerit cooperire et conciare faciat sicut meruerit, et de omnibus frugiis quod ex omnibus ipsis rebus exierit et censibus et dationibus quas ex eis ipse Theophilus tulerit et quicquit in ipsa ecclesia oblatum fuerit et quod ex ipso molino tollere et habere potuerit et de eo quod pro sepulturis tulerit, dum vixerit, ipse Theophilus illud sibi habeat et faciat ex eo quod voluerit; preter si, Deo favente, in ipsa ecclesia Sancti Nikolay res stabiles aut animalia viva vel talem causam oblatum fuerit que ad hornamentum de ipsa ecclesia pertinet, semper sit de ipsa ecclesia, et ipse Theophilus illud regat et gubernet et iusta ratione salbum faciat et frudiet sicut et ipso alio. et omni anno amodo et dum vixerit in Nativitate domini et salbatoris nostri Iesu Christi et in Pasca resurrectionis eius et in festivitate Sancti Nikolay per unamquemque ex ipsis festivitatibus ipse Theophilus portet vel dirigat ipsorum germanorum et heredum eorum tres paria de oblatis et ana nobem cereis, et ipsis Gaitelgrime et Landoario mater et filius et eorum heredibus similiter per unamquemque ex eadem festivitate omni anno dum vixerit ipse Theophilus portet aut dirigat tres paria de oblatis et ana nobem cereis, sic tamen ut ipsa Gaitelgrima et eius heredes habeant ex eo quartam partem et ipse Landoarius filius eius et illius heredes tres partes; et ipse Theophilus dum vixerit non habeat potestatem alios dominos habere, solummodo ipsos Petrum et Adelbertum et Landoarium germanos et Gaitelgrimam et Landoarium filium eius et eorum heredes habeat sicut decet. et per convenientiam ipsi germani et predicta Gaitelgrima et iamdictus Landoarius filius eius, tamen ipsa Gaitelgrima cum voluntate ipsius filii et mundoalt sui, cum qua omnia que in hoc scripto scripta et scrivenda sunt fecit, guadiam ipsi Theophilo dederunt et fideiussorem ei posuerunt Grimoaldum filium quondam Iohannis et per ipsam guadiam obligaverunt se et suos heredes defendere ipsi Theophilo dum vixerit integram suprascriptam traditionem cum vice de ipsa via et de aliis viis et anditis suis ab omnibus hominibus et illi et illorum heredes non illam ei tollere aut contrare querant, et tribuerunt licentiam ut, quando ipse Theophilus voluerit, potestatem habeat suprascriptam traditionem per se defendere et de ea vel ex ea causare et finem facere secundum legem cum omnibus cartulis et monuminibus et rationibus quas ex eo ostenderint; sic tamen ut, cum ea ad defendendum vel ex ea ad causandum benerit ut suprascriptum est, faciant scire ipsos germanos et iamdicta Gaitelgrima et ipsum Landoarium filium eius et eorum heredes vel quale ex eis utilior fuerit, ut in presentia eorum vel ex eis ut dictum est eas per se defenderet et de eo causaret et finem faceret qualiter suprascriptum est. ad hovitum vero ipsius Theophili integra ipsa ecclesia Sancti Nikolai et ipsis cellis et casis et atriis bene constructis et ipsum molinum et omnibus suprascriptis rebus stavilibus bene laboratis et surtis et omnibus ipsis rebus movilibus iusta ratione salbis et totum illud quod, Deo auxiliante, ibi accreberit et omnibus rebus et causis, que ipse Theophilus illo tempore habuerit, sit in potestate ipsorum germanorum Petro et Adelberto et Landoario et Gaitelgrime et Landoario filio eius et heredum eorum, ita ut ipsi germani et eorum heredes habeant ex ea medietatem et de reliqua medietate ipsa Gaitelgrima et eius heredes habeant quartam partem, et ipse Landoarius filius eius et illius heredes tres partes; et ipse Theophilus non habeat potestatem de predicta traditione et de eo quod, ut dictum est, ibi accreberit, alienare vel de rebus suis ad hovitum suum cuicumque per quemlibet modum dare. et si, sicut superius scriptum est, ipsi germani Petrus, Adelbertus et Landoarius et Gaitelgrima et Landoarius filius eius et eorum heredes ipsi Theophilo non adimpleverint et suprascripta vel ex eis quicquam remobere aut contradicere presumpserint, per ipsam guadiam obligaverunt se et suos heredes componere ipsi Theophilo centum auri solidos constantinatos. verumtamen hoc memorando addere facio, quoniam ipse Theophilus obligavit se ut amodo et usque completum unum annum emat res stabiles pro parte ipsius ecclesie Sancti Nikolay foris hac civitate valientes solidos septuaginta quinque, quorum quisque habeat tarenos bonos de preterita moneta que in hac civitate formata fuit presenti anno de mense predicto quattuor, ad faciendum de ea pars ipsius ecclesie Sancti Nikolay quod voluerint. tantum ipse Theophilus dum vixerit eas teneat et laboret et laborare faciat sicut et ipsis aliis rebus stabilibus ipsi ecclesie pertinentibus, et omne fruges et fructus et quicquit de ea dum vixerit tollere et habere potuerit, totum illud ipse Theophilus sibi habeat, et de ea ipsis Petro et Adelberto et Landoario et Gaitelgrime et Landoario et eorum heredibus adimpleat et persolbat quemadmodum suprascriptum est de ipsis aliis rebus. suprascripto disturvato nerio et eorum heredibus adimpleat et persolbat quemadmodum suprascriptum est de ipsis aliis rebus. suprascripto disturvato ne noceat quia in uno loco legitur Landoarius et in alio tertia, in altero secundum legem; et quod inter virgulos scriptum est legitur stabiles. Et taliter tibi Iohanni notario scribere precepi. S. + Ego qui supra Petrus iudex. S. + Ego Ademarius notarius me subscripsi. + Ego Amatus notarius me subscripsi.

Source Fulltext: Codex Diplomaticus Cavensis, vol. 09, 4-9, Estratto da ALIM