+ Tertium scriptum continebat qualiter in anno vicesimo quarto principatus prefati domni Gisulfi, mense aprili tertia indictione, ante Iohannem iudicem, suprascriptus Petrus genitor ipsorum fratrum tradiderat ad tenendum Iohanni et Urso filiis Petri et Urso nepoti eorum terram suam cum insiteto et silva de ipso loco Mitiliano ubi Calcarola dicebatur per fines et mensuras iusto passu hominis mensuratas: a meridie finis terra consortium eius et passus centum duo, et ab inde ascendebat recte secus ipsam finem in occidentem passus viginti sex usque mediam serram et ab ipsis passibus ascendebat per mediam ipsam serram montis passus septuaginta duo, et ab eis ascendebat per mediam ipsam serra in occidentem passus sexaginta et ab eis similiter ascendebat per mediam ipsam serram in occidentem passus occtoginta duo; ab ipsa parte occidentis finis terra consortium eius, sicut descendebat per media valle recte mensurando a media ipsa serra passus septuaginta quinque usque termino qui in media valle fixus erat; ab oriente finis terra ipsius Petri et recte mensurati passus quadraginta unus et palmos tres; a septemtrione finis terra consortium eius qualiter incipiebat ab ipsa terra sua et recte ibat in occidentem passus quinquaginta sex usque primo ter[mino], et est [i]bi la[ta] usque ipsam terram ipsorum consortium passus tri[ginta et ab] ipso primo termino ascendebat rectum in occidentem secus ipsam finem ipsorum consortium usque secundo termino passus viginti, et est ibi lata passus viginti nobem usque ipsam terram ipsorum consortium, et ab ipso secundo termino ibat recte iuxta eiusdem Petri et consortes in occidentem usque tertio termino passus viginti sex et est ibi per latitudinem passus viginti nobem, qualiter coniungit in eo loco ubi ipsi centum duo passus compleverant, et ab ipso tertio termino ascendebat recte secus finem ipsorum consortium usque quartum terminum passus viginti septem, et est ibi lata ista terra passus quadraginta sex usque mediam ipsam serram in eo loco ubi ipsi viginti sex passus compleverant secus ipsam finem ipsorum consortium, et ab ipso quarto termino recte ascendebat secus ipsam finem ipsorum consortium usque quintum terminum passus viginti, et est ibi lata usque mediam ipsam serram recte passus nonaginta nobem, et ab ipso quinto termino ascendebat rectum iuxta finem ipsorum consortium passus viginti usque sextum terminum et est ibi lata usque mediam ipsam serram [pa]ssus viginti quattuor usque illum locum ubi ipsi septuaginta duo passus compleverant, et ab ipso sexto termino ascendebat rectum iuxta illud ipsorum consortium passus quinquaginta sex usque septimum terminum, et est ibi per latitudinem recte usque mediam ipsam serram passus viginti sex, et ab eodem termino ibat recte secus ipsam finem passus quattuordecim usque ipsum terminum qui fixus erat in media ipsa valle. ut ipsi laboratores et eorum heredes insitarent et surgerent ibidem zenzaletum et adimplerent de eo ipsi Petro et eius heredibus sicut ipsum scriptum continet, quod scriptum est per ipsum Romoaldum notarium, in quo ipse Iohannes iudex subscriptus est.

Source Fulltext: Codex Diplomaticus Cavensis, vol. 09, 10-11, Estratto da ALIM