+ In nomine Domini. Vicesimo quinto anno principatus domni nostri Gisulfi gloriosi principis, mense nobembri quinta indictione. Ante me Petrum iudicem Petrus et Adelbertus et Landoarius comites germani, filii quondam Lamber[ti comitis, et Landoarius comes, filius quondam Adelberti comitis qui fuit con]sobrinus frater [ip]sorum germanorum, et Gaitelgrima genitrix ipsius Landoari, que uxor fuerat iamdicti Adelberti comitis, coniuncti sunt cum Theophilo sacerdote monacho et abbate æcclesie, que foris hac c[ivitate in loco ubi Gallucanta et Petralena dicitur non multum lon]ge a mare ad honorem beatissimi confessoris adque pontificis Nikolay condita est, et ipsi germani et iamdictus Landoarius et predicta Gaitelgrima ostenderunt tres cartulas quas feci legere. Prima ex eis de vicesimo anno prin[cipatus domni Guaimarii principis, mense ia]nuario septima indictione. Qualiter ante Petrus iudex perrexerant mulier nomine Zitola filia Stephani piscatori, que fuerat uxor Petri filii Licti et Aloara filia ipsorum Zitole et Petri et ostenderant u[num scriptum] de quadragesimo quinto anno principatus d[omni Guaimarii principis et quinto] anno domni Gisolfi filii eius, mense iunio decima indictione. Quomodo ante Dauferius iudex coniuncti fuerant Marino Atrianensis filius Mauri et Iohannes filius Adilperti, et per partes ostenderant sua monimina de rebus de loco Salicto et ubi ad Toru vocavatur et debuerat exi[nde iurare ipse Iohannes] et fuerat paratus inde iurandum qualiter inter eis iudicatum fuerat; et ipse Marinus sacramenta ipsa recipere noluerat et cartulas ipsius Iohannis sicut continebat veraces essent et ipsa rebus qualiter per fines monstraberat et declarate fuerant veritas esset ut ipse Iohannes genitor et abio eius ad suam proprietatem possedisset et dominasset, et neque per testes neque per monimen neque per qualecumque inbenta ratione de predicta rebus qualiter prelegitur causare et contendere nequaquam poteret, et donaverat ei ipsum [sacra]mentum scriptum per Ursus presbiter et notarius, et ibidem scriptum ipsum Dauferius iudex. Et cum fuerat relectum, dixerant ut in supradicta rebus de ipsis locis, que fuerat ipsius Licti filii supradicti Iohanni filii Adilperti, habuisset sortionem ipse Petrus vir et genitor ipsarum Zitole [et] Aloare inclita quarta parte, et de ipsa quarta parte, que fuerat sortione predicti Petri, fuisset pertinentem ipsius Zitole inclitam quartam partem per suum morgincap ei emissum per ipsum Petrum, et relique tres sortiones esset pertinentes ipsius Aloare. et ideo ipse mater et filia illarum voluntate, per ipsam cartulam, secundum legem venumdederant adque ad semper abendum confirmaverant Adelberto comiti filio quondam Lamberti tota et inclita supradicta rebus, que superius dixerant fuisset pertinentem ipsius Petri vir et genitor illarum, de suprascriptis locis et de aliis locis ibique coniunctis, cum omnibus intro se abentibus et suis pertinentiis et cum vice de viis suis et cum inclita quartam partem de supradicto scripto et cum inclita sortione de aliis moniminibus que fuerat ipsius Petri continentibus de suprascriptis rebus, ad securiter et fir[mite]r ipse Adelbertus et suos heredes et cui per eos datum paruisset semper omnis suprascripta venditione habendum et faciendum quod volerent, sicut ipsa cartula continet, que scripta est per Ademarium notarium, in qua ipse Petrus iudex subscriptus est. [Secunda de] vicesimo primo anno principatus ipsius domni [Guai]marii, mense nobembri octava indictione. Quomodo Iohannes filius Litti et mulier nomine Anna filia quondam Iohannis qui vocavatur Bassallu, qui erant amboque coniugati vir et uxore, clarefecerat ipse Iohannes sibi esset pertinens habere res a parte predicti [genito]ri et genitrici sue in eodem loco ubi Salittu dicitur, que erat terris cum vineis et castanetis et quertietis et silbis et plagariis et fondis et bersaturiis suis in montibus quam et in planis, et ipsa nominata mulier in predicta rebus iamdicti viri sui quartam partem profitebat se habere portionem que ei emissa fuerat per suum scriptum morgincap a supradicto viro suo in die illorum copulationis. et congruum erat ipsis viro et uxori comuniter omnes ipsas res de predicto loco Salitto, quomodocumque eis fuerat et erat pertinens habere a pars supradicti genitori suo et a pars genitrici sue, ubicumque de ipsa rebus ibique in ipso locum inbentus dedisset in montibus et in planis, totum illud donare cum omnes monimen inde pertinentes iamdicto Adelberto comiti filio memorati Lamberti. et ideo ipsi nominati vir et uxor, sicut eis congruum fuerat, bona eorum voluntate, per ipsam cartulam donaverant adque ad semper abendum confirmaverant ipsi nominato Adelberto comiti de omnibus ipsis rebus, quantum quantoque supradictis genitori et genitrici suique Iohanni fuerat pertinens in ipso loco Salitto in montibus et in planis, inclita quartam partem, que fuerat sortione ipsius Iohanni cum inclita quartam partem de omnes monimen inde pertinentes et cum omnia intro se habentibus et suis pertinentiis et cum vice de viis suis; unde nullam sibi aut cuiqua hominibus vel in quavis partibus inde restiterat aut dixerat remanere sortionem, set sicut dixerant funditus illud eodem Adelberto donaverant ad securiter et firmiter semper ipse Adelbertus et suos heredes et cui vel ubi per eos datum paruisset illud abendum, dominandum, possidendum, omnia inde faciendum quod volerent absque omni illorum et heredum eorum aut cuique hominibus contrarie[tate vel requisi]tione. verumtamen supradicta illorum donatione quam ipsi Adelberto donaverant in supradicto hordine de inclita omnis ipsa rebus, que fuerat pertinens supradictis genitori et genitrici suaque Iohanni da locum qui dicebatur Bosanola in illa parte usque fluvio Beteri qui dicitur Boneia et a locum qui dicitur Sepi descendente ab ipso loco Sepi inter ambas fines Bosanola et ipsum fluvium Boneia usque mare infra ipse fines de omnes rebus que fuerat ipsius genitori et genitrici suaque Iohanni, donaverant exinde ipsi Adelberto inclita quartam partem cum inclita quartam partem de omnes monimen inde pertinentes, abendum illud ipse Adelbertus et suos heredes et cui vel ubi per eos datum paruisset, et faciendum exinde omnia que volerent per illa ratione sicut supradictum est, sicut ipsa cartula continet, que scripta est per Ademarium notarium et in ea Radoaldus et Arechisius et Alderisius notariis testati sunt. Tertia scripta per Alderisium notarium vicesimo primo anno principatus suprascripti domni Guaimari[i], mense septembri octava indictione, et in ea Radoaldus notarius et Ademarius testati sunt. Cum autem ipse cartule fuerunt ostense, ipsi germani et iamdicti mater et filius clarificaverunt quod tempore ipsius Adelberti, cui omnes suprascripte res venumdate adque donate fuerunt sicut suprascripte cartule continent, per idipsum Adelbertum totas et inclitas ipsas res, qualiter ei per ipsas cartulas pertinentes fuerunt, cum omnibus intro se abentibus et suis pertinentiis et cum vice de viis suis et cum suprascriptis cartulis et aliis muniminibus ex ipsis rebus continentibus per firmam cartulam offertum fuerat in iamdicta ecclesia Sancti Nikolay, ad avendum illud rectores et partes ipsius ecclesie et nullo modo de potestate ipsius ecclesie essent subtracte. set ipse Theophilus abbas ipsam offertionis cartulam se perditam dixit habere nec omnino eam habere posset, solummodo iamdictas res pro parte ipsius ecclesie tenere et a suprascriptis cartulam offertionis cupiebat accipere. idcirco ipsi germani et iamdicti genitrix et filius pro amore omnipotentis Dei et ipsius sancti Nikolay et anime eorum salute per convenentiam, per hanc cartulam offeruerunt adque confirmaverunt in eadem ecclesia Sancti Nikolay totas et inclitas ipsas res que et qualiter ipsi Adelberto pertinentes fuerant, sicut suprascripte cartule continunt, cum omnibus que intro eas sunt cunctisque eorum pertinentiis et cum vice de viis suis et cum suprascriptis cartulis et cum aliis muniminibus ex eo continentibus. ea ratione ut semper sit in potestate ipsius abbatis et successorum eius qui per eos et per eorum heredes in iamdicta ecclesia hordinati fuerint, et licentiam habeant de eo cum eorum et heredum eorum voluntate facere quod voluerint. et per convenientiam ipsi germani ed iamdicti genitrix et filius guadiam ipsi abbati dederunt dum ydonei homines interessent et fideiussorem ei posuerunt Ademarium filium quondam Landolfi comitis; et per ipsam guadiam obligaverunt se et suos heredes semper defendere ipsi abbati et successoribus illius, qui ut dictum est in ipsa ecclesia hordinati fuerint, totum et integrum illud quod in iamdicta ecclesia ut superius legitur offeruerunt et confirmaverunt ab omnibus hominibus et partibus. ea ratione ut, quando ipse abbas et ipsi eius successores ipsos germanos et iamdictos matrem et filium et eorum heredes defensores de eo habere quesierint, per omnes vices dent eis suprascriptas tres cartulas rationaviliter salbas habendas diebus sexaginta, et per omnes vices illi et illorum heredes illud quod ut suprascriptum est in iamdicta ecclesia offeruerunt et confirmaverunt ipsi abbati et iamdictis successoribus ut superius legitur defendant; et post completos ipsos dies per omnes vices cartulas ipsas quales eis date fuerint iusta ratione salbas illis retdant; et tribuerunt licentiam ut, quando ipse abbas et iamdicti eius successores voluerint, potestatem habeant illud per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est ipsi germani et iamdicti genitrix et filius et illorum heredes ipsi abbati et iamdictis successoribus non adimpleverint et suprascripta vel ex eis quicquam removere aut contradicere presumpserint, per convenientiam, per ipsam guadiam obligaverunt se et suos heredes, tamen ipsa Gaitelgrima cum voluntate ipsius filii sui cum qua omnia que in hac cartula scripta et scrivenda sunt fecit, componere ipsi abbati et iamdictis eius successoribus centum auri solidos constantinatos. verumtamen quia de ipsa ecclesia Sancti Nikolay et de omnibus rebus stabilibus et movilibus ipsi ecclesie pertinentibus et de eo quod in iamdicta ecclesia sicut suprascriptum est optulerunt et confirmaverunt medietatem ipsis germanis Petro et Adelberto et Landoario pertinet, et de altera medietate quartam partem ipsi Gaitelgrime et tres partes ipsi Landoario filio suo pertinent, preter integram terram cum casa fabricata que est intra hanc civitatem super palatio domnico, quam Urania genitrix ipsorum germanorum in iamdicta ecclesia dedit, ut integram eam cum omnibus pertinentiis, qualiter ipsa Urania ut dictum est dedit, haberet ipse abbas et iamdicti eius successores, et licentiam haberent cum voluntate et absolutione ipsorum germanorum et heredum eorum de ea facere quod volerent; nam sine eorum solutione non haberent licentiam aliquit de ea facere, et ipsi mater et filius et eorum heredes nullam dominationem aut pertinentiam quolibet tempore in iamdicta terra cum casa et in omnibus eius pertinentiis habere querant. Et duas cartuas unius tenoris, hanc A quam ipse abbas pro parte ipsius ecclesie et alteram quam ipsi germani Petrus et Adelbertus et Landoarius et iamdicti mater et filius retinent, A1 quam ipsi germani Petrus et Adelbertus et Landoarius et iamdicti mater et filius et alteram quam ipse abbas pro parte ipsius ecclesie retinent, memorans illud quod superius inter virgulos scriptum est, quia in uno loco legitur et de ipsa quarta parte et in alio sui [et] quod disturvatum paruerit legitur [et quantum], tibi Iohanni notario scribere precepi. S. + Ego qui supra Petrus iudex. S. + Ego Iohannes notarius me subscripsi. S. + Ego Romoaldus notarius me subscripsi.

Source Fulltext: Codex Diplomaticus Cavensis, vol. 09, 68-75, Estratto da ALIM