+ In nomine Domini. Vicesimo septimo anno principatus domni nostri Gisulphi gloriosi principis, mense maio sexta indictione. Ante me Iohannem iudicem Adelarius filius quondam Romoaldi coniunctus est cum Urso qui cognominatus est Cafarellus filio quondam Sergii et cum Pulixena uxore sua filia quondam Alferii, et per ipsum Adelarium ostensa sunt scripta ita continentia: Ego Adelarius filius quondam Romoaldi divisi terras cum isclis et silbosum et vacuum et arbustum et vinea, quas communes habeo in loco Veteri suptus ripis de monte de Catabulo cum Polixena filia quondam Alferii, que est uxor Ursonis, et cum iamdicto Ursone viro suo, qui fuit filius Sergii Cafarelli, et feci ex eis duas sortes, quarum una est per fines et mensuras: a parte orientis finis via Nucerina inde passus viginti quinque; a parte septemtrionis finis alia via communis et ea dimissa vadit et coniungit in fine mea a super arcaturia nostra communi passus viginti quinque; a parte occidentis finis ipsa arcaturia et ea dimissa recte vadit in partem meridiei iuxta terram quam pro curticella ipsius molini dimisi usque in fine rebus heredum Madelmi; a parte meridiei est finis ipsa rebus ipsorum heredum Madelmi qualiter recte vadit in ipsa parte orientis usque ipsa via Nucerina inde passus undecim. et adiunsi in ista sorte ipsam terram cum vinea que est per fines et mensuras: a parte quasi orientis est finis ipsa via communis inde passus quinquaginta duo; a parte septemtrionis finis aliorum; a parte occidentis finis ipsam arcaturiam inde passus alios quinquaginta duo qualiter descendit et coniungit in fine mea; a meridie est finis terra mea; de toto isto feci primam sortem cum vice de ipsis viis. secundam sortem feci per fines et mensuras: a parte occidentis finis fluvio Boneia inde passus sex et cubitum et palmum et planta cum pollice; a parte meridiei est finis mea et ipsorum heredum Madelmi qualiter vadit in partem orientis et coniungit in suprascripta arcaturia supter molinum meum et illorum; a parte orientis finis ipsa arcaturia qualiter vadit et coniungit in fine mea inde passus triginta duo; a parte septemtrionis finis mea qualiter descendit et coniungit in ipso fluvio priore fine. et adiunsi in ista sorte totam terram cum iscla que est suptus ipsa arcaturia que est per fines et mensuras: a parte quasi orientis est finis ipsa arcaturia inde passus quinquaginta tres; a parte meridiei finis mea qualiter descendit et coniungit in ipso fluvio; a parte occidentis finis ipso fluvio recte mensurati passus sexaginta; a parte septemtrionis est finis aliorum qualiter ascendit et coniungit in ipsa arcaturia priore fine, et quantum ibidem et coniunctum nobis commune pertinet, et ex hoc feci esse secundam sortem cum vice de ipsis viis. molinum vero nostrum, quod infra ista et suprascriptam primam sortem edificatum est cum arcaturia sua et cum usu aquarum et cum ipsa curticella que ibi coniuncta est et cum omni pertinentia sua et cum vice de viis suis et cum vice de via per ipsam primam sortem ab ipsa curticella pergente in partem orientis secus ipsam terram heredum ipsius Madelmi usque ipsam viam Nucerinam, communiter reserbabi, ita ut medietas ex ipsis cum vice de ipsis viis sit in potestate mea et heredum meorum et altera medietas ex eis cum vice de ipsis viis sit in potestate ipsorum Ursi et Pulixene et heredum eorum, ad habendum et faciendum ex eo per partes quod voluerint. Et cum ipse sortes facte fuerunt, velut ipse scripte continent, prius ipsi vir et uxor comprehenserunt suprascriptam secundam sortem, qualiter superius facta est cum omnibus que intra eas sunt cunctisque eius pertinentiis et cum vice de ipsis viis, ut semper sit in potestate ipsorum viri et uxoris et heredum eorum; et illi et illorum heredes licentiam habeant de eo facere quod voluerint. et ipse Adelarius comprehensit ipsam primam sortem qualiter superius facta est cum omnibus que intra eam sunt cunctisque eius pertinentiis et cum vice de ipsis viis, ut semper sit in potestate ipsius Adelarii et heredum eius et liceat illum et eius heredes de eo facere quod voluerint. et per convenientiam ipse Adelarius guadiam ipsis Urso et Pulissene dedit et fideiussorem ei posuit Dauferium qui cognominatus est Barbutu filium quondam Petri; et per ipsam guadiam obligavit se et suos heredes semper permanere cum ipsis Urso et Pulissene et cum illorum heredibus in suprascripta divisione et in omnibus suprascriptis quemamodum superius legitur et defendere ipsis Urso et Pulissene et illorum heredibus integrum illud quod in sorte comprehenserunt ut suprascriptum est, et ipsam medietatem eorum iamdicti molini et medietatem de omnibus quod in eorum potestate esse dixerunt, sicut suprascriptum est, cum vice de ipsis viis a Mascino clerico et Griselaita genitrice et germano eius et ab omnibus hominibus, quibus per eum et per ipsos germanum et genitricem suam et per eorum heredes et per ipsum Romoaldum genitorem suum illud vel ex ipso quomodocumque datum aut obligatum vel manifestatum seu alienatum paruerit et qui pro illorum et heredum eorum parte et dato quascumque causationes de eo ipsis Urso et Pulissene et illorum heredibus preposuerint; ab aliis autem hominibus et, cum voluerint, ab omnibus hominibus ipsi vir et uxor et illorum heredes potestatem habeant illud per se defendere qualiter voluerint. et si sicut superius scriptum est ipse Adelarius et eius heredes ipsis viro et uxori et illorum heredibus non adimpleberint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsis Urso et Pulissene et illorum heredibus quinquaginta auri solidos constantinatos et in suprascripta divisione permanere et sicut superius legitur adimplere. suprascripta vero fecit ipsa Pulissena cum voluntate ipsius viri sui. Et taliter te Romoaldum notarium scribere precepi. S. + Ego qui super Iohannes iudex.

Source Fulltext: Codex Diplomaticus Cavensis, vol. 09, 168-171, Estratto da ALIM