+ In nomine Domini. Vicesimo septimo anno principatus domni nostri Gisulfi gloriosi principis, mensis iulius sexta indictione. Nos Ursus et Petrus germani filii quondam Alfani et ego Fresa filia quondam Iohanni et uxor sum iamdicti Ursi et Laita filia quondam [M]arconi declaramus nos homnes prenominati viri et mulieres quoniam hante os dies pro Christi et salvatoris nostri misericordiam, hob remedium animarum nostrarum homnibus rebus qualiter nobis erat pertinentes per toto loco qui Lauri dicitur et per toto loco qui Murtitu dicitur, per finis et vocabulis eiusdem locis seu et per finibus Caputaquis cum casis de intus ipsa cibes seu et qu[o]t foris sunt, et omnes res qualiter nobis erat pertinentes per ipsis iamdictis locis per finis et vocabulis cum scriptis vel foris scriptis seu undecumque nobis erant pertinentes vel pertinere deberet, totum et integrum illut optuleramus in ecclesia Sancti Michaelis Archangeli, que sita esse videtur in locum Benanza[n]a, actus Caputaquis, in rebus domne Theodore et domni Guaimarii at Gregori[i] et Guidoni et Iohanni germani filii quondam domni Paldulfi et prefate domne Theodore, ubi nunc venerabilem sacer domnus Iohannes gratia Dei constitutum est abbas. unde ipsum predictus domnus abbas de omnia quod, sicut supra diximus, a nostra parte cartulam offertionis aput se exinde retinebat, set per ipsam cartulam offertionis, quod scripta erat per manum Iohanni clerici et notarii, interherat mixtuatos rebus thignat[e] quod nobis est pertinentes per firmum scriptum a parte episcopio Pestano. pro hoc denique obsecrare cepimus vestigia suprascripti domni abbati, ut ipsis rebus, que sicut diximus thignate erant, de ipsam predictam offertionem illut exinde sceptuaremus et de cunctis aliis res nostras similiter ei pro parte predicte ecclesie scriptum offertionis exinde firmaremus qualiter et ipsam predictam cartulam ut superius diximus continebant. propter pietatem suam suprascripto domno abbas libenter n[os] audibit velut eum hobsecrabimus et ips[am pre]dictam cartulam suis manibus a presenti capsabit et nos homnes suprascripti viri et mulieres pro Christi et salvatoris nostri misericordiam [et salute] animarum nostrarum, considerantes retributionem eterne beatitudinis a Domino non poscemus mereri, nisi Deo largiente per bonorum hoperum exercitationem ut vitam sempiter[n]am hacquirere valeamus et post uius carnis mortem paradisi gaudia mereamur adipissi, omnibus ipsis rebus et casis qualiter nobis sunt pertinentes cum scriptis vel foris scriptis seu undecumque nobis est pertinentes vel pertinere debet in predictis locis quam et intus ipsa cibes seu et per finibus Caputaquis, a foris illut quod sicut superius diximus de ipse thinx, totum et integrum congruum est nobis per convenientiam illut offerire in predicta ecclesia Sancti Michaelis Archangeli de iamdicto loco Venanzana, que sita est sicut diximus in rebus suprascripte domne Theodore et iamdicti domni seniores. et ideo sicut nobis congruum est, bona nostra voluntate, per anc cartulam, dum idonei homines interessent, offerimus ipsius sancte ecclesie omnibus ipsis nostris rebus et casis quas nobis suprascripti viri et mulieres sunt pertinentes vel pertinere debet, ut superius declaratum est, a foris illut de ipsa thinx. ea quidem rationem ut amodo et semper nos supranominati et ex nobis legitimis descendentibus ipsis rebus et casis ad nostram retineamus potestatem, ad tenendum et frudiandum et laborandum et de ipso frudio homnia inde faciendum que nobis et ex nobis legitimis descendentibus placuerint, et nichil exinde demus escepto per omnem annum demus exinde censum in prephata ecclesia auri tari hocto; amplius autem nullam dationem in ipsa ecclesia demus nisi hoc sicut diximus. et amodo et semper nos supranominati viri et uxores et ex nobis legitimis descendentibus sub defensione ipsius sancte ecclesie permaneamus, sicut liberi et boni homines qui audent sub defensione alie ecclesie uhic terre Caputaquis, et a quo nos et ex nobis legitimis descendentibus non paruerint. omnibus ipsis rebus stabilibus nostris pertinentibus, sicut superius declaratum est, cum muniminibus ex eis pertinentibus quam et inclitam tertiam partem de omnes res mobile, quas illis diebus ex nostris et ex nobis legitimis descendentibus faccultatibus inventum dat ratione, veniad ad potestatem de predicta ecclesia et de eius rectores faciendum inde quot voluerint sine alicuidem contrarietatem vel requisitionem; relique vero duobos partibus de ipsum mobilem potestatem abeamus illut expendere pro nostre anime salutis et ex eo facere quot voluerimus sine alicuidem contrarietatem vel requisitionem. unde pro omnia, ut dictum est, adimplendum nos iamdicti vir et uxores comune consensum guadiam ipsi[us] domni abbati dedimus et fideiussorem ei posuimus *************** et per ipsam guadiam per convenientia obli[gavim]us nos suprascripti viri et uxores et [ex nobis] legitimis descendentibus et nostris eredibus semper defendere in prephata ecclesia integras ipsas res et casis da omnibus hominibus et partibus; et tri[bui]mus licentiam ut, quotiens voluerint ipsi domni abbati suisque successores et partes predicte ecclesie, potestatem abeant illut per se defendere quali vo[l]uerint cum omnibus muniminibus et rationibus quas de eo hostenderint. et si, sicut superius scriptum est, nos et ex nobis legitimis descendentibus et nostris heredibus non adimpleverimus et suprascriptam vel ex eis quicquam remobere aut contradicere presumpserimus, per ipsam guadiam, per convenientiam obligamus nos suprascripti Ursu et Petri et Fresa et Laita et ex nobis legitimis descendentibus et nostris heredibus componere ipsi domni abbati suisque successores et partibus predicte ecclesie centum auri solidos constantinatos. Et taliter te Maraldum clericum et notarium scribere rogabimus. S. + Ego Landus. + Ego Maraldus clericus.

Source Fulltext: Codex Diplomaticus Cavensis, vol. 09, 192-195, Estratto da ALIM