Cartulam divisionis de vicesimo septimo anno principatus suprascripti domni Gisulfi, mense iulio sexta indictione. Qualiter Leo et Petrus germani ipsius Sergii coniuncti fuerant cum suprascripto Sergio propter ad compreendendum inter se sortes de terris et casis deintus hac civitate et rebus foris hac civitate quas inter se comunes habebant, et per ipsos germanos ostense fuerant scripte. Ipsa scripta quam ipse Petrus ostenderat continebat qualiter Petrus filius Constantini Sphagilla diviserat terras cum vineis et vacuo. prius diviserat terras cum vineis et vacuo de ipso loco Bosanola et fecerat inde tres sortes. primam sortem fecerat ex eis partem ab oriente per fines et mensuras: a parte meridiei finis via publica incipiente a facie tassi super quod murum huius civitatis constructum est et ibat recte per ipsam viam in parte occidentis passus duodecim; a parte occidentis finis secunda sors, inde recte mensurati passus viginti, et erat ibi lata ista sors recte in oriente usque facie promaci ipsius muri passus tredecim, videlicet ipse promacus qui est super alium promacum ibique longius ab ipso primo promaco passibus duobus et palmibus tribus et medius; et a completis ipsis viginti passibus revolvebat in occidente iuxta ipsam secundam sortem passus sex longius a cantone orientali suprano camere fabrite suprascripte secunde sortis passibus septem minus pedem unum; et a completis ipsis sex passibus recte ascendebat in parte septemtrionis iuxta ipsam secundam sortem passus septuaginta; a parte septemtrionis finis ipsa secunda sors et passus septem et medius; ab oriente finis facie ipsius muri usque ipsam viam priorem finem. istud fecerat primam sortem cum vice de ipsa via. secundam sortem fecerat partem medianam ex eis per fines et mensuras: a parte meridiei finis ipsa via et passus duodecim; ab occidente finis tertia sors et passus nobem, et revolvebat in parte occidentis iuxta ipsam tertiam sortem passus sex et medius, longius a cantone suptano occidentali palmenti fabriti qui intra istam sortem erat passibus duobus et cubitum; et ab ipsis sex passibus et medius ascendebat recte in parte septemtrionis secus ipsam tertiam sortem passus decem et cubitum, et coniungebat in illum locum in quo ipsi sex passus quos inter ipsam et ipsam primam sortem mensurata fuerant; et ab ipsis decem passibus et cubitum ascendebat in parte septemtrionis recte iuxta ipsam tertiam sortem passus centum viginti octo et medius usque viam; a septemtrione finis ipsa via et passus decem et octo et coniungebat in cantone suptano porte que in ipso muro erant; ab oriente finis facie suprascripti muri, et revolvebat in occidente iuxta ipsam primam sortem et revolvebat in meridie iuxta ipsam primam sortem, et revolvebat in oriente iuxta ipsam primam sortem, et revolvebat in meridie iuxta ipsam primam sortem et coniungebat cum ipsa via priore fine. ex hoc fecerat esse secundam sortem cum vice de ipsa via. tertiam sortem fecerat esse partem ab occidente ex eis per fines et mensuras: a meridie finis ipsa via et passus viginti et cubitum; ab occidente finis medio vallone unde aqua decurrebat; a septemtrione finis ipsa via; ab oriente finis ipsa secunda sors qualiter descendebat et revolvebat iuxta ipsam secundam sortem et coniungebat cum ipsa via priore fine. ex hoc fecerat esse tertiam sortem cum vice de ipsa via. Et ipse Sergius compreenserat ipsam secundam sortem qualiter suprascriptum est, ad faciendum ex ea ille et eius heredes quod vellent sicut ipsa cartula continebat, que scripta erat per Romoaldum notarium, in qua Petrus iudex subscriptus erat.

Source Fulltext: Codex Diplomaticus Cavensis, vol. 09, 196-198, Estratto da ALIM