+ ln nomine Domini. Vicesimo octabo anno principatus domni nostri Gisulfi gloriosi principis, mense iulio septima indictione. Ante me Siconem comitem et iudicem Rottel[gri]mus comes filius quondam Grimoaldi, qul postea monachus fuit, sicut ei congruum fuit, sua bolumtate per hanc cartula donavit Romoaldo notario filio quondam Iohannis notarii integram medietatem de terra bacua [que est in loco Fe]lecta. et est tota ipsa terra de qua ipsa medietate ei donavit per fines et mensuras iusto passu hominis mensuratas: a parte septemtrionis es[t finis terra] cum arboribus et vacuo ubi a la Pastina dicitur, quam preterito tempore Petrus germanus ipsius Rottelgrimi et Alfarana uxor eius filia Landolfi comitis benumdederunt suprascripto Romoaldo notario, sicut totum limitem et sepem iamdicte terre cum arboribus et bacuo discernit, et recte mensurati intra ipsam terram prope ipsam finem passus quinquaginta sex; a parte occidentis recte mensurati passus triginta duo; a parte meridiei est finis bia antica et recte mensurati intra ipsam terram prope eam passus biginti sex; a parte quasi orientis est finis ipsa via et per eam recte mensurati passus triginta, cum omnibus que intra ipsam medietatem sunt cunctisque eius pertinentiis et cum bice de ipsa via. ea ratione ut semper sit in potestate ips[ius] Romoaldi et heredum eius et liceat illum et eius heredes de ea facere quod boluerint. et propter confirmatione huius do[nationis ipse] Rottelgrimus suscepit ab ipso Romoaldo launegilt secundum Langobardorum regum edictum grosinam unam in omni deliberatione. reliquam vero medietatem de iamdicta terram bacua per suprascriptas fines et mensuras ipse Rottelgrimus dixit ipsi Romoaldo pertinere ab ipsis Petro et Alfarane germano et cognate sue. et per combenientiam ipse Rottelgrimus guadiam ipsi Romoaldo dedit et fideiussorem ei posuit Ursum filium cuiusdam Gecze et Sergi Atrianensis, et per ipsam guadiam obligavit se et suos heredes semper defendere ipsi Romoaldo et illius heredibus integrum illud quod ei ut suprascriptum est donavit ab omnibus hominibus. quod si suprascriptam donatione ipse Rottelgrimus et eius heredes ut suprascriptum est ipsi Romoaldo et illius heredibus minime defendere potuerint, tunc sicut in ipsam Langobardorum regum hedictum de dono et suscepto launegilt continet, ita ipse Rottelgrimus et eius heredes ipsi Romoaldo et illius heredibus adinpleant. et tribuit licentiam ut, quando ipse Romoaldus et eius heredes boluerint, potestatem habeant illud per se defendere qualiter boluerint cum omnibus muniminibus et rationibus quas de eo ostenderint. et si sicut superius scriptum est ipse Rottelgrimus et eius heredes ipsi Romoaldo et illius heredibus non adinpleverint et suprascriptam vel ex eis quicquam remobere aut contradicere presumpserint, per ipsam guadiam obligavit se et suos heredes componere ipsi Romoaldo et illius heredibus triginta auri solidos costantinatos et sicut superius scriptum est adinplere. verumtamen hoc memoramus quoniam et ipse Romoaldo pertinet abere alteram terram cum arbusto et bineam et bacuo in eodem loco ubi a la Pastina dicitur ab ipso Rottelgrimo et a Gemma uxore sua coniunctam cum suprascripta terra cum arboribus et bacuo, quam ipsi Petrus et Alfarana venumdederunt sicut suprascriptum est iamdicto Romoaldo notario per fines et mensuras sicut eius cartula continet. suprascripta fecit ipse Ursus per licentiam ipsius genitoris sui quam ei tribuit, ut dum ante meam presentiam benerit licentiam abeat facere quod voluerit. Et duas cartulas unius tenoris, hanc quam ipse Romoaldus retinet et alteram ipse Rottelgrimus te Iohannem notarium scribere precepi, memorans illud quod superius inter birgulos scriptum est et legitur comes. S. + Ego qui supra Sico comes et iudex.

Source Fulltext: Codex Diplomaticus Cavensis, vol. 09, 223-225, Estratto da ALIM