+ In nomine Domini. Anno ab incarnatione domini nostri Iesu Christi millesimo septuagesimo primo et vicesimo nono anno principatus domni nostri Gisulfi gloriosi principis, mense martio octaba indictione. Ante me Petrum iudicem Castelmannus comes filius quondam Adelferii comitis coniunctus est cum Elia filio quondam Iohannis Greci, et per convenientiam ipse Castelmannus tradidit ipsi Elie ad tenendum integram terram cum casa lignea solarata et aliquanto edificio fabricato, quam ei habere pertinet intra hanc Salernitanam civitatem prope ecclesiam Beati confessoris adque pontificis Maximi, de qua etiam ecclesia eidem Castelmanno portionem habere pertinet. et dixerunt totam ipsam terram esse per fines et mensuras iusto pede manus hominis mensuratas: a parte occidentis est finis anditum in quo stillicidium istius case fluit et pedes undecim et medium; a parte septemtrionis est finis via qua itur ad ipsam ecclesiam super quam mineaneum istius case factum est et per ipsam viam iuxta istam casam mensurati pedes decem et octo, et revolvit in partem meridiei iuxta ipsam viam in qua alterum stillicidium istius case fluit pedibus tribus et medio, et revolbit in partem orientis erga ipsam viam et per eam mensurati pedes septem et planta; a parte orientis finis ipsius Castelmanni et pedes septem; a parte meridiei est finis altera terra cum casa fabricata ipsius Castelmanni qualiter facie parieti fabricati ipsius altere case iamdicti Castelmanni discernit et mensurati pedes viginti octo usque suprascriptum anditum. iamdicta vero terra cum casa et edificio et cum iamdicto mineaneo super ipsam viam construnctum est et cum scala lignea in eadem via secus ipsam casam positam per iamdictas fines et mensuras qualiter prescriptum est et cum ipsis stillicidiis a foras ipsas mensuras ut dictum est fluentibus, ipse Castelmannus eidem Elie tradidit. ea ratione ut a kalendis octubrii mensis in antea usque completos annos viginti nobem ipse Elia et suos heredes integram suprascriptam traditionem teneant cum vice de ipsis via et andito, fobeas et omnes suas utilitates ibidem fac[ian]t qualiter voluerint iusta ratione, et ipsam casam et super ipsum edificium casam bonam solaratam concient et faciant bonam qualiter meruerit iusta ratione. et intro ipsum parietem iamdicte altere case suprascripti Castelmanni, si voluerint, ipse Elia et suos heredes iusta ratione rumpant et capora trabium in eum mittant et configant et habeant, et in summitate ipsius parietis ipse Elia et suos heredes fabricent et canalem bonum construant per quod legitime fluant aqua que de ipsa altera casa ipsius Castelmanni fluxerint et per ipsum canalem in eodem andito decurrant; et super ipsum parietem ipse Elia et suos heredes, si voluerint, potestatem habeant fabricare et elebando eum fabricando extollant in altum quantum voluerint, et in eo quod ut dictum est fabricaberit potestatem habeant ipse Elia et suos heredes capora trabium ponere et suas utilitates facere qualiter voluerint. et in altum super ipsam alteram casam suprascripti Castelmanni potestatem habeant, si voluerint, mineaneum facere et habere de latitudinem pedum trium et de longitudinem pedes viginti octo, ita ut per eum nullam causam in eadem altera casa cecidat; et si voluerint in eodem edificio iusta ratione rumpere et necessarii ibidem construant et per ipsi necessarii fluant sterquilinium in ipso edificio quod per ipsum Eliam et suos heredes et hominum quos voluerint iactatum fuerint, et ipsum mineaneum super ipsam viam conciare et ipsam scalam conciare aut mutare qualiter voluerint. et intro ipsam traditionem resideant et habitent si voluerint et aliis quibus voluerint illam vel ex ipsa ad residendum prebeant qualiter voluerint; et omne censum et tributum et quicquit ex ea ut dictum est usque completos ipsos annos tollere et habere potuerint totum illud ipse Elia et suos heredes sibi habeant, et nunc pro primo ex ipsis annis ipse Elia eidem Castelmanno prebuit quinque auri tarenos bonos; et a completo ipso primo anno in antea per omnem annum ipse Elia et suos heredes dent ipsi Castelmanno et eius heredibus censum pro ipsa traditione quinque auri tarenos bonos de presenti moneta. et per convenientiam ipse Elia guadiam ipsi Castelmanno dedit et fideiussorem ei posuit Iohannem filium quondam Maraldi qui fuit filius Guisenardi, et per ipsam guadiam obligavit se et suos heredes adimplere ipsi Castelmanno et eius heredibus omnia sicut suprascriptum est usque ipsos annos completos. completis vero omnibus ipsis annis, ipse Elia et suos heredes et homines ab eis ibidem missos licentiam habeant de ipsa traditione abstraere omnes res suas et medietatem de tota lignamina ipsius case et ducere illud ubi voluerint, et integram ipsam terram cum reliqua medietate de ipsa lignamina et cum integra edificia fabricata quod intra eam construncta sunt iusta ratione salba ipsi Castelmanno et eius heredibus remittant ad faciendum quod voluerint, ita ut tunc ipse Castelmannus et eius heredes medietatem de toto pretio quod [tunc] ipsa edificia que per eos ibidem construncta fuerint estimata eidem Elie et illius heredibus dent. et si sicut superius scriptum est ipse Elia et suos heredes ipsi Castelmanno et eius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Castelmanno et eius heredibus triginta auri solidos constantinatos et sicut superius scriptum est adimplere. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 254-257, Estratto da ALIM