+ In nomine Domini. Vicesimo octabo anno principatus domni nostri Gisulphi gloriosi principis, mense maio octaba indictione. Ante me Petrum iudicem Vivus vicecomes filius quondam Petri clarificavit se olim absque firma cartula optulisse in monasterio Sancte et individue Trinitatis, quod situm est foris hac civitate in loco Metiliano, cui domnus Leo venerabilis abbas preest, aliquantum de terra sua vacua de loco Veteri prope litus maris, in qua ipse domnus abbas cammaram fabricare fecit et maximam partem ex ipsa terra ei remansisse in qua cammaram antiquam fabricata est. et dixit tam ipsam oblatam terram quam illam residuam simul esse per fines et mensuras iusto passu hominis mensuratas: a parte orientis finis aliorum qualiter ascendit a mari longius in ipsa parte orientis; a meridiano angulo predicte camm[are nobe] passum unum, et vadit in partem septemtrionis usque fabrica antiqua que intra istam terram est in pede montis Lapidei; ab ipsa parte septemtrionis finis aliorum qualiter a tota ipsa f[abrica vadit in p]artem occidentis per fabricam antiquam depictam et per medium magnum lapidem usque occidentalem partem eiusdem lapidis; a parte occidentis finis aliorum sicut aliquantum media sepes disce[rnit] qualiter vadit recte usque litus maris; a parte meridiei finis ipso litus cum tranquillum et sine tempestate fuerit mare; et totam eandem terram dixit esse latitudinis a suptus et prope ipsa cammara noba passus viginti duo et medius. et sicut ipsi Vivo congruum fuit, bona sua voluntate, per hanc cartulam, pro salute sua et redemtione anime sue confirmavit et optulit in predicto monasterio integras ipsas terras per iamdictas fines et mensuras cum omnibus que intra eas sunt cunctisque suis pertinentiis et cum vice de via sua. ea ratione ut semper sint in potestate partium suprascripti monasterii et licentiam habeat pars ipsius monasterii de eis facere quod voluerit. et per convenientiam ipse Vivus guadiam dedit Iohanni monacho ipsius monasterii et fideiussorem ei posuit pro parte suprascripti monasterii Durandum filium quondam Gaidonis, et per ipsam guadiam ipse Vivus obligavit se et suos heredes sem[per] defendere parti ipsius monasterii integrum illud quod in eodem monasterio ut dictum est confirmavit et optulit ab omnibus hominibus; et tribuit licentiam ut, quando [pars ipsius m]onasterii voluerit, potestatem habeat illud per se defendere qualiter voluerit, cum omnibus muniminibus et rationibus quas de eo ostenderit. et si, sicut superius scriptum est, ipse Vivus et eius heredes non adimpleverint et suprascripta vel ex eis quicquam remobere aut contradicere presumpserint, per ipsam guadiam obligavit se et suos heredes componere parti ipsius monasterii centum auri solidos constantinatos et sicut suprascriptum est adimplere. Et taliter tibi Iohanni notario scribere precepi. S.

Source Fulltext: Codex Diplomaticus Cavensis, vol. 09, 267-268, Estratto da ALIM