+ In nomine Domini. Millesimo septuagesimo secundo anno ab incarnatione domini nostri Iesu Christi et vicesimo nono anno principatus domni nostri Gisulfi gloriosi principis, mense ianuario decima indictione. Ante me Petrum iudicem Iohannes Atrianensis filius quondam Sergii Atrianensis, qui dictus fuit Boccabitellu, coniunctus est cum Urso Atrianensi germano suo propter ad compreendendum inter se sortes de rebus foris anc Salernitanam civitatem, quam ipse Ursus illud dividit et fecit inde duas sortes: prima sors fecit esse integram terram cum vinea que dicitur Vinea Betrana de loco Locubia, et a parte occidentis est finis ipsa Locubia de quantum ibidem et coniunctum eis comune pertinet et per ipsa Locubia via ducit; ex oc fecit esse prima sors cum vice de ipsa via. secunda sors fecit esse integra terra cum vinea de ipso loco Locubia que dicitur Pastino, que est per finis et mensuriis iusto passu ominis mensuratis: a parte orientis est finis via; a parte septemtrionis et passus septuaginta; a parte occidentis est finis ribus Locubia, inde passus alios septuaginta; a parte meridiei et passus centum decem, et ab ipsa parte orientis per ipsa via et passus triginta; et adiunsit in ista sorte integras omnes res illorum quas illis comunes abunt in loco Pasciano: ex oc feci esse secunda sors cum vice de viis suis. et qualiter inter illos convenit, prius de ipse sortes ipse Iohannes compreensit ipsa secunda sors qualiter super facta est cum omnia intro eam abentibus omnibusque suis pertinentiis et cum muniminibus ex ipsa sorte continentibus; insuper et ipse Urso adiunsit ipsius Iohanni super ipsam sortem aureos tarenos triginta et duobus, ad faciendum exinde ipse Iohannes quod voluerint. et ipse Ursus compreensit ipsam primam sortem qualiter super facta est, cum omnia intro se abentibus omnibusque suis pertinentiis et cum vice de ipsa via et cum muniminibus ex ipsa prima sorte continentibus, ad faciendum exinde ipse Ursus et eius eredes quod voluerint, et ipse Iohannes et eius heredes faciant de suprascripta sorte quod superius compreensit quod voluerint. et per convenientiam ipse Ursus guadiam ipsi Iohanni dedit et fideiussorem ei posuit Landolfus Atrianensis filius quondam Constantini castaldei, et per ipsa guadia obligavit se ipse Ursus et eius eredes semper permanere cum ipsum Iohannes et cum eius eredes in suprascripta divisione et in omnia qualiter superius legitur; et si in suprascripta divisione et in omnia qualiter superius legitur ipse Ursus et eius eredes cum ipsum Iohannes et cum illius eredes [non per]manserint et suprascripta vel ex eis quicquam remobere aut contradicere presumserint, per ipsam guadiam ipse Ursus obligavit se et eius eredes componere ipsi Iohanni et eius eredes centum auri solidos constantinatos et suprascripta semper firmiter permaneret. et adiunsit in ipsam primam sortem partem ab occidente de terra in qua potechis sunt foris et propinquo anc civitate in loco Bosanola, que a parte occidentis est finis via et a parte orientis est finis medium parietem fabritum, qui discernit ab illud quod in ipsa secunda sorte adiungendum est, ad faciendum inde ipse Ursus et eius eredes quod voluerint; et adiunsit in ipsa secunda sorte partem illam a parte orientis de ipsa terra cum potechis de ipso locum Bosanola a medio ipso pariete fabritum qui discernit ab ipsa prima sorte in parte ipsa orientis usque ubi illis comune pertinet, cum vice de via sua ad faciendum exinde ipse Iohannes et eius eredes quod voluerint per suprascripta guadia et obligata pena. quod autem superius disturbatum est legitur aureos. Et taliter tibi Romoaldo notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 351-353, Estratto da ALIM