Cartula ... scripta per Iohannem notarium anno dominice incarnationis millesimo septuagesimo tertio et tricesimo primo anno principatus domni Gisulfi, mense ianuario undecima indictione. Qualiter ante Petrum iudicem Lupenus Atrianensis filius Mauri filii Sergii de Pantaleone coniunctus fuerat cum ipso Vivo tunc vicecomite, et ostenderat suprascripta prima cartula et alias cartulas de quibus in ipsa cartula declaratum est. que cum ostense fuerant, sicut eidem Lupeno congruum fuerat, per ipsam cartulam venumdederat ipsi vicecomiti suprascriptas terras et alias res quas ipsi Mauro genitori suo habere pertinuerat per ipsas cartulas quas ostenderat, cum omnibus que intra eas erant cunctisque suis pertinentiis et cum vice de viis suis et cum ipsis cartulis. ea ratione ut semper esset in potestate suprascripti Vivi et heredum eius, et ille et eius heredes licentiam haberent de eo facere quod vellent, sicut ipsa cartula continet, in qua ipse Petrus iudex subscriptus est.

Source Fulltext: Codex Diplomaticus Cavensis, vol. 10, 13-14, Estratto da ALIM