+ In nomine domini tricesimo secundo anno principatus domni nostri Guaimarii gloriosi principi et undecimo anno ducatus eius Amalfis et sirrenti, et octabo anno principatus et ipsorum ducatuum domni gisulfi eximii principi et ducis filii eius, mense februario, tertia indictione. Memoratorium factum a me petrus filius quondam landonis de loco nucerie, eo quod ante presentia domni iohanni egregi archipresuli sancte sedis archiepiscopatui salernitano, et ante idoneos homines, per iussionem ipsius domni archipresuli, per convenientia tradidit michi iaquintus subdiaconus una pecia de terra cum arbustis quam pars predicti archiepiscopii habet in eodem loco nucerie, ubi casolla dicitur, que est per fines et mensuras iusto passu hominis mensuratos. A parte meridie est fine via puplica que ducit inter has res et alias res ipsius archiepiscopii et passi triginta et cubitus unus, et de aliis tribus partibus est fine aliis rebus predicti archiepiscopii: a parte occidentis sunt passi sexaginta tres et medium: a parte septemtrionis sunt passi triginta unum; a parte orientis sunt passi sexaginta tres et medium. Tali hordine suprascriptam terram cum arbustis michi per convenientiam cum vice de ipsa via tradidit, ut amodo et semper ego et meos heredes, natos nascentes, suprascripta traditione nostre potestatis teneamus et dominemus, foveas et omnes nostras utilitates iusta rationem ibi faciamus. Et omne annum apto tempore tota ipsa traditione potemus, propaginemus ubi meruerit, infra illud arbores et vites de bono vitinio plantemus et surgamus, et sic illud omne annum apto tempore de super et de supter laboremus et cultemus, ut in melius proficiat et non depereat, et semper bonum pareat laboratum, et cultatum, et operatum, et surtum; et unde meruerit, illud cludamus, et semper illud clusum habeamus. Et amodo et semper omne annum apto tempore per tempore de vindemie faciamus scire partem predicti archiepiscopii, ut illuc dirigat missum, et nos tota ipsa vindemia ante eum rationabiliter vindemiemus, et ad palmentum ibique ipsum vinum procuremus, et per medietatem illud dividamus: ad missum de partem predicti demus inde per omne annum inclitam medietatem, et nobis habeamus medietatem. Assignet nobis partem predicti archiepiscopii organeum da vinum ad cellarium, quod habet ad ecclesiam sancte semperque virginis dei genitricis marie plebem de ipso loco, et nos ipsum organeum omne annum apto tempore conciemus et studiemus bonum, sicut meruerit, et reponamus illum intus ipsum cellarium et ipsa parte illius de ipso vino per annum salvum illud ibi portemus et salvum illud mittamus intus ipsum organeum. Et de quod amodo et semper in ipsa traditione seminaberimus, demus inde per omne annum ad partem predicti archiepiscopii terraticum, secundum consuetudo ipsius loci, poma et quicquid alium frudium ibi habuerit. per tempore illud salvum faciamus, et inclitam medietatem exinde demus ad partem predicti archiepiscopii, et medietatem nobis habeamus. Missum de partem predicti archiepiscopii, dum per tempore pro ipsa frugia recipiendum ibi steterint, nos eum nutriamus, secundum nostram possibilitatem, et palmentateca omne annum per ipse vindemie ei demus, sicut est consuetudo. Et quando partem predicti archiepiscopii voluerit requirere ipsa traditione, si sic esset laborata, et surta, et operata, sicut supra legitur, potestatem habeat, et ego et meos heredes inde ei rationem reddamus, sicut decet. Et per convenientiam ipse iaquintus per iussionem ipsius domni archipresuli guadiam michi dedit et fideiussorem michi posuit landonem filium quondam petri clerici, et per ipsam guadiam ipse domnus archipresul obligavit se et suos successores et partem predicti archiepiscopii, amodo et semper defendere michi meique heredibus integram suprascriptam traditionem cum vice de ipsa via ab omnibus hominibus, et non illut nobis tollere querat. Tantum, quale tempore ipsa traditione tenere et laborare noluerimus, tunc tota laborata, surta, operata bona, unde meruerit, clusa ad partem predicti archiepiscopii remittamus potestatem, et liceat nos inde exire cum omnibus nostris causis. Et si, sicut superius scriptum est, ipse domnus archipresul et suos successores et partem predicti archiepiscopii, michi meique heredibus non adimpleverint, et suprascripta vel ex eis quicquam removere aut contradicere presumpserint, per ipsam guadiam ipse domnus archipresul obligavit se et suos successores, et pars predicti archiepiscopii, componere michi meique heredibus viginti auri solidos constantinos. quod scripsi ego romoaldus notarius. + Ego marinus clericus et primicerius + Ego amatus presbiter et cardinalis + Ego iohannes presbiter et cardinalis.

Source Fulltext: Codex Diplomaticus Cavensis, vol. CDC.007, -, Estratto da ALIM