+ In nomine domini tricesimo secundo anno principatus domni nostri Guaimarii principis, et undecimo anno ducatus eius amalfi et sirrenti, et octabo anno principatus et ipsorum ducatuum domni Gisulfi eximii principis et ducis filii eius, mense martio, tertia indictione. Memoratorium factum a me Alfanus filius quondam ademarii comiti et iudicis, pro vice mea et pro vice Alfani filii quondam guaimarii, et pro vice Alfani et petri filii quondam adelberti, ante presentia Iohannis Iudicis et alios idoneos homines, per combenientia tradidi iohanni clerico filio leonis ecclesia bocabulum sancti mathei apostoli, quod constructum est intra hanc cibitatem in orto magno a super platea, que pergit ad portam que dicta est elini cum casis et omnibus pertinentiis ipsius ecclesie, et cum omnibus rebus stavilibus et movilibus ipsi ecclesie pertinentibus. Et de ipsa ecclesia et de ipsis casis, et de omnibus eius pertinentiis, et de omnibus rebus stavilibus et movilibus ipsi ecclesie pertinentibus pertinente michi inclitam medietatem, de reliqua medietate ipsi alfano filio guaimarii pertinente medietatem, et ipsi Alfano et petro pertinente alia medietate. Ideo ipsa ecclesia cum ipsis casis et omnibus eius pertinentibus et cum omnibus rebus stabilibus et movilibus ipsi ecclesie pertinentibus ego pro vice mea et pro vice ipsorum filii guaimarii et filii adelberti, sicut supra legitur, eidem iohanni tradidit. Tali ordine, ut ab obito iohanni presbiteri, qui nunc abbas in ipsa ecclesia est, in antea usque dum vibus fuerit, ipse iohannes clericus suprascripta traditione sue potestatis tenere et dominare, foveas et omnis suas utilitates iuxta rationem ibi faciant, et in ipsa ecclesia officiet et officiare faciat, sicut decet ecclesia que similis est de illa, et eam illuminet et illuminare faciat diebus et noctibus, sicut meruerit. Et ipsis rebus per annum apto tempore laboret et laborare faciat, sicut meruerit, quatenus in melius proficiat et non depereat, et semper bonum pareat laboratum, et cultatum, et operatum. Et in ipsa ecclesia omni tempore habeat inter clericos et presbiteros octo, qualis ibidem meruerit, et det eis beneficium, sicut iustum fuerit, et illis officient in ipsa ecclesia sicut meruerit. Et cum ipsa traditione evenerit ad suam potestatem in iamdicta ratione ab inde in antea usque decem anni completi, faciat fabricare inclitam casam ipsius ecclesie in qua modo ipse abbas residet, bona iuxta ratione ad calce et petre et pumice seu arenam in unum astracum, quale meruerit, et de super illam cooperiat bona cum scindolis et alia lignamina sicut meruerit, et ibidem resideat et abitet, et suas utilitates in ea iusta ratione faciat. Et si, quod absit, ego vel ex meis heredibus aut ipsi filii guaimarii et filii adelberti, vel ex eorum heredibus infirmaberimus, aut infirmaverint, ipse iohannes clericus faciat nos vel illis visitare, sicut decet infirmum. Et si aliquis ex me vel ex illis, vel meis et illorum heredibus defunctus fuerit, et voluerimus et voluerint, ipse iohannes veniant ad domum de illo qui ovierit cum illis clericis seu presbiteris, et faciant eis officium, sicut meruerit, et portemus et portent illum ad ipsam ecclesiam, et mittant illum inctus ipsa ecclesia, et officium pro eo faciant, sicut decet; et a foras ipsa ecclesia eum sepeliamus et sepelient, absque datione. Et si de hominibus nostris vel illorum obierint, similiter ad ipsam domum, si voluerimus et voluerint, veniant sicut meruerit, et ad ipsam ecclesiam illum portemus et portent, qualiter voluerimus et voluerint, et faciant ei officium, sicut meruerit, et a foras ipsa ecclesia eum sepelire faciamus et faciant absque datione. Et similiter faciat fabricare atrium ante ipsam ecclesiam ab ipsa defunctione ipsius abbati usque ipsi decem anni completi bonum, qualem meruerit, ad calce, et petre, et pumice seu arena, et illum cooperiat, sicut meruerit. Et quicquid fructus ex ipsis rebus exierit et prodem tollere potuerit et que dationem et sepultura in ipsa ecclesia intraberit, totum illut sivi abeat, faciendum de eo quod voluerit. Tantum si intraverit in ipsam ecclesiam animalia viva, aut talem causam que ad ornamentum de ipsa ecclesia pertineat, semper sit de ipsa ecclesia, et ille illud teneat et regat et iusta ratione salvum faciat. Similiter et tota mobilia pertinente ipsius ecclesie salva faciat, sicut meruerit iusta rationem, et quando necessum fuerit, ipsa ecclesia cooperire faciat, qualiter meruerit, et a quo ipsam casam et ipsum atrium factum fuerit, dum vibus fuerit, quando necesse fuerit, illud cooperire faciat sicut meruerit. ad obitum suum inclita suprascripta traditione iusta ratione salva, et ipsa rebus surta, operata, sicut meruerit, et ipsa ecclesia, et casa, et atrio totum copertum, qualem meruerit. cum quanto alio deo iubante ibi accreberit iusta ratione, salva totum sit in potestate mea et ipsorum filii guaimarii, et adelberti, et de meis et illorum heredibus, qualiter michi et illorum, sicut supra scriptum est, pertinet. Et liceat heredes ipsius iohanni inde tollere omnibus eius causis et faceret de eis, quod voluerint, et pro censo de suprascripta traditione, ab ipsa defuntione ipsius abbati, usque dum ipse iohannes vixerit, per omne annum in pasca resurrectionis domini, et in nativitas domini, et in ipsa festivitate sancti mathei per unamquamque de ipsis festivitatibus dirigat michi meique heredibus dua paria de oblate, et ipsi filii guaimario et illus heredibus dirigat per omnem annum per unamquamque de ipsis festivitatibus unum parium de oblate. et ipsis filii adelberti et illorum heredibus dirigat per omne annum per unamquamque de ipsis festivitatibus unum parium de oblate. Et per convenientia ipse iohannes clericus per absolutionem ipsius genitoris sui et eo presente, per quam omnia que in ac carta scripta et scribenda sunt, fecit guadiam michi pro parte mea et ipsorum filii adelberti et guaimario dedit, et fideiussorem michi pro mea et illorum parte posuit sergium filium quondam Iohannis. Et per ipsam guadiam obligavit se adimplere michi meique heredibus, et ipsorum filii adelberti et guaimarii et illorum heredibus, ab ipsa defuntione ipsius Abbatis, usque dum vibus fuerit in suprascripta ratione omnia, qualiter superius legitur. Verumtamen et in suprascriptam casam quam fabricare debent, sicut supra legitur, a super ipsum astracum faceret fabricare parietes per circoitum, sicut meruerit in altum iusta ratione, et cooperiat illud cum scindolis et alia lignamina, sicut supra legitur, et per omne annum in pasca resurrectionis domini dirigat ipse iohannes clericus presbiter ad domum meam et de meis heredibus, et ad domos ipsorum filii adelberti et guaimarii et de illorum heredibus, sicut iustum fuerit, cum cereis, crucibus, qualiter meruerit, et ponant illas per ipsis domibus nostris et illorum. Et si, sicut superius scriptum est, ipse Iohannes clericus michi et ipsis filii adelberti et guaimarii, et meis et illorum heredibus non adimpleverit, et suprascripta vel ex eis quicquam removere aut contradicere presumpserit, per ipsam guadiam obligavit se componere michi et ipsorum filii adelberti et guaimarii, et mei et illorum heredibus trecentos Auri solidos constantinianos. Et taliter te ademarium notarium scrivere rogavi. + Ego qui supra iohannes iudex + Ego ademari notarius me subscripsi + Ego romoaldus notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM