+ In nomine domini octabo decimo anno principatus domni nostri guaimari gloriosi principis, mense ianuarius, quinta indictione. memoratorium factu a me maio presbiter et abbas ecclesie sancti maximi, eo quod ante subscripti testes, una mecum adesset romoaldus et petrus comitibus, qui sunt de dominii et adbocatori de ipsa ecclesia, coniuntus sunt cum petrus, et iohannes, et ursus, et amatus germani filii garofali, et cicerus qui sunt congnati, et maraldus et ferrandus germani filii adelgardi, et iohannes filius sellicti, et boso filius iohannis, ipse iohannes filius sellicti pro bice sua et pro bice de germani sui et ipse maraldus filius adelgardi pro bice sua et de iohannes nepote suo filio mirandi propter quod inter se associatam abunt rebus, qui est arbustum et abellanietum de locum, ut proprio trocclati et intenza dicitur finibus rotensis, quod ante os annos ipse garofalus genitor ipsorum germani per brebem ad pastenandum compreensum abuit, et inter se rebus ipsa associaberunt, una socia in pars meridie et alia in pars septemtrionis; unde ipsi nominati maraldus et ferrandus filius adelgardi, et iohannes filius sellicti, et boso filius iohannis compreensam et tultam abunt ipsa socia da meridie, qui aduc non est operatum ipso arbustum, et ipsi alii compreensam abunt ipsa socia da pars septemtrionis, et pro qua operatum non est ipso arbustum qui est in ipsa socia da meridie; nos autem causabimus cum illis de ipsa socia qui est a pars meridie de ipso arbustum, qui adhuc operatum et surtum non est, et per lex cecidere debunt exinde ipsi filii garofali; et illis ostederunt ipso brebem pastenationis, et nos ipso brebem nostrum continentem, qualiter ipse garofalus ad pastenandum compreensum abuit ipsa rebus per finis et mensurie, sicut ipsi brebri continunt. et cum fuerunt ipsi brebri relecti, bolumtarie nostre una cum ipsi domini ipsius ecclesie donabimus illorum exinde omnis calumnie, et nos una cum ipsi comitibus tradidimus illorum tota et inclita ipsa rebus, quem ipsi brebri continunt, in eo ordine, ut illis et suis eredibus operarent et surgerent, sicut meruerit, totum ipso arbustum, que aduc ad surgere est in ipsa socia da meridie, et de quantum binum inde exierit, amodo et usque duos annos completos, faciant scire nos vel pars ipsius ecclesie, ut ibidem dirigamus missum nostrum, et ipso binum que exierit de ipsa socia da meridie, per medium illut inter se dibiderent: missum ipsius ecclesie ibidem ad palmentum tollad ipso binum et ipsa poma medietatem, et illis medietatem; et ipso alio binum et poma que exierit, et ipse abellane de totum ipso aliut arbustum dibidant cum missum ipsius ecclesie, sicuti per partes ipse socie tenunt, in tertiam partem: missum ipsius ecclesie tollat inde tertiam partem, et illis due sortis in illo ordine que ipse garofalus per ipso brebem tenere debuit, ad completi ipsi duos annos illis et suis eredibus abeant operatum et surtum ipso arbustum de ipsa socia da meridie, sicut locus ipse meruerit, ut bene paread factum, operatum, et laboratum et surtum; et iam in antea omni tempore illis et suis eredibus inclita ipsa rebus tenerent et laborarent in omni ordine et ratio, sicut continet ipso brebem pastenationis da ipsum garofalus; et de quod amodo et semper in tota ipsa rebus annualiter seminaberint, deant exinde in pars ipsius ecclesie annualiter terraticum secundum consuetudinem de ipso locum, et ego et meos successores et pars ipsius ecclesie illorum et ad eorum eredes adinplere debeamus, sicuti adinplere debuit ipsius garofali et ad eius eredes per ipso eius brebem; et illis pro taliter bolumtarie sue obligaberunt se et suis eredibus, ut omnia nobis vel in pars ipsius ecclesie similiter adinplere, sicuti ipse garofalus et eius eredes obligatus fuit per ipso nostrum brebem in partibus ipsius ecclesie, et per omnis annum per bindemie deant illis et suis eredibus ibidem ad missum ipsius ecclesie, sicut meruerit, palmentateca. unde de omnia suprascripta illis et suis eredibus in pars ipsius ecclesie adinplendum in omnes suprascripti guadia nobis dederunt, et mediatorem nobis posuerunt ipsum maraldus filius adelgardi pro se et pro ipsi germani sui, et ipsi alii mediatorem posuerunt domnandus filius quondam alfani de ipso locum muntoru qui est genero ballense; et per ipsa guadia obligaberunt se et suis eredibus, ut si omnia suprascripta per supradicto ordine nobis vel in pars ipsius ecclesie non adinpleberit, et aliquit exinde remobere aut contrare quesierit, tunc per ipsa guadia obligaberunt se suosque eredes ad componendum nobis vel in pars ipsius ecclesie quinquaginta auri solidos constantinos; tamen ipsa medietate quod ipsi duos annos de ipso binum in pars ipsius ecclesie ebenire debet, portarent illis ipso binum ad casa de ipsa eredes garofali, ubi positum fuit ipso alium binum, et da inde in antea omni tempore illis et suis eredibus in pars ipsius ecclesie sic adimplerent, sicut continet ipso brebem que abemus a parte ipsius garofali, per supradicta guadia et obligata pena, et hunc brebem scripsi ego ademari notarius qui interfui. + ego grimoaldus notarius me subscripsi + ego iaquintus.

Source Fulltext: Codex Diplomaticus Cavensis, vol. CDC.004, -, Estratto da ALIM