+ In nomine domini nono decimo anno principatus domni nostri guaimari gloriosi principis, mense iunius, quinta indictione. memoratorium factu a me maio presbiter et abbas ecclesie sancti maximi, eo quod ante subscripti testes per bona combenientia, una mecum adesset romoaldus, qui est adbocator et unum de dominii ipsius ecclesie, tradidimus iohanni et grimoaldi germani filii quondam stefani una clusuria de terra cum arbusto et bacuum uno teniente, quod pars ipsius ecclesie abet in locum angre, ubi ad casamabile dicitur, per ec finis et mensuriis: a pars orientis fine bia, est inde longitudo passos nonaginta sex: a pars meridie fine bia puplica, sunt inde passi centum octo: a pars occidentis quomodo limite discernit, sunt per ipso limite longitudo passos sexaginta octo: rebolbente et exiente da inde usque in fine de eredes domni radelghisi, sunt per ipsa rebolta latitudo passos nonaginta quadtuor: a pars occidentis per ipsa fine de eredes predicti domni radelghisi usque in palude pertinentem ipsius ecclesie, sunt per ipsa fine longitudo passos octoaginta quadtuor: a pars septemtrionalis quomodo ipsa palude de ipsius ecclesie discernit, super per ipsa fine latitudo passos centum septuaginta quadtuor, et exiente in ipsa bia qui est priore fine; ec vero supradicta rebus ad iusto passum omini mensuratum totum et inclitum illut eorum ad pastenandum et laborandum tradidimus. unde pro taliter guadia nobis ipsi germani dederunt et mediatores nobis posuerunt se ipsis, tali ordine, ut amodo et usque sidecim anni completi licead illis et suis eredibus et omines, quem ibidem miserint, tota supradicta nostra tradictione per supradicte finis et mensurie sue potestatis tenere et dominare, et de quantum est ipso bacibum, totum illut pastenarent arbustum, sicut meruerit de bono bitineo, et ubi meruerit, illut propaginarent infra totum ipso arbustum, et arbores et bites plantarent, et totum ipso arbustum temporibus suis laborent et cultarent de super et de subter, sicut locus ipse meruerit, quatenus proficiad et non disperead, et quando meruerit per tempore, totum ipso arbustum bindemiarent, et faciant annualiter illis scirent pars ipsius ecclesie, ut ibidem dirigamus missum nostrum, et totum ipso binum ibidem ad palmentum et omnis poma exinde per medium illut inter se dibiderent: missum predicte ecclesie tollad illut medietatem, et ipsi germani medietatem; tamen de quantum binum et frugens exierit de illut quod pastenaberint amodo et usque octo anni completi, totum illut sibi aberent et nullam sortionem in pars ipsius ecclesie exinde deant; ad completi ipsi octo anni illis et suis eredibus abeant in totum ipso bacibum arbustum bonum factum, operatum et surtum, sicut decet de tantos annos, et da inde in antea usque ipsi sidecim anni completi illut tenerent, et abtis temporibus illut laborarent et cultarent, sicut locus ipse meruerit, et totum ipso binum ibidem ad palmentum cum ipsum missum ipsius ecclesie per medium illut inter se dibiderent, sicut et ipso aliut de ipso arbustum, et licead illis et suis eredibus usque ipso constitutum in ipsa rebus residere et abitare, et ipsa rebus, ubi meruerit, clusam aberent, et per tempore pars ipsius ecclesie adsignarent eorum organea da binum ad cellarium ipsius ecclesie de illuc ubi dicitur ad ipsi pariti, et illis organea ipsa per tempore, sicut meruerit, conciarent et studiarent, et totum ipso binum sortionem ipsius ecclesie ad ipso cellarium per bindemie portemus, et ipso binum in ipsa organea quem illis conciaberint, mitterent; et, dum ibidem pro ipse bindemie steterint ipsum missum predicte ecclesie, aut pro ipse aire, illis eum notrirent secundum suam possibilitatem, et ipsa palmentateca ad ipsum missum ipsius ecclesie darent, sicut meruerit; et de quod in tota ipsa rebus seminaberint, deant illis exinde in pars ipsius ecclesie annualiter ibidem terraticum secundum consuetudinem de ipso locum; ad completi ipsi sidecim anni licead illis et suis eredibus inde exire cum omnis sua causa que ibidem abuerint, et pergere cum illo ubi boluerint, et inclita ipsa rebus laborata et cultata et, ubi meruerit, clusa remitterent ad potestate ipsius ecclesie; et si taliter etc. Statuta multa quinquaginta solidorum auri constantinianorum pro pactis non servatis. et hunc brebem scripsi ego ademari notarius qui interfui. + Ego iaquintus + Ego grimoaldus notarius me subscripsi.

Source Fulltext: Codex Diplomaticus Cavensis, vol. CDC.004, -, Estratto da ALIM