+ In nomine domini tricesimo tertio anno principatus domni nostri Guaimarii, Et tertio anno principatus domni guaimarii eius filio, gloriosi principibus, mense ………… Memoratorium factu a nobis iohannes filius maraldi et petrus filius petri, qui sumus abitantes in finibus ………….. ante presentia domni maioni venerabili presbiteri et abbati ecclesie sancti maximi et aliorumque ydoneis hominibus, ibidem ………. per iussionem et largietatem ipsius domni abbati et pro pars ipsius ecclesie tradidit nobis leo clericus eundem ecclesie una pecia de terra cum arbustum vitatum et aliquantulum vacibum, totum uno tenientem pertinentem ipsius ecclesie, que esse videtur in ipsa fines rotense, ubi proprio ad pubbliciano dicitur, abentem as fines et mensuras: de suptano latere quasi ab oriente fine bia, incipiente a termine qui fictum est inter hec rebus et terra cum castanietum pertinentem ecclesia sancte marie plebem de ipso locum rota, et abiente per ipsa bia sunt inde per mensuria passi octuaginta quinque et cubitum unum. Et quasi a parte occidentis fine ipsius ecclesie, sicut termiti et media sepe discernit, et sicut coniungit in alia bia suprana, que ducit inter istut et alia rebus ipsius ecclesie, sunt inde passos septuaginta quadtuor iusta ipsa sepe mensuratum, et per ipsa via suprana mensurati passi triginta octo, qualiter ducit ista bia in parte orientis, et ab ipsi triginta octo passi, lassante ipsa bia et pergente per fine ipsius ecclesie sancte marie, sicut media sepe et termiti discernunt, sunt inde passos quinquaginta unum et palmum unum, sicut coniungit ad ipsa bia da parte orientis priore finem, totum mensuratum ad iusto passum hominis. per istas fines et mensuras inclitum illut nobis tradidit cum vice de bia sua, tali hordine, ut amodo et semper ad nostram et de nostrorum eredes, natos nascentes, sit potestatem illut tenendum et dominandum, et fobee et omnis nostre hutilitatis ibidem facere iusta rationem; et si voluerimus, redita ibi faceremus, et nos vel ex nobis semper ibi residere et abitarem; sic tamen, ut ego iohannes et meos heredes tenead de ipsa traditionem inclita medietate, et nos petrus et nostros eredes medietatem, et tota ipsa curte de terra cum arbustum per iamdictas fines et mensuras annualiter apto tempore lavoraremus, et, ubi minus abuerit, arbores et vites planctaremus de bono vitinio; et si poma ibi pastenare voluerimus, potestatem haberemus, et totum illut surgere, et studiare, et lavorare totum ipso arbustum, sic de super et de suptus, ut semper in melius proficiad et non disperead, et bonum paread laboratum et studiatum, et circoitum semper illut clusum habeamus, et, sicut locus ipse meruerit, ita omnia inde faciamus, et ipsi arboribus et vites quod amodo in antea ibi pastenaberimus per illut, ubi meruerit, sic illut studiemus, ut amodo et usque sex anni conpleti surtum et cultatum siant perfectum, sicut de tantos annos locus ipse meruerit, ut bonum paread lavoratum et cultatum; et annualiter per tempore de vindemie scire faciamus ipsum leo clericus, vel pars ipsius ecclesie, ut ibidem veniant aut dirigant missum suum, et nos totum ipso arbustum de ipsa traditione annualiter apto tempore bindemiemus, et vinum ipsum ad palmentum procuremus, et poma omnes et fruges suis temporibus colligamus, et de omnis vinum et poma, seu fruges quam inde exierit, tollad illis medietatem, et nos medietatem, et ipsa medietate eorum de ipso vinum nos reponamus ibique in ipso locum in domus nostra in organea illorum, que illuc nobis dederint qui per nos sint bonum conciatum et studiatum, et faciamus ipso vinum illorum salbum, donec illut inde tollad absque degeneratione et ignem; et, dum pro ipsa vindemia ibi steterint illis, nos eos notrire debeamus secundum nostram possivilitatem; de quod autem per annum ibi seminaberimus, terraticum inde demus ipsius leoni clerici, vel ad missum eius, aut in pars ipsius ecclesie ibique ad area secundum consuetudo ipsius locis, et totum ipso aliut nobis abeamus. Simulque et tradidit nobis nominati iohanni et petri ipse leo clericus, qui rebus ista in beneficium retinet, quanta rebus abet ibique pars ipsius ecclesie da ipsa bia suprana in pars septemtrionis, qui est bacibum et quertietum, ut amodo et usque quadtuor anni conpleti nos et nostris heredibus annualiter illut laboremus et seminemus, et que frudium inde exierit, totum illut nobis abeamus; tantum terraticum inde ibique ipsius leoni, vel in pars ipsius ecclesie inde demus secundum consuetudo ipsius locis, et post conpleti ipsi quadtuor anni ipso bacibum cum ipso quercietum rebertad in partibus ipsius ecclesie: preter ipsa curte cum arbustis semper teneamus, sicut prelegitur, in iamdicto ordinem. unde per conbenientiam per iussionem et largietatem ipsius abbati guadia nobis ipse leo clericus dedit et mediatorem nobis posuit maghenolfus presbiter filius granati; et per ipsa guadia obligavit se ipse abbas suique successoribus et pars ipsius ecclesie amodo et semper defensandum nobis nostrisque eredibus, natos nascentes, tota ipsa curte de terra cum arbustum per iamdictas fines et mensuras, cum bice de bia sua, da omnis homines omnique partibus, et illut extra ipsa curte, quod diximus, defensare nobis usque ipsi quadtuor anni conpleti; et quale tempore curte ipsa iamdicta ratione tenere et lavorare noluerimus, aut non potuerimus, Tunc inclitam ipsa curte arbustata, et studiata, et cultata bona remittamus in pars ipsius ecclesie, et licead nos inde exire cum omnia nostra causa mobilia et pergamus, ubi voluerimus; et si taliter omnia suprascripta nobis non adimpleberint et aliquit inde contradixerint, per ipsa guadia componere obligavit se ipse abbas suique successoribus, et pars ipsius ecclesie, nobis nominati iohanni et petri, quam et ad nostris eredibus, biginti auri solidi constantini. Verumtamen hoc memoramus, ut palmentatica demus in pars ipsius ecclesie per annum, donec rebus ipsa tenuerimus, sicut iustum est; et quando rebocaberit glandes ipso quertietum, nos illas colligamus, et medietatem ibique in pars ipsius ecclesie demus, et reliqua medietate exinde nobis abeamus; et quale tempore ipsa curte cum arbustis ammiserimus in pars ipsius ecclesie, bona clusa circoitum illam ammittamus, et retdamus in pars ipsius ecclesie nos vel nostris eredibus organea, que nobis data abuerint pro recipiendum sortione illorum de ipso vinum; quam et oc recolimus, quia ipsa rebus, qui est bacuum et quertietum quod nobis tradidit una cum mirandus notarius advocator ipsius ecclesie, vadit usque media serra et vocatur ibi ad munticellum. Quod scripsi ego predictus myrandus notarius. + Ego qui supra maio presbiter et abbas + Ego petrus notarius me subscripsi + Ego petrus presbiter et primicerius + Ego Amore presbiter.

Source Fulltext: Codex Diplomaticus Cavensis, vol. CDC.005, -, Estratto da ALIM