Maximiliaen bijder gracie Gods Roemsche conijnck altijts vermeerder srijcx, van Hon- gerie, van Dalmacie, van Croacie <fcc, ende Phs. bijder zeluer gracie ertshertogen van Oistrijck, hertogen van Bourgoingnen, van Lothr, van Brabant, van Lemborch, van Luccmborch ende van Ghelre, grauen van Vlaendren, van Tyrol, van Artois, van Bourgoingnen, palatinen, van Henegauwe, van Holland, van Zeeland, van Namen ende van Zutphen, mercgrauen des heylichs srijcks, heeren van Vriesland, van Salins ende van Mechelen— onzen besonder lieue ende ghelrauwen, die cancelier ende luyden van onsen grooten rade, cancelier ende luyden van onsen rade jn Brabant, stadhelder ende luyden van onsen rade bij ons geordonneert jn ons. landen van Ghelre ende Zutphen, president ende luyden van ons. camer vanden rade jn Vlaendren, stedehouder ende luy den van ons. rade jn Holland, rentmeesters van bcwest ende beoisterschelt jn Zeeland ende allen anderen onsen rechteren, justicieren, officieren ende amptluyden, dient anghaen oft anroeren sal mogen, oft hueren stedchouderen — saluyt ende dilectie. Alzoe die burgeimeesteren, scepenen ende andere luyden vanden gerechte der stadt van Vtrecht, voir hem zeluen ende voir alle die borgeren, jngesetenen ende ondersaten der zeluer stadt ende des gestichs van Vtrecht voirscr., ons hebben doen verthoenen ende te kennen geuen, hoe om sekcr geschil ende onwille wesende tusschen ons. lieuen ende getrauwen neue die heere van Yssclstain, Floris van Ysselstain zijn zone, hueren adherenten ende toestenderen, ter eender zijde, ende den zeluen thoenderen, ter andere, wij bij anderen onsen openen brieuen jn voirme van placcate hebben doen dachuaerden die voirs. par- tien te commen ende te compareren voir den persoen van ons ertshertoge ende die luyden van ons. grooten rade opten XVen dach vander maent van Julio eertstcommende, om huerlieder voirs. geschil, gehoirt hem daervan, te vereenegen ende te appointieren bij vriendelicken middel oft anders, alst behoiren sal; ende want die voirs. thoenderen ende andere jnwonende ende jngeseteu der voirs. stadt ende stichs van Vtrecht hangende den voirs. tijdt niet en zouden durren ghacn noch verkeeren jn onsen landen ende heer- licheden, vyt duchte bijden voirs. heere van Ysselstain ende zijne toestaenderen angetast of becommert te wesen, alzoe zij zegghen; zij hebben ons oitmoedclicken gebeden hem te willen verleenen onse brieuen van gheleydc ende veylicheit jn behoirlicker voirmen: soe eist, dat wij, genegen wesende ter bede ende verzoucke vanden voirs. thoenderen, den zeluen thoenderen, mitgaders allen den borgeren, jngeseten ende ondersaten der stadt ende gestichs van Vtrecht voirscr., van wat state ofte condicie zij zijn, hebben gegonnen, gegeuen ende verleent, gonnen, geuen ende verleenen bij desen ons. brieue, goedt, vast ende duechdelick geleyde ende veylicheyt geduerende tot den eersten daghe van Ougst

naestcommende, ende daer naer van onwaerden, om binnen der zeluer tijdt te moghen ghaen, komen, wesen, conuerseren ende hlijuen, bij dage ende bij nachte, tepeerdeende te Toet, te water ende te lande, mit oft zonder huere waren, coopmanscepen ende an dere goeden, hoedanich die wesen moghen, jn ende doer alle onse landen, heerlicheden ende steden van ons. geoirsaemheyt, vry, veylich ende ombelet, sonder dat zij oft yemend huerer bijden voirs. heere van Ysselstain, zijn voirs. zone, adherenten ende toestenderen, oft yemend anders, om saken roerende ende spruytende vyten geschillen wesendc tus- scheu hemlieden, oft andersins, gevangen, gelet, angetast of becommert zullen mogen wesen jn lijue noch jn goeden jn eenegherwijs; behouden datmen de zeluc thoenderen sal mogen antasten ende veruolgen bij justicien om huere eyghen sculden ende andere saken, daer zij of eenich van hem zouden mogen jnne mesbruycken, den voirs. tijdt gheduerende. Ontbieden v daerom ende beuelen, ende eenen yegelicken van v bijson der, alzoe hem toebehoiren sal, dat ghij die voirn. thoenderen, mitgaders alle die voirs. borgeren, jngeseten ende ondersaten der voirs. stadt ende gestichs van Vtrecht, ende elcken bijsonder, doet, laet ende gedoocht van desen onsen geleyde ende veylicheit, duerende den tijdt ende jnder voirmen ende manieren bouen verclaert, rustelick, vrede- lick ende volcommelick genyeten ende gebruycken, sonder hem te doen oft te laten geschien eenich hinder, letsel oft moyenesse ter contrarien, jn lijue noch jn goeden jn eeneger manieren, wanttet ons alzoe belieft. Ende wantmcn van desen ons. brieue te doen sal mogen hebben jn vele ende diuerschen steden ende plecken, wij willen, dat an tvidimus van dien, gemaect onder zeghel autentijck ofte copie gecollacionneert ende geteyckent bij een van ons. secretarissen, geloeue gegeuen zij ende van waerden gehouden worden, gelijck desen originalcn brief.

Gegeuen jn onse stadt van Mechelen, den derden dach jn Junio jnt jaer onsheeren duust CCCC een ende tneghentich, ende vanden rijcken van ons conijnck, te weten van den Roemschen, tzeste, ende vanden voirscr. van Hongerien «fee, teerste.

Onder stond: Bijden conijnck. Bij die grauc van Nassou, eerste camerlinc des conijncx, die heere van Beuren, die heere van Walham, eerste camerlinc mijns heeren des ertshertogen, die prost van Tricht ende andre vanden rade jegewoirdich.

(Get.) Numan.

Naar het origineel, voorzien met een groot zegel, in rood was, en voorhanden in het arehief der stad Utrecht.