Kaerle, bijder gracie Goids coninck van Castillien, van Leon, van Grenaden, van Arragon, van Nauare, van beyden Cecillien, van Jhrlm, van Valence, van Maiorgue, van Sardene, van Corsice <fec, eertshertoge van Oistenrijc, hertoge van Bourgoingnen, van Loihr, van Brabant, van Stier, van Carinte, van Carniole, van Lembourg, van Luxembourg ende van Gclre, graue van Vlaendren, van Habsbourg, van Tirol, van Artois, van Bourgoingnen, palsgraue ende van Henegouwe, lantgrauc van Elsate, prince van Zwaue, maregraue van Burgau ende des heylicx rijcx, van Hollant, van Zcelant, van Phiert, van Kiburg, van Namen ende van Zuytphen grave, heere van Vrieslant, vanden Windesmarck, van Portenauw, van Sclauonie, van Salins ende van Mechelen — onsen zeer lieuen ende getrouwen, den cancellier, de president ende den Iuyden van onsen heymelicken ende grooten rade, den cancellier ende de Iuyden van onsen rade jn Brabant, den president ende de Iuyden van onsen rade jn Vlaendren, den stadthouder, president ende den Iuyden van onsen rade jn Hollant, Zeelant ende Vrieslant, ende allen anderen onsen rechteren, officieren ende ondersaten, dien dit aengaen sal — salut ende dilectie. Doen te wetene, dat wij, ter begheerte vanden drie staten vander stadt ende beeden den stichten van Vtrecht ende om zekere redenen ons daer toe porrende,

den zeluen staten ende allen den jngeseten Tan der voirs. stadt ende beeden stichten ende van allen den steden, sloten, vryheyden ende dorpen van Vtrecht ende van dier toebehoirten, jnt generael, ënde ycgelicken van heml. jnt particulier ende besundere, vuyt zunderlinge gracie verleent ende geconsenteert hebben, verleenen ende consenteren mits desen, dat zij Voirtaen jn ende duere allen onsen landen ende heerlicheden sullen mogen commen, wandelen ende jnde zelue keeren ende conuerseren, het zij mit coop- manscape oft anderen hueren goeden, oft anders om anderen hueren affairen, soe hem dat goetduncken sal, veylichlijcke, zekerlijcke ende vredelicke, ende zonder datmen de selue oft eenige van heml. oft hueren goeden sal mogen arresteren oft houden, oft jn eeniger manieren becommercn oft belasten, ter causen vanden ruytcren oft knechten solt oft schulden, bij heml. gemackt jnder tijt vander beleggingen ende orloge van Vtrecht, ouer dertich jaeren geschiet oft daeromtrent, wyen den seluen ruyters oft knechten oft huere actie hebbende zijn oft wesen mochten. Ontbieden v daerom ende yegelijcken van v, dat ghij den voirs. jngesetenen vander stadt ende beede den stichten van Vtrecht ende dier toebehoirten jnt generael, ende eenyegelicken van heml. jnt particulier ende besundere, van onsen voirs. octroye ende consente, jnder manieren als bouen, doet, laet ende gedoocht vredelijcke, rustelijcke ende volcommelijcke genyeten ende gebruycken, sonder heml. daer tegens te doen, te laten oft gedoogen becorameren, belasten oft arres teren, jn lijue oft jn goede molesteren ter contrarien. Ende oft zijluyden oft yemant , van heml. oft hueren goeden, nv oft namaels, ter causen vanden voirs. ruyteren oft knechten solt oft schulden, jnden tijde vanden voirs. beleggen ende orlogen van Vtrecht oft daeromtrent gemackt, gehouden oft gearresteert waercn, den zeluen doet tot volcom- mcn lossingen ende dcliurancie terstont stellen, want ons alsoe gelieft; behoudelicke dat de zelue vander stadt ende slichten van Vtrecht voer hueren anderen schulden, yegelicke voer den zijnen, hem jn justicie verantwoorden ende responderen sullen.

Gegeuen jn onser stadt van Bruessel, den yersten dach van maye jnt jaer ons heeren duyst vijfhondert ende zeuenthiene, ende van onsen rijcken de tweeste.

Bijden coninck. (Get ) Dublioul.

Naar het origineel met aanhangend zegel, in rood was, voorhanden in het arehief der stad Utrecht.