Wij Robbrecht, graue van Vlanderen, Johan, bi der gracien goets hertoghc van Lo tharingen , van Brabant ende van Lymborch, Johan van Vlanderen , graue van Namen , Guye van Vlanderen, graue van" Zelant, ende Johan, here van Kuyc, maken kont ende kenlijc allen den ghenen, die desen brief solen sien ofte horen lesen, dat wij hebben ghe- loeft met goeder trouwen der stat van Vtrecht, dat wij hen helpen soelen tusschen hijr ende alder heyleghen dach, die nu naest compt, ene goeder soene of ene alinghe vrede, daer die borghers van Vtrecht ende alle coepmanne soellen mede moeghen varen ende keren met haren goede, so waer si willen, seker ende behoudelike, of wij soelen hon sen- den alsulkc hulpe, daer si den coepman mede vreden moghen te lande ende te watere na onser macht sonder arghe list, ende alder dinghe niet af te ganc, die si met ons begrepen

hebben iti desen orloghe, sonder alder bande archeit. Ende op dat dit vast ende ghestade si, so hebbe wij desen brief beseghelt met onsen vit hanghenden seghelen.

(ïheghenen in die iaer ons heren dusent drihondcrt ende viue, des dondcrsdaghes na sunte Iohans dach decollaci.

Naar het origineel, voorzien met nog vier meer of min geschonden zegelen, in grocn en bruin was. eu voor- handen in het arehief der stad Utrecht.