Ersame, bisunder lieue heren ende guede vriende! Deels onser burger ende coepluède, ende sonderlinge Otte Keye, hebben onss getoent ende te kennen gegeuen, woe se byn- nen uwer ersamheiden stat oer koepenschapp endè neringe eyn tijt lanck gerne doen ende versoeken solden, sonderlinge mitten Engelschen 1), de se verstaen hebben daer kommende werden. Ende want wij dan de neringe ende coepenscapp sonderlinge gerne gefordert, ende de onse mitten uwen daer jnne behoelpen seghen, ende wij myt uwen liefden ende den uwen nyet en wetten op desse tijt dan alle guet mynne ende vrient- scapp: soe bidden ende begeren wij zeer vrientlike ende dienstlike, dat uwe ersamheide Otte Keyen onsen burger vorg., soe de nv jnt ierste, als wij vermoeden, jn uwe stat kommen wolde, viertien dacge lanck, angaende op dachdes geleydebreifs, eyn vrij, velich geleyde geuen ende toschrijven willen, velich an te kommen, daer te wesene ende wedder van daer te moegen reysen, inder bester formen. Medde is onse vrientlike begerte, dat uwe liefden alle onsen burgeren, coplueden ende ondersaeten, de uwe ersame stat vcr- sockende mochten werden, myt oeren lijue, coepenschapp, ende guede eyn vrij, velich' geleyde, an ende aff velich te moegen kommen ende vaeren, geven ende toscrijvcn wolden, want wij jn aller maenieren ende formen uwer geleydsbrieue, de gij ons daer van sendende wurden, uwen ersamheiden bynnen onser stat ende bewynde vor uwe burgere, coepluede ende ondersaeten de geleydtsbrieue van stontgerne weddersenden, ende mitten uwen gerne alsoe hoelden willen, doch an beiden zijden alletijt eyne maent tijts te voeren op te schrijven, soe wen van ons sulcks nyet en geliefden langer alsoe te hoelden 2). Ende soe wes, bisunder lieue heren ende guede vriende, Otte Keye onsen burger vorg. ende voirt onss ende den onsen deses tot onser vrientliker begerte sall moegen wedderfaeren, des begeren wij mitten gelcidsbrieuen an onser burger weerdt jn de Roedeborch te willen schicken eyne guetlike bescreuen antwerde van uwen ersamen ende voirsichtigen wijsheiden, de Got almechtich behoeden ende bewaeren moit tot selligen langen tijden.

Gescreuen onder onser stat secr. op onser lieuer vrouwen dach concepcionis, anno domini LXIIII0.

(Get.) Burgermeistere, Scepenen ende Raet der stat van Zutphen.

Opschrift: Denersamen, wijsen ende voirsichtigen Schowt, Burgermeisteren, Scepenen ende Raet der stat van Vtrecht, onsen bisunderen, gueden vrienden.

Naar het origineel, voorhanden in het arehief der stad Utrecht.

1) Verg. Burman, Utrechtsche jaarb., II. D. blz. 458 en 462. In den jare 1466, op aller heiligen avond, verleende de magistraat van Utrecht bijzondere voorregten aan de Engelsche handelaren, en stelde daarenboven den tocgang tot de stad open voor alle andere kooplieden, die met de Engelschen handel dreven. Zie Burman, t. a. p., II. 493—495.

2) Dit vrijgeleide werd, 's wocnsdags na St. Lueiendag 1464, door de stad Zutphen aan de burgers, koop lieden cn onderzaten der stad Utrecht verleend; terwijl op gelijke wijze aan de burgera van Zutphen vrijgeleide te Utrecht gegeven werd. Zie Burman, Utrechtsche jaarb., II. 457 en 458.