Wij Aernt, heer tot Leyenborch, ende Jan van Leyenborch doen cond allen luden, dat wij geloeft hebben ende gelouen voir ons ende voir onsen eruen bi onser trouwen, eeren ende zekerheit, in rechter eedstat, heren Jan van Vyanen, ridder, of sinen eruen , oft sake waer, dat Alblaserwaert niet stil sitten en mocht in rusten ende in vreden tusschen onser genediger vrouwen van Hollant ende onsen genedigen heer van Ludic, of dat ie Aernt, heer tot Leyenborch voirs., niet verkrigen en kond aen minen genedigen heer van Ludic voirs., dat Noerdeloes stil sitten mocht, so zullen wij Aernt, heer tot Leyenborch, ende Jan van Leyenborch voirs. beren Jan van Vyanen voirg. weder wtreycken touerscot van vier hondert Vranckerijcsche cronen, dattie beter sijn dan vierhondert Gwil- helmus Dordrechtsche scilde, binnen zesse weken naden datum des briefs; ende waert sake, dat wij des niet en deden, so sullen wij Aernt, heer tot Leyenborch, ende Jan van Leyen borch voirs. mit ons zelfs liue rechtevoert tenden die zesse weken voirs. onghemaent incomen leysten inden Hage in De- uenters herberge na goeder lüde zede ende ghewoente, ende

117

vter leystinghe niet te sceiden in gheenrewijs, wij en hadden keren Jan voirs. voldaen ende vernûegt vanden ouerscot van- den gelde voirs.; ende waert sake, dat wij des nieten deden, so kennen wij ons zeluen trouloes, eerloes ende meynedich, ende alle dine sonder argelist. In kennissen der waerheit, so hebben wij Aernt, beer tot Leyenborch, ende Jan van Leyen- borch voirs. onse zeghelen an desen brief gehangen, jnt jaer ons Heren dusent vierhondert ende achthien opten senenden dach jn Januario.

Het eerste zegel verloren, net t\reede in bruin was, behouden.

77. Hertog Jan van Beijeren sluit ter begeerte van den hertog van Bourgondie voor een bepaalden tijd een bestand met Jan van Brabant en Jacoba van Beijeren. 1418. Jan. 16. Johan, bij der genaden Goids palansgreue bijden Eijn, hertoûge in Beyeren, greue van Heneg. , van Hollant ende van Zcelant, doen cond allen luden, dat wij van sulker vee- den, twijdrachte ende geschille, als wij wtstaende gehadt heb ben ende noch wtstaende hebben tegens hertoge Johan van Brabant ende vrouwe Jacob onser nichten, sijnre gesellinnen, ten versueke ende begerten onss lieffs heren ende broeders van Bourg., ende oie om orbar ende proffijt onser lande ende lude, met wail bedachten voirraide ende wtdraghe onser mae- ghe, raide ende vriende, voir ons, voir onse lande, steden , sloten, lude , ondersaten, hulperen ende hulperhulperen, voir alle die gene die от onsen wille in deser veeden gecomen sijn ende ons dair yn te verantworden staen, ende voir anders alle die gene die slote off heerlicheide onder ons liggende hebben, gegeuen hebben ende geuen mit desen tegewordigen brieue hertoge Johan van Brabant ende vrouwe Jacob van Beyeren, sijnre gesellinnen voirs., hoiren landen, steden, sloten, luden, onderseten, hulperen ende hulperhulperen , allen den genen die от hoiren wille yn deser veeden gecomen sijn ende hun daer yn te verantworden staen, ende anders die slote off heerlicheiden onder hun hebben, enen goeden, ouden, onuer- saichden , vasten, ganssen ende staden vrede, die jngaen sal

118

ende jngaet op sûnte Fabiaens ende Sebastiaens dage nu naest- comende, ter zonnen opganck, ende sal voirt vast ende gestade duren ende weren tot des yersten vrijdaiges toe dair na alre yerst volgende, ter zonnen opganck, jnder manieren ende voir- werden hier na bescrenen, dat is te weten: dat een ygelijc op beyden sijden op sijnre eerden, die hij beseten ende be- craffticht heefft, blijueu sal den tijt des vreden voirs. duren de, wtgenomen dat hertoge Johan van Brabant ende vrouwe Jacob van Beyeren voirgen. ende die hoire, hoemen die noe- men sal, sonder argelist, veylich doir onsen lande van Woer- den trecken sullen ghens ende weder, sonder yn onser stede van Woerden te comen, ende nyemant en sal den anderen van beyden sijden jndes anderen landen ende steden, die hij beseten ende becraffticht heefft, misdoeu noch beschadigen an Hjue noch an goede yn geenre wijse den tijt des vreden voirs. durende; voirt en sal nyemant van beyden sijden geen zee noch riuieren ende lopende watere, die onbedijct sijn, veylich bruken noch bouwen den tijt des vreden voirs. durende, an ders dan die gemeyne veren, dair men voir den steden ouer den riuieren vairt, dair sal ellic veylich jnden sijnen wesen, wtgenomen dat wij bertoge Johan van Beyeren voirs. ende die onse, hoemen die noemen sal, sonder argelist die riuieren ende stroem tusschen onsen steden van Dordrecht, vanden Briel ende van Eotterdamme op allen sijden veylich bouwen ende bruken sullen den tijt des vreden voirs. durende; ende wairt sake, dat yemant vanden onsen des voirgen. hertoge Johans van Brabant ende vrouwe Jacob sijnre gesellinnen voirs. ondersaten off hulperen off hulperhulperen hier en bouen misdaden off beschadichden au lijuc off an goede in enigerwijse binnen den (tijd) des vreden voirs., so hebben wij geloofft ende gelouen bij onser vurstliker eeren ende gesekert in rech ter eedstat, dat wij dan terstont endo onuertoieht dat verrich ten sullen, tot vermaningen de voirs. hertoge Johans van Bra bant, den genen, die den schade geschiet were; ende dair toe mede sullen wij dat dan richten an dies misdadigen lijff,

119

als dat na wtwijsingen des vreden behoirt, alle dinge sonder argelist. Jn orcond desen brieff, dair wij onse zegel an heb- ben doen hangen. Gegeuen opten mauendach sestien dage in Januario jnt jair xiiijc achtien, na den loop van onsen hotíe. Het zegel verloren.

78. Overeenkomst van Jan van Brabant en Jamba van Belferen met Floris van Borselen, als tkesaurier van Holland en Zeeland. 1418. Febr. 14. Johan, bider genaden Goids hertoge van Lothrijck, van Brabant ende van Lymborch, marcgraue dez Heyligeu Eijcx, graue van Henegouwen, van Hollant, van Zeelant ende beer van Vrieslant, ende Jacob van Beyeren, bider seluer genaden hertoginne, marcgrauinne, grauinne ende vrouwe der landen voirscr., doen cond allen luden: Want onse lieue ende getruwe heren Floriis van Borselen, beer van Zulen ende van sinte Martijnsdiick, om begeerte van ons ende van onsen lieuen ge- minden oem, hertoge Johan vau Beyeren, aen genomen heeft onse tresorier te wesen van Hollant ende van Zeelant, so siin wij mit bim ouercomen een eendrachte van sulken punten als hier na volgen, die wij him geloeft hebben ende gelouen vol- comelic te houden, also lange als hij onse tresoiler wezen sal, dats te weten: Jnden eersten also onse lieue ende geminde oem van Beyeren voirti. ende wij ouerdragen siin alle officien, diensten ende gerechten inden steden ende lande van Hollant ende van Zeelant zamentJic te zetten, so hebben wij hertoge van Brabant voirn. onsen getruwen heren Floriis voira, gelooft ende gelouen hem in desen brieue, bij sinen rade die voirscr. officiers, dieneren eide gerechten binnen den steden ende lande van HoJlant ende van Zeelant te zetten ende te ontsetten, also dicke als dat nutte ende oirbair wezen sal; ende also die tresoriers", die binnen een wijltijts in onsen voirs. lande ge- weest hebben, geen rekeninge vander tresorien gedaen en hebben, also dat wij onse gestant niet wail en weten, so sullen wij die saken van onser tresorien bij onsen getruwen heren Floriis voirn. ende bij anderen onsen raden ende clerken doen ouer

120

zien, om onse gestallt te weten, alsmen uaiste mach, vp dat onse getruwe voirn. him dair na zetten moge in onsen saken voirscr. Jtem wairt dat ons enige goede "aenbestoruen in Hollant off in Zeelant, heerlichede off eygen, die sal onse getruwe tresorier voirn. van onser wegen vercopen, geliken dat ander tresoriers voirtijts gedaen hebben, sonder wederseggen van ons off van yement anders, ten wair off die aenbestoruen goede wairdich waren bouen bondert Vrancrixe cronen siairs, so en sal hij die niet vercopen, ten sij bij onsen wille; ende so wez dair off comen sal, ende van allen anderen renten, tollen , verschiin ende brueken , die in onsen lande van Hol lant ende van Zeelant zun off geuallen mogen, hoedanich dat si} siin , dat sal bi berechten ende ontfangen tot onser behoeff ende niement anders, ende ons goede bewisinge dair off doen als behoerlic is, ende van dez hi ontfanct, so en sal hi niet verder wtgeuen , dan in onsen costen ende dagelixe soudeynen, so dat hi van anderen sculden, die wij sculdich mogen wezen, niet wtreyken en sal, ten sij bij onsen beuele. Jtem so en sullen wij onse vaderlike erfreuten, in Hollant ende in Zeelant gele gen, niet wechgeuen noch vercopen buten onsen tresorier voirn., noch geenrehande scoutambochten, die an ons besteruen sullen mogen in onsen lande voirs., ende mitten anderen scoutam bochten , die vp dese tijt niet wech gegeuen en siin, so sullen wij onäen tresorier voirn. begangen laten tot onsen oirbair ende profiit. Jtem also onse getruwe tresorier voirs. van ons begeert heeft te weten , hoe wij onsen cost aenzetten willen in onsen lande van Hollant ende van Zeelant, so is onse mey- ninge, dat wij siins raets dair ynne gebruken willen. also als dat nutste siin sal naden gestande ende vermogen onser lande voirs. Jtem wairt, dat wij tot enigertijt souden doen munten penninghe van goude off van ziluere in onsen lande van Hol lant ende van Zeelant, so sullen wij oick sijns raets dair in lenen ende bij him doen dat ons nutte gedaen sij. Jtem so sal onse tresorier voirn. een van onsen zeglen bij hem hebben ende houden bouen onse dagelixe signet, dair hi niet mede be

121

zeglen en sal dan beuelingen van diensten, quitaacien van ontfange, absolucien van brueken ende recessen. Ende die jonge clerken vander cancelrien sal onse tresorier voirn. seluer zetten ende dair toe ordineren die tot onser behoeff nutte dair toe siin. Ende om te claerliker onse gestande te weten , so sullen wij onsen tresorier voirn. een register off wtscrifte doen geuen van allen brieuen, die wij zeder dat wij hertoge van Brabant voorn. nv lest in onsen lande van Hollant geco- men sijn, gegeuen ende bezegelt hebben. Voirt oft gebûerde, dat onse lieue oem hertoge Johan van Beyeren voirn. ende wij onsen tresorier voirn. den dienst van onser tresorien verdragen wouden, so sullen wij him zamentlic dien vpseggen zess weken lang te voren, ende wairt, dat hij dan meer ontfangen hadde dan wtgegeuen, dat soude hi onsen tresorier, dien wij dan mit onsen lieuen oem voirscr. zetten sullen, wtreyken onde betaelen tot onser behoeff binnen eenre maent na dat him die dienst verdragen worde; ende hadde hij meer wtge geuen dan ontfangen, dat soude him die toecomende tresorier voirs. verzekeren mit goeden brieuen, him off sinen eruen dat te betalen binnen drien maenden nader tijt voirs. Gebûerdet oic, dat onse tresorier voirn. niet en genoechde langer te dienen in onser tresorien voirs., so sal hi ons ende onsen lieuen oem voirn. dat vpseggen drie maende lang te voren, ende dan sul len onse lieue oem voirs. ende wij him dez gunstelic ende zamentlic verdragen ende doen van him ontfangen off weder- omme betalen na dattet gebueren sal als voirs. is. Ende om dat wij onsen getruwen tresorier voirn. alle dese voirscr. punten ende elker bijsonder volcomeliken ende wail houden willen sonder verbreken, so hebben wij jn kennisse dair off onse zeglen aen desen brieue doen hangen. Gegeuen tot Woudrichem vp sinte Valentijns dach jnt jair ons Heren m. ccc. ende ach tien naden loop ons hoofs van Hollant.

Op de pligue staut: Bij minen heer den hertoge ende mijnre vrouwen der hertoginnen. get. T. Potter.

Pe beide zegels verloren.

122

79. Hertog Jan van Beijcren belooft gern zoen te sullen sluiten met zijne nicht Jacoba, zonder Gerrit van Heemskerk daarbij schadeloos te stellen voor al hetgeen hij in zijn dienst heeft verloren. 1418. Maart 15. Hertoge Johan van Beyeren, bijder genaeden Goits elect van Ludic ende greue te Loen, heer van Voirne ete., doin kondt allen luyden: Want onse lieue getrûwe heer Gerijt van Heemskercke, beer van Oesthüzen, op dese tijt om onsen wille verloren heefft sijn buys van Heemskercke mit al dalter toe hoert, ende hem mede genomen is die heerlichede van Oest hüzen mit haren toebehoeren, ende wanttet oick dair toe in vresen staet, dat onse lieue nichte van Hollant heren Gerijde voirg. tot genen tijden betalen en sal willen alsulke sculde, als onse nichte voirsc. heren Gerijde sculdich is, dair hij goede besegelde brieue aff heefft, dwelck clairlijck ende all om onsen wille geschiet is ende om nyemant anders, soe habben wij dair om geloofft ende louen voir ons ende Onsen eruen heren Gerjde voirsc. ende sijnen eruen , dat wij tot genen tijden mit onser nichten voirsc. noch mitten lande van Hollant ouerdra- gen noch zoenen en sullen, wij en sûllen heren Geiijde voirsc. off sijnen eruen eiret besorget ende wail gevesticht hebben van al sijnen goeden, sculde ende scade, die hij verloren heefft off om onsen wille Verliesen mach, ende oick voirgenoemt scaede, dat hij die rustelijc ende vredelijck sal gebrûken moigen. Wr' . oick tsake, dat wij ouerdroeghen ende zoenden mit onser nich ten ende lande volrsc. ende wij oick heren Gerijde bezorgh- den gelijck voirsc. staet, ende dat dan heer Gerijt niet en dorste wonen in Hollant onder onser nichten, soe hebben wij heren Gerijt voirg. geloofft ende gelouen, dat wij dan sijn hûys van Heemskercke ende al alsulke goede, die hij niet bewonen en sal dorren, dat wij die te coop aen ons nemen sullen, ende sullen hem die gelden ende wail betalen tot seggens onss lieffs ende getruwens heren Ywaen van Cûrten- bach, lanteommendûer vanden Biessen, ende heren Henrix, noothaft onss bysdoms in Beyeren. Ende wair tsake, dat die

123

selue onse getruwe rade voirsc. by ons niet en waeren, so moicht dan beer Gerijt voirsc. twee wt onsen rade nemen, dair souden wijt hem by gelden ende betalen , gelijck voirsc. staet. Alle pûnten voirsc. sonder argelist. Jn oirkonde onss segels hier aen gehangen jnt jair onss Heren duysent vier hondert ende achtien, vijffthien dage in Maerte.

Per dominum Leodiensem supradictum et do eius speciali mandato presentibus de suo consilio dominis Ywino, commen- datore, et Henrico, vicedomino, intus nominatis.

Seymarx. Het zegel in rood waj, bijna verdwcnen.