Allen den ghenen, die desen brief zullen zien jof horen le sen , je broeder Jan prior van zinte Augustijns ordinen jn Dordrecht make cont ende kenlic, dat je ghesien eu ghehoert hebbe enen brief, gans ende ghaue ende wel bezeghelt, des don- redaghes na zinte Mathijs dach jnt jaer ons Heren, als men screef M°. CCC. drie ende vijftich, jn deser manieren als hier na ghescreuen staet:

Hertoghe Willem van Beyeren, graue van Hollant, van Zeelant, heere van Vrieslant ende verbeyder der graefscap van Henegouwen, maken cont allen luden, dat ons Koenraerd die Cleyne jn brieue ende in ghelde gheleent heeft alsoe veel dat beloept jn eenre somme drie dusent vier hondert zeuen ende tachtich ende enen haluen oude schilde, die wilke brieue ende ghelt wi ghehelike ghegheuen ende ouer gheleuert hebben, bi Coenraeds hant voerscreuen, onsen ghetrouwen heren G he raerde van Herlaer, heere van Ammersoye, jn minderinghe van dier scout, die wi him sculdich zijn jn diensten, die hi ons ghe- daen heeft. Ende wi ghelouen Coenraerde voers. jof den bou der des jeghenwordighe briefs die voerscreuene somme ghelts jn goeden trouwen te betalen binnen desen jare; ende waer wi des niet en daden, zoe wat scade ende cost Coenraerd voers. jof die houder des briefs, dat te vervolghen, daer omme leden ende ons wittelike an brochten, dien zullen wi him ghelden zonder arghenlist. Jn orkonde desen brieue bezeghelt mit on

72

sen zeghel. Ghegheuen tot Zerixe, des zaterdaghes na zinte Gregorius dach jnt jaer ons Heeren M°. CCC°. twee ende vijfticb.

Jussu domini comitis. Flor. de Bersal. f. Nich. mil.

Ad relationem dominorum Flor. de Bersal. Joh. Zuurm. milit., Symonis de Bruell. opidanorum de Zeerixe, Heynrici Dodonis Johannis Henrici. Joh. Tho. Petr. Epp. et aliorum de consilio de Midd. Baldewijn Popponis et Popponis Pet. Ger.

Ysebr.

Jn kennessen der waerheit zoe heb je broeder Jan prior

voernoemt dese copie open bezeghelt met minen zeghele jnt

jaer ons Heeren M°. CCC°. drie ende vijfticb. des donredaghes.

na zinte Mathijs dach. Het zegel verloren.