1150 Eugenius episcopus servus servorum Dei dilecto filio W(i- Iun'22 baldo) Corbeiensi abbati salutem et apostolicam benedictionem.

Lator presentium E(verhardus) iam quinquies ad nostram presentiam venit. Pro quo siquidem venerabili fratri nostro H(einrico) Mindensi episcopo per scripta nostra precipiendo man- davimus, quatinus God(eboldum) canonicum suum districtius com- moneret, ut aecclesiam beati Petri de Hemeringen et alia, per se vel per summissas a se personas predicto E(verhardo) ablata, infra 20 dies post susceptionem nostrarum litterarum cum inte- 1. Reg. I. 2, 8. 2. Reg. L 2, 7. 3. Ps. 36, 3. 4. Ioh. 21,17.

WIBALDI EPISTOLAE 268. 269. 397

gritate restitueret et de caetero eum in pace possidere permit- 1150 teret; si vero infra predictum terminum monitis eiusdem episcopi obedire contempneret, ex tunc ipsum ab aecclesiarum introitu duximus removendum, nec postea deberet absolvi, donec, pro excessibus suis satisfacturus, nostro se conspectui presentaret. Set sicut eius repetita querimonia indicat, nichil horum est effectui mancipatum. Nec ad nos venit nec aliquam excusationem pretendit, quare pauperem istum tantis oppressionibus aggra- varet. Quia igitur oppressionibus et laboribus eius valde com- patimur et tantam contumaciam pretermittere non possumus im- punitam, per presentia tibi scripta mandamus, quatinus pre- dictum God(eboldum) studiose commoneas, ut aecclesiam ipsam et ablata per se et alium in integrum infra 20 dies, postquam a te commonitus fuerit, eidem E(verhardo) omnino restituat et de cetero pacifice eum possidere permittat. Quod si facere con- tempserit, ex tunc ipsum G(odeboldum) excommunicatum publice denunties; nec a vinculo excommunicationis possit absolvi, donec pro tanta rebellione veniat ad nostram presentiam responsurus. Quicquid autem exinde a te fuerit factum, et modum ipsius ne- gocii nobis tuis litteris quam citius studeas intimare. Data Albani 10 Kal. Iulii.