W(ibaldo) domino et patri suo, reverentissimo Corbeiensis 1150 Stabulonensis aecclesiae venerabili abbati, D(aniel) licet indignus, Dei tamen gratia Pragensium episcopus, cum sinceritate servitii exiguas orationes.

Regalibus vos occupatum negotiis et regali assidentemb lateri, gratulamur. Hoc enim gratia vestra ex antiquo aput parvitatem nostram beneficiis multis obtinuit, ut profectui vestro congau- deamus. Verumtamen quod litteras vestras omni suavitate et mellita dulcedine plenas nobis mittere dignatus estis, quantas in presentiarum valemus, gratiarum" actiones sanctae paternitati vestrae referimus; et licet corpore disiunctos diversitas locorum separet, nunc tamen presentia vestra, spiritui nostro cottidie pre oculis habita, per scripta vestra est renovata. De caetero, quia tantam gratiam humilitati nostrae in oculis vestris Dominus con- tulit, ut in curia quoque Romana nostri memor esse velitis, et inde quidem gratias vobis agentes obnixe postulamus, quatenus inmeritae nostrae personae memoriam, qnantulamcunque digna- bimini, apud domnum apostolicum facere non abnuatis. Pre-

a. inclinamus c. b. assidentc c. c. gra c.

380 WIBALDI EPISTOLAE 254. 255.

1150 terea quandam parvulam earitatem sanctitati vestrae transmi- simus, rogantes et in Domino obsecrantes, ut benivole eandem suscipiatis et ex ea equum saltem servientis vestri ferrare non abnuatis. Honestam et Deo devotam ac dilectam familiam vestram ex obsequio parvitatis nostrae, dominum quoque nostrum cancellarium1, amicum nostrum, salutare dignemini. Orantem pro nobis sanctitatem vestram, nobis multum necessariam, in pace et prosperitate dominus Deus sanam et incolumem con- ducat et reducat et longevo tempore custodiat.