A(rnoldus) Dei gratia Maguntinae sedis humilis minister 1155 W(ibaldo) reverendo Corbeiensis aecclesiae abbati salutem et in- timam dilectionem.

Nonnullas gratiarum actiones vestrae referimus benignitati, quod tam frateme, tam affectuose litteris vestris nos visitare curastis et, de statu domni regis et vestro per gratiam Dei prospero nos certificando, vulnus sollicitudinis de corde nostro amputare. Bonam igitur in vobis tamquam in fratre et amico fiduciam habentes, conquerendo notificamus vobis: quod pala- tinus comes de Renoteste Deo nullam in nos causam habens, contra fidem et sacramentum, quo nobis erat astrictus, ex in- sperato, ex improviso aecclesiae Maguntinae et nobis cum non- nullis iniquitatis suae complicibus violentiae manus iniecit, castra nostra destruxit, homines nostros captivavit, curtes nostras non solum rapinis devastavit verum" etiam suae ditioni subiecit, sacra cimiteria et aecclesias spoliavit, ipsa altaria et venerabiles reliquias ornamentis suis denudavit, in monachoram irruens ce- nobia eorumque perfringens eraria, sacrilegam exercere rapinam non formidavit. Huius quoque iniquitatis auctores asserunt et ubique divulgant, se ex mandato domni regis aecclesiae Dei et nobis hanc iniuriam irrogare; quod utique eos, tamquam filios mendacii, scimus falso coniectasse. Fraternitatem igitur ve- stram, semper in bonis nobis expertam, quam intime deposcimus: ut, his pressuris nostris et tribulationibus condolendo, domno regi suggeratis, ut aecclesiae suae et nobis debito auxilio digne- tur subvenire; et litteris suis ad partes nostras directis* falsos illos delatores super inprudentia mendacii, quo maiestatis suae fidem sincerissimam insimulare et incrustare presumebant, velit arguere et confutare.

a. nu c.

1. Hermannus. 2. ex Italia.

572 WIBALDI EPISTOLAE 437. 438.