Reverendo patri suo et domino H(einrico) sanctae Mindensis 1150 ecclesiae venerabili episcopo frater W(ibaldus) Dei gratia Cor- 0ct ~D< beiensis ecclesiae servus exiguas orationes et devotum servitium.

Meminit paternitas vestra, quod literas domni papae ad nos accepimus, ut canonicum vestrum magistrum G(odeboldum) stu- diose commonefaceremus, quatinus Everhardo presbitero ecclesiam de Hemmeringe et omnia ei ablata per se et per alios in inte- grum infra viginti dies post acceptam ammonitionem nostram omnino restitueret et de cetero pacifice eum possidere permitteret. Fecimus itaque, quod nobis imperatum fuerat. Set vestra subli- mitas nostrae parvitati sollicite iniungere dignata fuit, ut recon- ciliationis et concordiae mediatores esse satageremus, hac vide- licet ratione, ut idem E(verhardus) tria talenta nummorum ac- ciperet, et de aliis personis, a quibus sua bona conqueritur distracta, ecclesiasticam ei iusticiam vos faceretis. Ad quam conditionem recipiendam licet idem E(verhardus) satis cunctare- tur, nostro tamen studio pro pace Mindensis ecclesiae devotius annitente, sicut vobis placuerat, perfectum est. Nam, acceptis de manu nostra tribus talentis nummorum, omnem querelam et actionem, quam adversus magistrum G(odeboldum) hactenus ha- buerat, sponte deposuit, et cum eo in veram pacem et gratiam absque simulatione et dolo rediit. Rogamus itaque celsitu- dinem vestram, quam vera in Domino caritate plurimum dili-

28*

436 WIBALDI EPISTOLAE 306. 307.

1150 gimus, ut predicto E(verhardo) presbitero, qui iam diu aposto- 'licae mansuetudinis aures crebris clamoribus fatigavit, canonicam iusticiam de his, qui bona sua violenter invaserunt, sine pro- lixioris morae obstaculo faciatis, tum pro domni papae, qui hoc vestrae discretioni et viva voce et literis iniunxit, reverentia, tum pro nostrae petitionis interventu, qui vobis hoc vera et humili fide consulimus et ex promisso vestro per literas tanquam debitum reposcimus.