Wy de radt der Nigenstadt vor Hildensem bekennen openbar in dussem breve, dath vor unns quwam Alheit, nagelaten weddeve zeliger Diderick Luthemans, und brachte vor unns eynen breff van deme ersamen rade der stadt Hildensem vorsegelt, inholdende twehundert punt lutkes geldes, achte pundt lutkes geldes tinses jerlikes up twe tide bedaget. Na widerum nha widerum medebringende dessulven hovetbreves szodanen hovetbrefftynns ede mith alle siner tobehoringe und rechticheit hefft gedachte Alheit Lutemans gennslikenn ghegeven, vorlaten unnd overandtwordet denn olderluden sunthe Lammerskerchen unnses werdigen und hilgen patrons, szo dath ße mith demsulven breve van dem ersamen rade tho Hildensem vorsegelt mogen fordernn, manen, doen unde laten wu ohnne dath nuthe und bequweme iß, geliker mathe Alheit Luthemans effte ore erven mochte gedaenn hebbenn. To bekantnisse dusser vorgescreven stucke hebbe wy erbenomde radt unser stadt ingesegell ahnn dussenn breff hengen heten, na goddes gebort Viffteynhundert jar unde darna im sessunndtwintigesten jare, am dinxdage na Vicentii martiris. lb Henning Otbers lb Ludeke Pape