Wy de radt der Nigenstadt vor Hildensem bekennen openbar in dussem breve, dath vor uns quemen Christoffer Kock, Anna unde Ilsebe syne sustere, bekanden vor seck unnde orhe erven, dath ße orhes vaders zeligern Bartoldt Kokes hus unnde hoff mithsampt der gantzen wonunge unnde thobehoringe alse dar tho horet jegen unsem bleke twischen Hinrick Northmeigers unnde Vith Frolinges huseren unnde wonungen belegen gentzlich gelaten unnde erfflich overgeven hebben orhem schwager Jost Wegener unnde synen erven. De vorbenanten Christoffer Kock unnde syne medebenente hebben vorthmer vortegen unnde eynne rechte vorticht gedan des vorgeschreven huses, blekes unnde wonunge mith vortichte alles rechten, ßo ße alle unnde eyn ider in sunderheit unde orhe erven darannhe hadden unnde in jennigerleigewis bereden mochten mith hande unnde munde in unßer jegenwordicheit, alles tho handt unnde behoff Jost Wegeners unde syner erven. To bekantenisse dusser vorbeschreven stucke hebben wy obgenanter radt unser stadt ingesegel ahn dussen breff gehenget, nach Christi unses heren gebordt im Veffteynhundersten veyrundevefftigesten jare, in die Udalrici. lb lb Hans Roterdes, lb Hinrick Dunthe. lb lb NB: Auf der Rückseite der Weiterverkaufsvermerk: Jost Wegener f. vorlat Joste Frolinge, dinsdages nach Galli anno 73.