useridguestuseridguestuseridguestERRORuseridguestuseridguestuseridguestuseridguestuseridguest
Charter: Urkunden Dompropstei (1333-1597) A VI 20 [1]
Signature: A VI 20 [1]
Zoom image:
Add bookmark
Edit charter (old editor)
1563 Dezember 22
Moritz von Marenholtz stellt dem Hildesheimer Dompropst Graf Wilhelm von Holstein, Schaumburg und Sterneberg, Herrn zu Gehmen, für sich, seinen Bruder Joachim, seine Vettern Cord, Valentin und Levin, Söhne des verstorbenen Cord, sowie Melchior, Sohn des verstorbenen Ludolf, alle von Marenholtz zu Dieckhorst, einen Revers über die Belehnung mit dem Dorf Ankensen mit Ausnahme des Meierhofs, zweier Hufen sowie sechs Kothöfen mit Holzberechtigungen in Alvesse, dem Sundern ebendort und dem Lüttkenmeierhof in Rietze aus, wie seine Vorfahren die Güter von den Dompröpsten Schwarzburg und Veltheim zu Lehen gehabt hatten.  



Material: Perg.
Dimensions: 30,0 x 22,6 cm
    Graphics: 
    x
    Ich Moritz vonn Marenholtz bekenne unnd thue hiemit kundt vor mich, meinenn Bruder unnd Vettern, als mich der erwirdiger, wolgebornner unnd edler Her, Her Wilhelm Grave zu Holsteinn, Schoumburgk und Sternebergk, Her zu Gemenn, unnd Thumbprobst des Stiffts Hildesheim mit etzlichenn Ihrer Gnaden Lehenguternn der Thumbprobstei gehorich belehenet, das der Einhalt des Lehenbrieffs gelautet wie hernach volget: Wir Wilhelm vonn Gotts Gnadenn Grave zu Holsteinn, Schoumburgk unnd Sternnebergk, Her zu Gemen unnd Thumbprobst des Stiffts Hildesheim bekennen offenbar in diesem ofnenn besiegeldenn Brieffe vor unns, unnsere Nachkommen unnd jedermenniglichenn, das wir belehenet habenn unnd belehenen mit Handt unnd mit Munde in unnd mit Crafft diß Briefs als Mannlehenrechts Recht ist zu einem rechtenn volstendigenn Erbmanlehen denn erbarnn unsern lieben getrewenn Moritz vonn Marnholtz mede Zubehuiff seines Brudernn Jochimb unnd seiner Vetternn Cordt, Valtin unnd Levins, Cordt seliger Shonn, unnd Melchers, Ludelefs seliger Shonn, alle vonn Marnnholtz zur Diekhorst, mit dem Dorffe zu Annekensenn uthgesecht denn Meigerhoff, zwei Hove zu Alverse unnd sechs Kothenn mit ihrenn Holtzernn unnd Zubehorungenn unnd denn Sundern darselbst unnd dem Lutkennmeierhoffe zu Rytze, mit sodann Gudernn, als ehr vonn Rechts wegen vonn unns tho Lehenenn hebbenn schall unnd alse seine Vorvatternn vonn denn Hern Thumbprobsten Schwartzburgk unnd Veltheim, unnsern Vorfharenn, zu Lehene hattenn, unnd wir wollenn gemelten von Marnholtz dieser vorgeschrieben Guter unnd Lehenn mit ihrenn Zubehorungenn rechte bekennige Her unnd Warendt wesenn, so offte des Noith unnd Behoiff unnd von unns geheischet wirdt, dargegenn unns gemelter Moritz vonn Marnholtz vor sich selbst, seinenn Bruder, Vettern unnd ihrer aller Manserbenn gewonliche Aide unnd Gelaubte gethain, allsolliche Lehenn unnd Guter treulich zu bedienen unnd zu vorwarenn laut seinem unns zugestaltem unnd vorsiegeltem Reverß daruber uffgericht, unnd ist diese Belehenung geschein in Kegenwarth obgemelts unnsers Lehenmanns unnd lieben Getrewens Valtins vonn Marnholtz unnd unnsers besondernn guten Freundes Moritz Freisenn, des wir in Uhrkundt der Warheit unnsernn angebornnen Ingesiegell benedenn an dissen Brieff hengenn lassenn, der gebenn ist nach Christi unnsers Hernn unnd Selichmachers Geburth im Tausennt funfhundert dreyunndsechstzigstenn Jare, denn zweiunndtzwantzigstenn Monatstag Decembris. Das ich demnach sollich Lehen obgemeltermaissen empfangenn, Iren Gnaden als Thumbprobst in die Handt gelobet und geschworen, Ihren Gnaden unnd dero in der Thumbprobstei Nachkommen trew und holt zu sein, Bestes zu furdern unnd Arges zu vorwarnen, die Lehenguter on Ir G., derselben Nachkommen Wissen unnd Vorwilligung nicht zu vereussern oder zu verpfenden, sondernn alles das zu thunde, was ein treuer Lehenman seinem Lehenhern zu thunde pflichtig ist, des habe ich zu Uhrkundt der Warheit diß fur mich, meinen Bruder, Vettern unnd unser aller Manserben mit meinem Siegel undersiegelt, geben im Tage unnd Jar wie in meins G. H. Brieffe obenbemelt.


    LanguageHdt.
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.