Wy Henningk van gods gnaden bisschup to Hildensem bekenn[en] openbare in dussem breve vor uns unde unse nakomen, dat wy belehnt hebben mit hande unde munde alse lehnsrecht isz unnde belehnen in unde mit dussem breve to eynem rechten ervenmanlehn [Lu]deken Barse, Olrick Barses sone, mit deme halven tegeden to Schilpe unde mit anderhalven hove landes darsulves belegen unde mit eynem ver[ded]ell des tegeden to Merem mit aller slachte nuth unde tobehoringe in [ho]lte, [in velde], in d[or]pe, an grase, weyde unde mit den worden, de dar to hort in aller mathe, als[e he dat van uns] unde unsem stichte in rechte to lehne hebben schall, unnde wy willen duss[es lenes syn] rechte bekennige here unde waren wesen, wur unde wanne ome des noit isz [unde he dat] van unsz esschet. Des to bekantnisse hebben wy unse ingesegell neden an duss[en breff] witliken heten hengen, na Cristi gebort unses herenVerteynhundert jar d[arna] im veirundeseventigesten, am sonavende na Symonis et Jude apostolorum.