Charter: Urkunden Hochstift (1225-1662) A I 15 [4]
Signature: A I 15 [4]
Add bookmark
Edit charter (old editor)
1504 April 29
Bischof Johann IV. (von Sachsen-Lauenburg) von Hildesheim erteilt dem Bürgermeister der Stadt Hildesheim Henning Brandis für den Fall des erbenlosen Todes von Bartold Magerkohl eine Anwartschaft auf dessen Lehngüter, nämlich eine Hufe Land in Schellerten. Material: Perg.
Dimensions: 24,4 x 8,3 cm
Wy Johan van gods gnaden bestedigede des stichtes to Hildensem, hartoge to Sassen, Engern unde Westvalen, bekennen openbar in dussem breve, dat wy den ersamen Hennigk Brandis, borgermester unser stat Hildensem, uth sunderliker gunst begnadet unde eyn gedinge gegheven hebbenn, begnaden unde geven ome jegenwordigen eyn gedinge an eyner hove landes to Schellerten unde forth an alle den guderen, de Bartolt Magerkoell van uns unde unsem stichte to Hildensem to lehnen drecht, unde wert, dat de benante Bartolt sunder liveslehenerven vorfelle - dat god schicke na synem willen - , so willen wy den genanten Henningk Brandis myt sodanem gude to eynem erffliken manlehne, wanner he dath van uns synnet, darmede belehnen. Wie willen ock an dussem sulven gude nemandes forder vorscriven, vorgeven edder in neyne wys dar wes anne tho vorsettende, to vorpendende edder to vorbroderende bewillen edder vulborden ane geverde, unde hebben des to orkunde unse ingezegell witliken doen hangen an dussen breff na Cristi unses heren geborth Dusent viffhundert unde darna im verden jare, am mandage na Jubilathe.
Language:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}