useridguestuseridguestuseridguestERRORuseridguestuseridguestuseridguestuseridguestuseridguest
Charter: Urkunden St. Michael (1001-1801) A VII 33/1
Signature: A VII 33/1
Zoom image:
Add bookmark
Edit charter (old editor)
1412-10-18
Abt Albert und das Michaeliskloster in Hildesheim bezeugen, dass ihr Prior Cord Hofmeister ihnen zehn Mark Hildesheimisch zur Auslösung des halben Zehnten in Handorf (Heddendorpe) von den in Braunschweig wohnenden von Evensen geliehen hat. Dafür soll er auf Lebenszeit und nach seinem Tod der derzeitige Küster Heinrich von Hameln ebenfalls auf Lebenszeit jährlich eine Mark Zins aus dem genannten Zehnten erhalten, nach ihrer beider Tod fällt der Zins wieder dem Kloster zu.  


Current repository
Bistumsarchiv Hildesheim

Material: Pergament
Dimensions: 14,0 (links) - 13,3 (rechts) x 20,2 (oben) - 20,5 (unten)
    Graphics: 
    x
    We Albert van der gnade goddes unde des stoles to Rome abbet des closters to sunte Michele bynnen Hildensem unde dat gantze cappittel darsulves bekennet unde betughet in dussem breve, de besegheld is mid unsen ingesegelen abbetes unde coventes vor uns unde vor unse nakomelinge, dat wii hebbed georlovet unde vulbordet hern Corde Hovemestere, prior to dusser tiid, dat he uns unde unsem stichte affgekofft hefft eyne marck gheldes Hildensmescher werynge jarliker ghulde, de we ome gheven scullen unde willen allejarlikes uppe sunte Gallen dach des hilghen abbetes de wile dat he leved, ut deme tegeden to Heddendorpe mid aller tobehorynge ane hindere unde vortoch unser eder unser nakomelinge, unde hirvor hefft he unserm stichte gegheven teyn marck sulvers Hildensmescher wichte unde witte, dede komen synd to dem gelde, darme mede innelosed hefft den halven tegeden to Heddendorpe van dene van Evensen dede wonet to Brunswik, de one lange to weddeschat gestan hefft. Dyt love we Alberd abbet unde dat ghantze cappittel vorbenomet vor uns unde unse nakomelinge deme vorbenomten heren Corde unde deme, de dussen breff hefft mid synem willen, de wile dat he leved stede unde vast to holdende ane jenegherleige hindernisse eder hulperede. Wan aver dusse ergenante her Cord affgeghan is van dodes wegene, so schal dusse vorbenomde mark gheldes jarliker ghulde wallen [sic] uppe hern Henreke van Hamelen, nu to der tiid kustere des ergenomten stichtes, efft he synen dot leved, degher unde al in aller wise, alze her Cord ergenant vor gehad hefft. Wan avere desse vorbenomde her Henrek ok dot is, so schal desse ergenante mark gheldes jarliker ghulde uns unde unsem stichte quid, ledich unde los syn unde dusse breff scal denne neyne macht mer hebben. To eyner merer bekantnisse unde bewisinge so hebbe wi dussen breff beseghelt mid unsern ingesegelen abbetes unde coventes unde is ghegheven na goddes bord Verteynhundert jar darna in deme twolfften jare, in sunte Lucas daghe des hilghen Ewangelisten.||


    LanguageNiederdeutsch
     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.