Nos frater Rudolphus, dei et apostolice sedis gratia Salonensis ecclesie episcopus, reverendi in Christo patris et domini, domini Gerlaci archiepiscopi Magunt. in pontificalibus vices gerentes, universis Christifidelibus hanc litteram inspecturis salutem in domino sempiternam. Cupientes quoslibet christifideles ad pietatis opera modo convenientibus et deo placitis invitare omnibus vere penitentibus, confessis et contritis qui ad ecclesiam sancti Philippi, Pirimini confessoris et sancti Johannis baptiste ecclesie Cellensis mag(untine) dyocesis seu ad cappellam et altare sancte crucis, Martini episcopi, Nicolai episcopi, Katherine virginis et Albani martiris .. Item ad cappellam et altare beate Marie virginis, omnium sanctorum, trium magorum et sancti Michahelis archangeli .. Item ad cappellam et altare decem milium martirum, beati Anthonii confessoris et sancti Laurencii martiris . Item ad cappellam et altare beate Katherine virginis, Nicolai episcopi, Marini episcopi, Stephani protomartiris, sancti Yodoci et beate Marie Magdalene. Que omnia predicta per nos fuerunt consecrata. Omnes etiam qui ad predictam ecclesiam, ad cappellas seu ad altaria predicta causa devocionis accesserint vel manus porrexerint adiutrices in singulis festis Nativitatis Christi, Pasche, Pentecostes, Corporis Christi et in omnibus festifitatibus [sic] gloriose Virginis Marie, Omnium Sanctorum, Apostolorum patronorum, in festo dedicationis et per oct(avam) earundem aut quando Corpus Christi seu oleum sacrum sequuntur dum ad infirmum fuerit deportatum vel qui ecclesiam circuerint orando pro omnibus christifidelibus defunctis  nec non in serotina pulsante tria Ave Maria beate Marie Virginis oraverint, de omnipotentis Dei misericordia, beatorum apostolorum Petri et Pauli gratia confisi auctoritate nostra qua fungimur de iniunctis eis penitentiis quadraginta dies indulgentie cum una karena in domino misericorditer relaxamus. Actum et datum anno Domini M^o CCC^o LV^o in die beate Gerdrudis Virginis. Que quidem consecratio dedicationis ex causis rationabilibus et certis translationem fecimus in dominicam proximam post ad vincula sancti Petri perpetuis temporibus peragendam, cooperante nobis gratia spiritus septiformis. 

 (Horst Enzensberger)