Hec est finalis concordia facta in curia domini regis apud Westmonasterium a die purificationis sancte Marie in quindecim dies anno regni regis Henrici filii regis Iohannis octauo decimo coram Willelmo de Ralegh Roberto de Lexinton[] Willelmo de Eboraco Radulfo de Norwico Willelmo de Insula Ada filio Willelmi et Willelmo de sancto Eadmundo iusticiariis et aliis domini regis fidelibus tunc ibi presentibus inter Henricum priorem de Merton[] querentem et Galfridum decanum et capitulum sancti Pauli Lond[] impedientes de liberis piscariis ipsius prioris in Braynford unde idem prior questus fuit quod predicti decanus et capitulum iniuste fecerunt piscari in aqua Tamisie prope gurgitem ipsius prioris contra libertatem quam idem prior et ecclesia sua de Merton[] habent ex dono Henrici regis aui predicti domini regis per cartam suam et unde placitum fuit inter eos in eadem curia scilicet quod predictus prior pro se et successoribus suis recognouit et concessit predictis decano et capitulo quod ipsi decanus et capitulum et homines eorum de Sutton[] habeant inperpetuum in predicta aqua Tamisie inter gurgitem ipsius prioris et quartam partem gurgiti predicto propinquiorem insule ulterioris uersus Mortelake ubi finiunt mete dicti prioris in illa parte aque que est uersus terram de Sutton[] usque ad filum aque quadraginta et quinque burrochias liberas ad barbellos ponendas in eadem aqua singulis annis inperpetuum in medio Marci et ibi remanendas usque ad vigiliam pentecost[] ita quod singulis annis cum ibi apponi debeant apponantur per visum seruientis decani et capituli de Sutton[] qui pro tempore fuerit et custodis gurgitis ipsius prioris et successorum suorum si requisiti voluerint interesse et coram eisdem capiatur sacramentum de omnibus qui borrochias ibi habuerint quod non excedent numerum predictarum quadraginta et v burrochiarum Et preterea idem prior concessit pro se et successoribus suis quod predicti decanus et capitulum et predicti homines de Sutton[] habeant in predicta medietate aque usque ad predictum filum sicut predictum est tot burrochias ad lamprones quot habere voluerint sine numero et impedimento aliquo ponendas ibi et remanendas libere a festo sancte Crucis in autumpno usque ad vigiliam pasche ita quod tam ille burrochie quam burrochie ad barbellos sint tales quales esse solebant ante istam concordiam ad capiendum tantummodo lamprones et barbellos et non maiores piscos et ita quod si post appositionem burrochiarum predicti homines de Sutton[] plures apposuerint malitiose quam predictas quadraginta et quinque tunc custos ipsius prioris et successorum suorum de predicto gurgite et predicta piscaria scire faciat seruienti de Sutton[] quicunque fuerit quis hoc fecerit et ubi sint ille burrochie et per visum utriusque coram hominibus vicinis inquiratur ueritas et quicunque conuincatur quod plures apposuerit ita castigetur per predictum decanum et capitulum per misericordiam capiendam et tales emende inde fient predicto priori et successoribus suis ab eisdem quod ex tunc in antea non delinquent scilicet de qualibet burrochia inuenta in predicta piscaria ultra predictum numerum predictarum quadraginta et quinque ille cuius fuerit borrochia illa dabit predicto priori qui pro tempore fuerit sex denarios et ita quod predicte burrochie barbellorum non apponantur propius gurgitem quam ad locum qui distat a gurgite uersus Mortelake secundum quod gurges appositus fuit die quo hec et successores suos indempnes super prestatione decimarum de prefata piscaria si forte contingat questionem moueri contra eos et rectoribus ecclesiarum de Sutton[] et de Chesewic[] de decimis piscarie memorate nec ipsi a prefato priore uel successoribus suis aliquid exigere poterunt amplius ratione decimarum uel alterius reide prefata piscaria quam prefatos viginti et tres solidos inperpetuum Predicti etiam decanus et capitulum concesserunt pro se et successoribus suis prefato priori et successoribus suis quod libere et sine inpedimento allocare possint cleias suas de predicto gurgite in chimino quod se extendit iuxta aquam in longum uersus Sutton[] cum necesse fuerit ubi carecte et plaustra ire possunt et solent in eodem chimino et non alibi super terram ipsorum decani et capituli nisi de gratia et voluntate ipsorum decani et capituli Middlesex[]

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.