Sciant presentes et futuri quod ego Matheus Blundus filius Galfridi Blundi concessi et dimisi et presenti carta mea confirmaui deo et ecclesie Sancte Marie de Clerekenewell[] et monialibus ibidem deo seruientibus octo sopas lapideas in ferronaria versus aquilonem capitalis mesuagii mei scilicet sopis meis ligneis simul extendentibus versus occidentem vsque ad nonam sopam meam versus orientem scilicet octo soparum Prima occidentalis cum solario continet in fronte iuxta vicum regium in latitudine tres vlnas et duos pollices et in longitudine iiii vlnas et i quarterium et i pollicem et in capite interiori ii vlnas et tres quarterios solario desuper tantum continente Secunda sopa cum solario continet in fronte in latitudine ii vlnas et i quarterium et i pollicem et in longitudine v vlnas et dimidium quarterium solario desuper tantum Tercia sopa cum solario continet in latitudine ii vlnas et i quarterium et ii pollices in longitudine v vlnas et dimidium solario desuper tantum Quarta sopa continet in latitudine ii vlnas et i quarterium et dimidium quarterium et tres pollices in longitudine v vlnas et iii quarterios et dimidium quarterium solario tantum Quinta sopa continet in latitudine ii vlnas et i quarterium et dimidium quarterium et i pollicem in longitudine sex vlnas et i quarterium solerio tantum Sexta sopa continet in latitudine v vlnas et iii quarterios et dimidium quarterium in longitudine ii vlnas et i quarterium et dimidium quarterium et iii pollices solario tantum Septima sopa continet in latitudine ii vlnas et i quarterium et dimidium quarterium et vnum pollicem in longitudine v vlnas et iii quarterios et dimidium quarterium solario tantum Octaua sopa scilicet vltima versus orientem continet in latitudine ii vlnas et i quarterium et iii pollices in longitudinis v vlnas et tres quarterios et vnum pollicem solario desuper tantum continente Scilicet quicquid habui vel habere potui in predictis sopis cum solariis et cum omnibus pertinenciis suis integre in longitudine latitudine in lignis et lapidibus et rebus cunctis habend et tenend dictis monialibus et successoribus suis de me et de heredibus meis libere quiete bene et in pace in perpetuum pro sex marcatis quieti redditus quas Thomas frater meus senior dictis monialibus et successoribus suis dedit et legauit cum corpore suo preterea reddendo inde annuatim mihi et heredibus meis pro omni seruitio et exactione et rebus cunctis de predictis octo sopis decem solid[] ad quatuor terminos anni scilicet ad pascham xxx d ad natiuitatem Sancti Iohannis Baptiste xxx d ad festum Sancti Michaelis xxx d ad nathalem dominii xxx d sine omni occasione Et sciendum quod ego Matheus Blundus et heredes mei nullo modo poterimus nec debemus dictas moniales nec successores suas nec earum tenentes de dictis sopis nec soliis nec pertinenciis dehospitari causa nos vel aliquem hominem vel feminam ibidem hospitandi nec amplius inde exigere nec capere nec clamare nec habere debemus quam dictos decem sol[] per annum terminis statutis Has igitur sopas predictas integre cum solariis et cum omnibus pertinenciis suis nominatis et non nominatis ego Matheus Blundus et heredes mei dictis monialibus et successoribus suis et cuicumque dare dimittere vel assignare voluerint contra omnes gentes inperpetuum debemus warantizare et adquietare per predictos x solidos annuos vt predictum est Et nisi fecerimus concessi quod ipse moniales vel earum assignati de predicto redditu decem solid[] pro me et heredibus meis versus capitales dominos feodi easdem sopas adquietant sine omni occasione et contradiccione Pro hac igitur concessione dimissione warantizatione adquietatione et presentis carte mee confirmatione condonauerunt mihi predicte moniales xxv marcas et dimidi[] sterlingorum quas eis debui de reragiis Et insuper dederunt mihi septemdecim marcas sterlingorum in gersumam Hiis testibus Serlone[] tunc maiore London[] Iohanne filio Wiel Toma de Hauerell[] Willelmo filio Benedicti tunc alderman Thoma Bucherel Iohanne Bocungte Goceo filio Petri alderman Iacobo alderman Willelmo Ioymer Stephano Grasso Iohanne Trauers et multis aliis

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.