Anno regni regis Edwardi vicesimo septimo ad festum Sancti Petri quod dicitur ad Uincula facta fuit hec conuentio inter dominum Walterum Faukes generalem procuratorem in Anglia abbatisse Sancte Trinitatis de Cadomo ex parte una et dominum Henricum de Tydolueshyde ex altera uidelicet quod dictus Henricus recepit ad firmam mobilem de traditione dicti Walteri procuratoris dicte abbatisse maneria de Tydelueshyde et Tarente Lowyneston cum pertinentiis suis et instauramentis suis et terris seminatis subscriptis et aliis ut inferius patebit uidelicet in manerio de Tydelueshyde una aula cum duabus paruis cameris unum horreum magnum una parua grangia unum granarium una boueria una porcheria cum gallinar tres caruce cum ferramentis ducente et septuaginta oues bone et bene dentate centum oues matrices de tribus annis quadraginta et unus hogastri femell septemdecim castrates boni et bene dentati et duo ueteres castrates viginti et octo oues matrices ueteres ad cronium faciendum centum agni et octodecim boues pretium cuiuslibet quinque solidi et novem denarii Numerus uero acrarum frumenti quater viginti et quindecim acre Item quater viginti et duodecim acre mixtelonis frumenti et bere quadraginta acre ordei et inhouk centum et viginti septem acre auene et octo acre uiscarum Numerus uero utensilium unus tripos pretium trium denariorum una tina tres mense duo trestelli una forma que uocatur chustall tres fescelle unus alueus tres pecie panni ad caseum et butirum faciendum unum mortarium duo corbelli debiles ad bladum In manerio uero de Tarente sunt sexdecim boues pretium cuiuslibet septem solidi due iument pretium utriusque quatuor solidi et quatuor bouiculi pretium cuiuslibet duos solidi et tres denarii de quibus unus masculus septuaginta et duo multones boni et bene dentati octo hogastri masculi quindecim ueteres multones quadraginta oues bone et bene dentate sexdecim hogastri femell tresdecim oues ueteres septem hurcard boni triginta et quatuor agni quorum septemdecim masculi novem porci superannati quorum sex masculi Numerus uero acrarum seminatarum uidelicet quadraginta et quatuor acre frumenti aliquantul mixti cum bere et septuaginta acre de beremangcorn quater viginti et quindecim acre auene viginti acre ordei decem acre drageti tres acre pisarum et quatuor uiscarum Numerus uero domorum uidelicet una aula camera magna una coquina unum granarium duo horrea una boueria unum stabulum due caruce cum ferramentis una patella cum tripodio unum mortarium cum pilo quatuor fescelle cum quatuor panniculis ad caseum una tina unum bukettum unum seminarium una urna duo ciphi duodecim disci novem parapsides unum salsarium una securis habend et tenend omnia predicta a dicto festo Sancti Petri usque ad finem treseecim annorum proximo sequent plene completorum reddendo inde annuatim dicte abbatisse uel eius certo procuratori quadraginta et sex libras sterlingorum bone et legalis monete ad duos anni terminos uidelicet medietatem ad festum Sancte Luce Euangeliste et aliam medietatem ad festum inuentionis Sancte Crucis ab eodem Henrico soluendas integre et ad custum suum proprium apud Munechenehampton deferendas saluis quidem et retentis ad opus dicte abbatisse boscis suis de Tarente in quibus dictus Henricus nichil capiet nisi ad reparationem domorum et carucarum dicte abbatisse et per uisum quatuor hominum legalium suorum ad hoc assignatorum nec poterit inde dare aliquid uel uendere pro quorum custodia dictus Henricus tenetur de suo proprio forestariis et omnibus aliis satisfacere Item retentis dicte abbatisse uenditionibus natiuorum utriusque sexus releuiis herihetis liberorum hominum suorum et escetis de nouo nec licebit dicto Henrico aliquam terram tradere sine assensu dicte abbatisse uel eius procuratoris quia omne commodum proueniens ex huiusmodi traditionibus retinebit dicta abbatissa Faldam etiam et fimos curie alibi non ponet quam super terras dominicas abbatisse predicte Completis autem tresdecim annis predictis reddet dictus Henricus dicta maneria domos et instauramenta et terras seminatas et culturas sicut recepit domos uero de suo proprio sustentabit excepto meremio quod ad opus domorum ei dicta abbatissa inueniet Et si dictus Henricus domos seu aliquid de nouo fecerit in dictis maneriis sine licentia domine uel sui procuratoris non tenebitur computare Debet etiam dictus Henricus iura et libertates et maneria predicta defendere contra omnes de omnibus placitis et querelis et exactionibus ad suas proprias expensas et libertates consuetudines et iura iniuste alienata pro posse suo congregabit et reuocabit Si tamen hactenus alienata et dispersa ante tempus receptionis firme predicte sine breui domini regis reuocari non possint expense rationabiles quas fecerit per consilium procuratoris eidem allocabuntur Et si noue collecte et noua tallagia per dominum papam uel regem emerserint ad ea non tenebitur dictus Henricus Et dicta abbatissa prestationem dimidie marce diu factam ad hundredum de Pymperne liberabit nec licebit dicto Henrico homines dicte abbatisse talliare quia hoc sibi retinuit dicta abbatissa Ad que omnia et singula predicta tenend dictus Henricus obligauit se et sua bona mobilia et immobilia perquisita et perquirenda dicte abbatisse que pro tempore fuerit quod ipsa sua propria auctoritate uel suus procurator in Anglia possit ingredi domos possessiones redditus terras suas et inde tanquam de proprio commodum suum quibuscumque modis uoluerit facere et aueria sua ubicumque inuenta fuerint capere detinere de loco ad locum de comitatu ad comitatum fugare prout sibi placuerit et ea uendere sine contradictione eiusdem heredum attornatorum et executorum suorum si in solutione dicte pecunie suis terminis in toto uel in parte defuerit quod absit aut homines dicte abbatisse tractauerit contra iustitiam aut eorum consuetudin grauamen eiusdem intulerit aut si dictus Henricus dictam conuentionem in toto uel in parte non obseruauerit ex tunc licebit dicte abbatisse uel suo procuratori maneria sua predicta cum suis pertinentiis et cum omnibus bonis in eisdem inuentis in manu sua capere et tenere aut cuicumque pro uoluntate sua ad firmam uel alio modo tradere sine contradictione eius heredum attornatorum seu executorum suorum Insuper subiecit et summisit se dictus Henricus et omnia bona sua predicte iurisdictioni et cohertioni cuiuscumque iudicis ecclesiastici uel secularis potestatis quem dicta abbatissa duxerit eligendum qui ualeat ipsum per interdicti et excommunicationis sententiam de die in diem absque strepitu iuditiali compellere et distringere ad plenam solutionem pecunie suis terminis faciendam et ad plenar satisfactionem et obseruationem omnium superius contentorum cum dampnis et expensis si quas dicta abbatissa uel eius procurator fecerit uel incurrerit occasione dicte conuentionis non obseruate in parte uel in toto super quibus omnibus dicte abbatisse uel suo procuratori debet credi sine onere alterius probationis nec testimonium suum robur habebit aut effectum donec premissa compleantur Et ad hec omnia et singula tenend firmiter tactis sacrosanctis euangeliis corporale prestitit sacramentum renuntians plene et expresse quo ad hec omnia et singula omni exceptioni cauillationi et maxime regie prohibitioni priuilegio fori et cruce signatis indulto constitutioni de duabus dietis edite in concilio generali et omni impetrationi facte et faciende tam in curia ecclesiastica quam seculari que possit obieci contra hoc factum uel scriptum et parti dicti Henrici prodesse et parti dicte abbatisse nocere Concedit etiam dictus procurator quod si dictus Henricus ante terminum predictum plene completum decedat quod Ricardus de Lauynton nepos eiusdem Henrici predicta maneria cum suis pertinentiis in forma predicta teneat usque terminum tresdecim annorum predictorum plene completorum facta tamen dicte abbatisse uel eius procuratori per eundem Ricardum eadem securitate quam fecit dictus Henricus Nos uero Iohannes Rykeman de Tydolueshyde Ricardus de Lauynton Petrus de Mydeldone dominus Galfridus rector ecclesie de Craucombe Iohannes Waltham et Robertus Symme de Tydelueshyde hanc obligationem et eius formam in modo cyrographi confectam de uerbo ad uerbum audientes et plene intelligentes pro eodem Henrico dicte abbatisse que pro tempore fuerit nos et omnia bona nostra mobilia et immobilia perquisita et perquirenda tenore presentium obligamus singuli et insolidum constituentes nos principales debitores et uolumus et cognoscimus nos cum bonis nostris sicut dictum est in eadem forma et obligatione ad omnia et singula in predicta obligatione contenta integre obseruanda et adimplenda predicte abbatisse de nostro expresso consensu et uoluntate esse obligatos et uelle fore adstrictos quibus nostrum insolidum ut dictum est omni auxilio nostris et facti remedio nobis contra hoc competituro sicut superius plenius est expressum plene et expresse renuntiantes In quorum omnium testimonium huic instrumento ad modum cyrographi diuiso super dicta conuentione penes dictam abbatissam remanenti cum sigillo dicti Henrici sigilla nostra apposuimus et dictus procurator parti instrumenti residenti penes domini Henrici sigillum suum apposuit Insuper ad pleniorem securitatem inuenit dictus Henricus fideiussores tenentes abbatisse de Tydolueshyde uidelicet Rogerum Bysshup Walterum Pyrys Robertum le Mayster Thomam filium Margarete de Tydolueshyde Robertum le Knytht et Henricum Walkelyn

Source Fulltext: Charters and Custumals of the Abbey of Holy Trinity Caen. John Walmsley. The French Estates. British Academy. Oxford University Press. London. 1994 .