Universis sancte matris ecclesie filiis ad quos presens scriptum pervenerit Ricardus dei permissione Sareb[] ecclesie minister humilis salutem in domino Noveritis quod cartam abbatis et conventus de Waltham inspeximus in hec verba Omnibus Christi fidelibus presens scriptum visuris Ricardus dei gracia abbas de Waltham et eiusdem loci conventus salutem in domino Noveritis nos divine pietatis intuitu concessisse et dedisse quantum ad nos pertinet et presenti carta nostra confirmasse domino Alano capellano nostro perpetuam vicariam ecclesie de Windesores Nova salvo nobis redditu centum solidorum ab eodem nobis annuatim solvendo Unde et hanc cartam ei fecimus et sigillo nostro communi confirmavimus Nos igitur dictum Alanum ad presentationem dicti abbatis et conventus nobis ad pretaxatam vicariam presentatum admisimus ipsumque in eadem episcopali auctoritate institutum in corporalem induci fecimus possessionem Statuentes ut pretaxatam vicariam quo advixerit integre et quiete possideat Et in huius rei testimonium ei cartam nostram dedimus sigillo nostro communitam salvis in omnibus iure auctoritate et dignitate ecclesie nostre et nostra et successorum nostrorum Dat[] apud Suningg[] per manum Iohannis capellani idus Novembris pontificatus nostri anno iii Hiis testibus

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.