Contra decanum et capitulum Sancti Pauli Londoniensis de dimidia marcata redditus quam nobis debent annuatim per finem factum in curia domini regis hominum suorum de Chingeford [] Hec est finalis concordia facta in curia domini regis apud Westm[] a die nativitatis Sancti Iohannis Baptiste in tres septimanas anno regni Regis Henrici filii Regis Iohannis quarto coram Roberto de Ver comite Oxoniensi Martino de Pateshull[] Radulfo Hareng Thoma de Heyden[] iusticiariis et aliis domini regis fidelibus tunc ibi presentibus inter Ricardum abbatem de Wautham querentem et Robertum decanum et capitulum ecclesie Sancti Pauli de London[] deforciantem de sectis et consuetudinibus quas idem abbas exigebat ab eodem decano et capitulo de hominibus eorum de Chingeford[] faciendas ad dimidium hundredum eiusdem abbatis de Wautham scilicet ad tres lagehundreda per annum de omnibus tenentibus eorum tam liberis quam villanis sine summonicione unum scilicet a die martis proxima post festum Sancti Michaelis in xv dies et alium a die martis proxima post epiphanium domini in xv dies et tercium ad diem de Hokedai Ita quod ad diem illud de Hokedai presentent tenentes de Chingeford[] in hundredo de Wautham quandam wardam cum quodam baculo qui vocatur wardstaf secundum debitam et antiquam consuetudinem eiusdem hundredi Et similiter de aliis sectis quas idem abbas exigebat de serviente eiusdem decani et capituli et de liberis tenentibus eorum de Chingeford[] faciendas ad hundredum eiusdem abbatis de Wautham ad summonicionem servientis eiusdem hundredi de quindena in quindenam per totum annum et de visu francoplegio tenencium eiusdem capituli de Chingeford[] faciendo annuatim ad ecclesiam de Chingeford[] die veneris infra Pentecoste[] sine summonicione et ad visum illum reddat denarios qui vocantur borchalpening et similiter quendam redditum qui vocatur wardpeni ad diem illum reddendum scilicet decem denarios secundum antiquam consuetudinem et de dominico ad scotallam septem denarios et de quolibet astro tenencium eiusdem ville unum denarium ad scotallam et de omnibus amerciamentis que possunt evenire de tenentibus Sancti Pauli sive evenerint de predictis sequelis sive de aliquibus aliis exactionibus predictis Quas sectas et quas consuetudines et amerciamenta idem decanus et capitulum ei non cognovit et unde placitum fuit inter eos in prefata curia Scilicet quod predicti decanus et capitulum recognoverunt et concesserunt pro se et successoribus eorum eidem abbati et ecclesie de Wautham quod tenentes eorum de Chingeford[] sectas et consuetudines subscriptas facient inperpetuum ad predictum dimidium hundredum eiusdem abbatis videlicet quod venient bis in anno ad legale hundredum eiusdem abbatis sine summonicione ad hundredum scilicet quod erit a die martis proxima post festum Sancti Michaelis in xv dies et ad hundredum quod erit ad diem de Hokedai et ad diem illum presentabunt tenentes predicti capituli wardam predictam cum baculo qui vocatur wardstaf secundum antiquam consuetudinem eiusdem hundredi Preterea concesserunt quod ballivus predicti decani et capituli et liberi tenentes eorum veniant bis in anno ad predictum dimidium hundredum ad summonicionem ballivi eiusdem hundredi si opus fuerit et si curia illa requirat eorum presenciam ad efforciamentum Preterea concesserunt quod ballivus predicti hundredi veniat in curiam eiusdem decani et capituli in villa de Chingeford[] die veneris infra septimanam Pentecostes ad visum faciendum de francoplegio secundum consuetudinem regni simul cum ballivo eiusdem decani et capituli Et sciendum quod si aliquis tenencium predicti decani et capituli inciderit in misericordiam coram prefato serviente eiusdem hundredi vel ad aliquod predictorum hundredorum vel ad visum faciendum de francoplegio sive fuerit pro defalta sequele sive pro aliqua alia misericordia misericordia illa remanebit ipsi decano et capitulo quiete dum tamen serviens eiusdem hundredi si opus fuerit distringat predictos tenentes ad faciend[] sequelas concessas sine occasione et aliqua misericordia quam ipse inde capiat ad opus ipsius abbatis Et pro hac recognicione concessione fine et concordia idem abbas remisit et quietum clamavit de se et successoribus suis ipsi decano et capitulo et ecclesie Sancti Pauli inperpetuum totum ius et clamium quod habuit in residuo omnium aliarum exactionum de predicto manerio de Chingeford[] Et pro hac concessione idem decanus et capitulum concesserunt pro se et successoribus eorum quod ipsi et eorum successores dabunt singulis annis ipsi abbati et successoribus suis et ecclesie de Wautham inperpetuum dimidiam marcam argenti eis reddendam apud Wautham per manum camerarii ecclesie Sancti Pauli vel sui certi nuncii ad duos terminos scilicet infra octabas Sancti Michaelis quadraginta denarios et infra octabas Pasche quadraginta denarios Et hec concordia facta fuit presente Willelmo de Sancte Marie Ecclesia tunc Londoniensi episcopo et eam concedente

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.