Omnibus Christi fidelibus ad quos presens scriptum peruenerit Ricardus Pincerna filius Willelmi Pincerne de Wermele salutem in domino Nouerit uniuersitas uestra quod ego Ricardus Pincerna bona uoluntate mea et consilio atque assensu liberorum hominum meorum de Wermele pro salute anime mee et omnium antecessorum et successorum meorum quantum ad me pertinet concessi et dedi et hac presenti carta mea confirmaui in liberam et perpetuam elemosinam deo et ecclesie Sancte Crucis de Waltham et canonicis regularibus ibidem deo seruientibus plenam licentiam et liberam potestatem ponendi emendandi renouandi conductum fontis sui ad ecclesiam suam de Waltham ducendum per feodum meum in uilla de Wermele scilicet per quadragintas duas perticatas in longum in marisco quem ego et Alexander de Poyntun communiter in dominico tenemus in eadem uilla de Wermele et per quadraginta perticatas in longum communis marisci de feodo meo et Alexandri de Poyntun in eadem uilla qui etiam communiter pertinet ad homines nostros Preterea per viginti quatuor perticatas in longum super terram Ricardi filii Helye hominis mei in eadem uilla et per quadraginta perticatas in longum super terram Henrici filii Willelmi liberi hominis mei in eadem uilla Latitudo uero omnium istarum perticarum erit ubique decem pedum si opus fuerit Preterea noueritis me gratam et ratam habere donationem predicti Henrici liberi hominis mei de crofto uidelicet adiacente a parte orientali iuxta cheminum et mesuagio et toto fontinio ibidem scaturiente super feodum meum que quidem prefatus Henricus predictis ecclesie et canonicis in puram et perpetuam elemosinam dedit sicut carta quam eis inde fecit aperte testatur Si uero contingat in posterum quod oporteat predictos canonicos predictam terram fodere per quam conductus eorum in feodo meo transit ad renouandum uel emendandum conductum suum et per hoc iacturam uel dampnum bladorum uel pratorum uel alio modo ego aut heredes mei et homines mei aut heredes eorum incurramus ipsi canonici per uisum quatuor legalium hominum de uineto de Wermele nobis plenarie et sine dilatione illud emendabunt Et ut hec mea concessio et donatio stabilis sit et firma inperpetuum hanc cartam meam eis inde feci et eam sigillo meo confirmaui Hanc autem concessionem donationem et confirmationem ego Ricardus et heredes mei warantizabimus dictis ecclesie et canonicis inperpetuum sicut liberam et perpetuam elemosinam contra omnes homines et feminas Hiis testibus Bartholomeo de Rudham

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.